Një ndër ngjarjet më të rëndësishme të ditëve që lamë pas padyshim ishin edhe zgjedhjet në K .K të Medvegjës. E tërë Diaspora  ishte fokusuar në këto zgjedhje. Ishin një lloj “testi” për liderët e partisë të PVD-së dhe PD-së,të cilat parti i kaluan këto zgjedhje me apo pa sukses , siç kishin parashikuar. Natyrisht krahu i PVD -së u ndie mjaft i shqetësuar ngase  krahu tjetër PD-së tregoi rritje , kurse PVD-së po i humbet fuqia përherë e më shumë.

Çudia më e madhe e tërë kësaj gare ishte pakënaqësia e disa të ashtuquajturve “lider” të pa zëvendësueshëm ,ku kohëve të fundit përplasja  e tyre  politike u kthye në atë ideologjike në mes të Partisë PD e PVD dhe respektivisht disa fanatik të denjë  që nuk u bë një listë e përbashkët garuese. Anëtarëve të partisë së PD-së  iu veshën shumë akuza, shkak i të cilave ishin se me herët e  kishin braktisur PVD-në ,dhe kishin dal në një parti të re e quajtur PD me seli në Bujanovcë që vepron edhe në Medvehgjë me degën e sajë. Qëllimi kryesor siç duket ishte që në këto zgjedhje partitë  e tyre të korrin fitore, por ndodhi e kundërta.!. PD –ja shënuan një fitore  me të lakmueshme, kurse partia e vjetër shumë vjeçare mbeti mbrapa më shumë sesa në zgjedhjet e kaluara. Shumë kush u gëzua me 25% të votave të përgjithshme , por pati edhe të atillë të cilët u pikëlluan thellë. 

Shqiptarët  tanë u ndanë në dysh, disa festuan e disa vajtuan. Këta të fundit  vajtuan dhe vazhdojnë të vajtojnë jo pse u dhimbset partia humbëse i cili dita ditës po dobësohet, por sipas atyre që shikojnë me real gjendjen ishte gabim që hynë në garë me dy lista.! Populli e tha fjalën e vet. Dikujt i “dhimbset” ky popull e ka dhënë kontributin e tij ndaj vendlindjes ,kurse partitë e shfrytëzojnë popullin për votën e tyre, duke i bindë ata se vetëm partitë e dinë rrugën e drejtë si të  dalim fitues ndaj sistemit të Serbisë. Këta sikur i kanë harruar se populli gjithherë e ka fjalën e fundit,dhe të gjithë ata lider partiak janë të dalë nga populli. Ne këto zgjidhje serbët, malazezë u bashkuan për një garë në këtë vend  të vogël, ashtu siç ndodhi edhe shume herëve tjera ,kurse ne shqiptarët të mbetur brenda territoreve të Serbisë,(Medvegjë) ndahemi në dysh dhe qëllimisht dobësohemi ndaj konkurrenteve të partive serbe që  po të ishim unik ndoshta fitorja sot do të ishte shume më bindëse .

Pra, kësaj i thonë “për inati të resë më vdektë djali.” Megjithatë, kështu e ka jeta ,diçka tjetër mendon dhe shpreson por krejt diçka tjetër ndodhë në realitet, sepse sot nuk bëhet gjithherë siç donë partitë, po siç thotë populli. Dhe pikërisht populli ka thënë fjalën sot dhe tregoi edhe njëherë se populli Medvegjas nuk i harron trojet e tyre ,e kjo është pasuria më e madhe që mund të mburremi ne Medvegjasit.e jo edhe me partitë që na ndanë në momentet kur u kërkua bashkim. All-llahu na e ruajt këtë popull këtë pasuri dhe këtë begati .Për sa u përket zgjedhjeve në Medvegje, mendoj se mund të nxirren mësime madhore, dhe ndër më kryesoret prej tyre është se ! Fuqia që buron nga populli është e pamposhtur. Nëse populli do ndryshimet ndodhin. Nëse populli vetëdijesohet, shkatarraqët katandisen në humnerë.

Ne me muaj të tërë u munduan ti bindim liderët,të bashkohen mos të dalim me dy lista para armikut .Populli  i ndarë në dy pjesë është sikur e ndanë zemrën në dysh ! Por ashtu të ndarë si kurrë më parë ja mësyn vendlindjes dhe kufirit famëkeq të Mutivodës. Grupet banditësh  polic,xhandarmeri dhe e  tërë Qeveria e Serbisë u frikua  me një organizim masovik nga shqiptarët e Medvegjës. Një popull i organizuar  dridhi edhe selinë e Kryeministrit të Serbisë, dhe  nga frika Kryeministri  u deklarua publikisht mos të lejohet fitorja e shqiptarëve në Medvegjë , duke na quajtur si çdo herë separatist .

Me këtë politikë serbe, ne medvegjasit jemi mësuar por pyesim !  Ku janë Qeveria e Kosovës, ku janë diplomacitë shqiptare që nuk u bë një intervenim më dinjitoz që kufiri të mos jetë pengesë  në këto votime që ishin shumë të rëndësishme për Medvegjen ? Populli nuk u frikua bile tentoi që kufirin ta then me dhunë,dhe kjo do të ndodhte po që se të kishim një përkrahje nga Qeveritë tona shqiptare Kosove e Shqipëri. Kujt do ti shkonte ndërmend se deri në atë masë do të organizohen bijtë dhe bijat e Medvegjës të thonë fjalën e tyre ? ! E tërë bota fliste se me 13 do të mbahen zgjedhjet në Medvegjë ,kurse Qeveritë Kosove e Shqipërisë  i shtinë veshët në lesh dhe asnjë përkrahje nuk ju sigurua medvegjsëve para se të nisen në këtë rrugë të shenjte. Prapa liderëve të PVD-së dhe PD-së  qëndruan  populli dhe  besimi që kishte fituar tek ata lider të  pamposhtur. Populli u munduan të bëjnë çmos por nuk mund ta mposhti makinerinë serbe në kufi pa një përkrahje ndërkombëtare . Ky është shpërblimi i sinqeritetit dhe korrektësisë i të gjithëve vendasve të popullit Medvegjas ndaj partive dhe vendlindjes.

Personalisht kam bindjen se ,jo të gjithë ata që ia dhanë votën partive të ndara në dysh e patën obligim ndaj partive ,po  jam i sigurt që votën i dhanë vendlindjes ,një fitoreje të mundshme e cila ishte shumë afër po të ishim të organizuar më mirë. Por me siguri pati edhe të atillë të cilët janë laik, respektivisht edhe ranë nën ndikimet partiake, por me gjithë atë ia dhanë votën atyre më të merituarve duke menduar ta çon vendin përpara. Andaj unë mendoj se edhe tek  partia e cila mori  votën më shumë do ti mbroj të drejtat e popullit në Kuvendin Komunal të Medvegjës ,dhe zëri i popullit të dëgjohet në tërë Boten dhe Evropën ,që ka harruar se edhe në Serbi kërkohet Asociacion dhe urgjentisht do zgjidhje ndërkombëtare e jo mëshirë çka po na ofron Serbia .

Me një organizim më të fortë ,më unik, ne shqiptarët do ta marrim pushtetin në Medvegjë. Nuk ka njeri  Medvegjas që kur flet drejtë dhe nga zemër që nuk e mbron vendlindjen, e jo partinë.! Kjo u dëshmua më herët me Referendumin gjithë Popullore 1992,kur të gjithë ishim UNIK . U dëshmua 2000-2001  me organizimin ushtrisë të UÇPMB-së, dhe u dëshmua SOT me 13 shtator me  një organizim masiv drejt kufirit të Mutivodës deri në vendlindjen tek vend-votimet ku vendlindjen nuk do ta harrojmë  kurrë, e nuk do ta lëmë nën thundrat e Serbisë. Këto të drejta nuk mund ta mohoj askush sepse fjala e popullit është e fundit dhe është më e fuqishmja . Populli e din mirë dallimin mes atyre që punojnë për parti dhe mes atyre që punojnë për Kombe dhe interesat kombëtare. Andaj siç thotë populli “rri shtrembët e fol drejtë”, Partitë edhe njëherë dështuan , kurse populli i mbeti besnik vendlindjes e jo partive.

Ky përparim i madh dhe bindes tek populli Medvegjas , jam i bindur se në zgjedhjet të rregullta që mbahen pas një kohe shumë të shkurtë në K.K të Medvegjës ,do të organizohemi edhe më mirë deri në fitore bindëse , që edhe  më herët  do e kishim sikur mos bënim ndarje partish.

Allahu i ndihmoftë trojet Medvegjase, të cilin aq shumë i do populli i vet, e duan Lirinë , i duan edhe të gjithë ata që nuk e lëshuan vendlindjen, por ende janë atje .I duan edhe ata që  kanë paragjykime dhe i donë të mirën popullit dhe Kombit .U ndihmoftë All-llahu të gjithë atyre që punojnë për Kombin, shtetin e vet, popullin e vet, e pastaj edhe për mbarë njerëzimin.

Për fund nuk na mbetet tjetër vetëm  ti urojmë këto zgjedhje .Urime popullit për një organizim dinjitoz . Urime dashamirë të paqes e mirësisë që mbrojnë interesat e vendlindjes time MEDVEGJËS.

shkruan për REDAKSIN Medvegja , Shaban Abazi  15,09,2015.

Bëhuni pjesë e Faqes   https://www.facebook.com/medvegja.redaksia

Autori  është  ish i denuar , ish Komandant i Uçpmb-së Zona Medvegjë, poet dhe veprimtar shumë vjeçar për trojet tona.

 Për të lexuar Biografin e autorit

                     klikoni këtu:⇓

http://tupalla.com/wp/?p=3438

Organizata e Veteranëve të Luftës (OVL) së UÇPMB-së në Preshevë në koordinim me Shoqërinë Civile në këtë komunë, organizon protestë gjithë-popullore.

Këshilli organizativ përmes një njoftimi fton popullatën e kësaj komune dhe më gjerë, që të marrin pjesë në protestën e paraparë të mbahet të premten, 18 shtator, me fillim në orën 11:00.

OVL dhe Shoqëria Civile, përmes këtij tubimi protestues kërkojnë ndalimin e dëbimit të shqiptarëve nga komunat Preshevë, Bujanoc dhe Medvegjë si dhe dhunën, diskriminimin që po  vazhdon ndaj banorëve të këtushëm.n

Gjithashtu, sipas njoftimit të Këshillit organizativ, protesta gjithë-popullore do të shprehë edhe pakënaqësitë për veprimet e deritanishme të vetëqeverisjes lokale në Preshevë.

Ata kërkojnë kthimin e lapidarit të dëshmorëve të UÇPMB-së i hequr nga sheshi  kryesor, para godinës së administratës komunale, sikurse shprehin pakënaqësinë për dhënien e mirënjohjes kryeministrit të Serbisë, Aleksandar Vuçiq nga kryetari Ragmi Mustafa.

Protesta e së premtes do të nisë marshin nga shkolla e mesme për në qendër, para godinës së administratës lokale, në Sheshin e Dëshmorëve.

VIDEO-Intervist Munir REXHEPI ,OVL -UÇPMB bën thirrje për protestë gjithë popullore

Të gjithë në këmbë PROTESTO kunder padrejtësive ,turturave, dhunes dhe diskriminimit që ushtronë Serbija ndaj Shqiptarve në bashkëpunim me pushtembajsit shqiptar në këto troje AUTOKTONE SHQIPËTARE

Bëhuni pjesë e Faqes Medvegja REDAKSIA   https://www.facebook.com/medvegja.redaksia

Nëse shpallen  shumë vota të pavlevshme dhe nuk ndahen ulëset proporcionalisht për shqiptarët në Kuvend Komunal të ksaj legjislature , nëse Kryetari apo Kryesuesi i Kuvendit   ju mohohet  do të ishte shumë e aryeshme  të tërhiqen shqiptarët  duke kërkuar që zgjedhjet të përsëriten edhe njëher duke këmbëngulur që zgjedhjet  të monitorohen posaqërisht nga vëzhgues të OSBE-së , shteteve tjera Evropiane e BE-ja dhe instanca e mekanizma  tjera ndërkombëtare .

***

Ëshë mendim i përgjidhshëm edhe pse nuk garuam me një listë , do të duhej të jenë një zë unik i koordinuar dhe të veprojn në Kuvend të Medvegjës ,si shqiptarë ,   të : Pranojn rezultatet të gjithë , të kërkojn bashkarisht që Kryetari , Kryesuesi i Kuvendit , që të përfaqësohen në legjislativ, ekzekutiv, në këshillin Komunal e instanca tjera të kësaj komune . Me rastin e zgjedhejve të jashtëzakonshmë  të 13 shtatorit për Kuvend Komunal të Medvegjës  ishte vetëm edhe një lloj padrejtësi dhe diskriminimi i llojit të vetë që as e drejta e votës së lirë të mos pranohet   .

Pengesat që ju bën dje në vendkalimin në Mutivodë votuesve shqiptarë për t’i mos lejuar që të shkojn të votojn në Medvegjë në këtë rast  Tirana dhe Prishtina është dashur të jenë më të zëshme , duke u përfshi edhe Kryeministri i Shqipërisë z.Edi RAMA dhe Kryeministri i Kosovës  z.Isa MUSTAFA  . 

***

Nëse llogarisim sikur në Kosovë ditën e zgjedhjeve të pengoheshin e gjithë pakica serbe që të votojnë , çfarë reagimi do të bëhej .Ne , që në fillimi ishim që ne shqiptarët të dalim me një listë  , vetëm e vetëm që të mos humbim asnjë vot dhe të mobilizohemi  maksimalisht  që të marrim deri në njëzet ulëse nga 35 ulëse sa numron Kuvendi Komunal i Medvegjës  .

***

Brukseli në këtë rast BE-ja do të duhej të qorton Beogradin për vazhdimin dhe thellimin e diskriminimit në Medvegjë ,  Bujanoc dhe Preshevë .

për REDAKSIN Medvegja      shkruan Mr. Sc. Refik  HASANI  ,13 Shtator 2015 

Bëhuni pjesë e Faqes   https://www.facebook.com/medvegja.redaksia

Autori  është njohës & iniciator i shumë çështjeve për Kosoven Lindore, veprimtar i dalluar për trojet tona .

 Për të lexuar Biografin e autorit

                       klikoni këtu:⇓

tupalla.com/wp/?p=3819

—————–info e fundit  ————- na ndiqni …..

Permbledhja e Ngajrjeve ne KTV http://koha.net/?id=27&l=74855

——————- Info nr.7 —————–

 ——————- Info nr.6 —————–

Reagon Edita Tahiri, Serbia zhbllokon pikë-kalimin kufitar në Mutivodë _

Gënjeshter e radhes

Pas marrjes së informatës se në pikë-kalimin kufitar mes Kosovës dhe Serbisë, në Mutivodë, janë krijuar kolona të gjata të qytetarëve nga Lugina e Preshevës, që po shkojnë për të votuar në zgjedhjet lokale në Medvegjë, ministrja për Dialog, Edita Tahiri, ka reaguar menjëherë dhe ka kërkuar nga Bashikimi Evropian që të ndërhyjë dhe të mundësojë qarkullimin e qytetarëve, konform marrëveshjes së Brukselit për lëvizjen e lirë.

Në pikë-kalimin kufitar në Mutivodë, medvegjasit janë përplasur me policinë serbe, të cilët po arsyetohen se askush nuk mund të hyjë në Serbi për shkak se kanë probleme me sistem të regjistrimit. 

Me qindra votues nuk i lejuan te shkojn ne vende votime pra u kthyen…….

 ——————- Info nr.5 —————–

                ne kufi sistemi serb nuk punon !!!!!

deri sa shqiptaret autokton duan të votojn……

https://www.youtube.com/watch?v=TcTpTtKMa14

 ——————- Info nr.4 —————–

Shume votues jan kthyer mbrapa nga kufiri , ishin qe në ora 6h e mengjesit në pritje deri ora 11h  humben durimin ……. por atdhetaret e vertetë nuk dorzohen ata kerkojn qe tu hapet kufiri menjëher perndryshe  BOJKOT TOTAL te Shtetit te Serbis

Po ashtu kanë kërkuar nga përfaqësuesit shqiptar që ti tërheqin dy listat shqiptare nga zgjedhjet. Madje, ata në shenjë revolte kanë bllokuar rrugën dhe nuk po lejojnë që të futet në Kosovë askënd .

——————- Info nr.3 —————–

Në pikën kufitare  situata është tensionuar

Qytetarët medvegjas që nuk po lejohen që të kalojnë andej kufirit për të marrë pjesë në zgjedhjet lokale në Medvegjë janë përplasur me policinë duke tentuar ta kalojnë kufirin me dhunë.

Ata janë ndaluar nga Policia dhe janë kthyer sërish prapa

——————- Info nr.2 —————–

Numri i madh i votuesve shqiptare për të marr pjesë në zgjedhjet lokale në Medvegjë me sa duket e ka trembur  shtetin e Serbisë

Policia serbe nuk po lejon asnjë qytetar të kalojë kufirin, me arsyetimin se nuk po punon sistemi …

——————- Info nr.1 —————–
Sot, janë duke u mbajtur zgjedhjet lokale në Komunën e Medvegjës. Në këtë
komunë të drejt vote kanë 10.465 banorë të cilët do të votojnë në 28
vendvotime. Për momentin fluksi i votuesve tanë nuk është i madhë për shkak
të problemit me rrjet në sistemin policor në pikëkalimin Mutivodë në të
cilin gjindet kolona e bashkëatdhetarëve tanë prej afro 2 km dhe afro 3000 votues. Për informata
më të hollësishme do t’iu informojmë më vonë.

 

 

Bëhuni pjesë e Faqes Medvegja REDAKSIA   https://www.facebook.com/medvegja.redaksia

 

 

VETËM TË BASHKUAR DERI NË FITORE – ASOCIACION . . . .

Të nderuar Lider të partive ,bartës të listave zgjedhore për kandidat të K.K të Medvegjës.

Meqenëse në kohen e fundit gjatë përgatitjeve parazgjedhore po edhe me herët kur u prish Kuvendi Komunal dhe hynë masat e dhunshme në Komunen e Medvegjës, ne diaspora,qytetar nga Medvegja, patriot e bashkëvendës, ishim tejet aktiv mbi situatën e Kosovës Lindore ,gjegjësisht për gjendjen e  Medvegjes.

   Lexuesit e mjeteve digjitale e posaçërisht të atyre te fb-kut  dhanë mendimin e tyre në shumë shkrimet dhe komentimet nga aktivist të ndryshëm të trevave shqiptare. Posaçërisht dua ti falënderoi të gjithë bashkëvendësit e mi që mua më përkrahën ,apo edhe patën mendime të ndryshme mbi gjendjen se si unë e përshkruaja  gjendjen në Medvegjë në shkresat e mija.

   Të jeni të bindur se i kam përcjell të gjitha komentet qe i keni komentuar në faqen e fb–ut tim, po edhe në shkresat tjera ,sepse isha aktiv siç isha aktiv edhe mbi gjendjen që sot po ndodh në vendlindje Medvegje. Të gjithë i falënderoi sepse ishin shumë e ndër ata me aktiv ishin Osman Sadiku,Selim Emini, Haki Emini Xhafer Aliu  dhe Redaksia Medvegja e cila pa dyshim ishte me aktivja në prag të këtyre zgjedhjeve.

    Unë dhe shumë Atdhetar ,vendas,aktivist,dashamir të popullit medvagjas ,Klubi Trojet dhe Shoqata Humanitare  e Zvicrës ,ishim të dalim me një listë të përbashkët (Bashkim.)

 Mjerisht, kërkesat tona humben interesin tek këto dy parti që konkurrojnë sot me dy lista. Menduam të jemi një ! Më të fortë ,më të kompletuar,dhe të garojmë në këto zgjidhje si një familje e madhe medvegjase siç edhe jemi .E drejtë e atyre që konkurruan në këtë gare është të zgjedhin mënyrën e hyrjes në garë,sepse sigurisht e dinë më mirë gjendjen e Medvegjës siç është sot, dhe si duhet të jetë nesër. Por e them mjerisht që nuk u dëgjua edhe zëri i Diasporës dhe i Shoqatave Humanitare ,e sidomos ajo në Zvicër,sepse edhe ne nga larg e shohim të njëjtën situate që sot po ndodhë në Medvegjë dhe në përgjithësi në Kosovën Lindore..

    Thotë një falë popullore “ Një kokë të bën njeri,kurse dy koka të bëjnë shtet.” Unë dhe të gjithë ata që e donë Medvegjën si vendlindje,edhe pse ndoshta nga ne ka të  cilët fare nuk kanë lindë atje ,apo e kanë të ndaluar kthimin në vendlindje,të gjithë e ne kemi qenë për një UNITET.

 E kur bashkimi dhe patriotizmi për Atdheun janë bashkë,fitorja do të ishte e sigurt.

    Sot të sugjerosh dike apo të provosh ta bindesh nga larg,si ne që veprojmë nga Diaspora, si duket është e kotë,ndoshta nuk i shohim gjërat nga afër si duhet, apo nuk jemi në rrjedha.! Kjo sipas meje është një gabim që nuk duhet të mendohet për ne nga diaspora.  Ne sot kemi nevojë për të  gjithë ,bile një konsultim nga njerëzit që shumë kohë i kushtuan vendlindjes dhe Atdheut,sepse  gjendemi në këtë gjendje  të mjeruar ku jemi sot. Medvegja ka pas një jetë të vështirë dhe i është nënshtruar shumë gjenocideve gjatë gjitha kohërave. Mbi historinë e popullit medvegjas janë të shkruar shumë emra burrash , që luftuan për të drejtat e Kombit Shqiptar. të cilat edhe sot nuk i kemi ashtu siç na takojnë,sepse përpara kemi një armik shekullor të cilët janë shumë më të vendosur në vendimet e tyre. Nuk kisha pas dëshirë që këtë ta ceku ,po realiteti është kështu. Andaj. sot është gabim që garuam me dy lista.

 Kjo ndodhi ! Nuk u dëgjua fjala jonë e Diasporës ! Urojmë që fitorja mos  të mungoi ,sepse fitorja  na bënë të kënaqemi edhe në që sot i kemi bere sytë e skifterit dhe veshët e llapoqit çka po ndodh me Medvegjën .

   Të jetë si të jetë rezultati përfundimtar i këtyre zgjedhjeve të datës 13. Dhashë zoti që ne shqiptaret  të dalim fitues. Po nëse, jo çka tutje ?

     Duke bërë një analizë më të hershme , dhe duke pa situatën që sot jemi,besoj që zotërinjtë e nderuar ,kandidat të këtyre dy partive ,nuk do të bien prapë në gabimin e liderëve të partisë ,apo të atyre që e prunë gjendjen të ndahen në dysh.

 Rezultatet përfundimtare do të tregojnë realitetin duke menduar se nuk do të ketë shkelje ligji në këtë garë. Por kam frikën se  prapë do të gabohet pas përfundimit të këtyre zgjedhjeve.

     Të bindur, që shqiptarët ( kandidat për deputet të ansamblesh) të dy partive PVD dhe PD,në formimin e Qeverisjes Komunale do të bashkohen dhe nuk do të lejojnë të bien në grackën e politikës Serbo-sllave, dhe të bëjnë ndonjë koalicion me partitë serbe që janë shumicë.

   Kjo nuk duhet të ndodhë,po nëse ndodh atëherë fajtorë do të jenë liderët e partive  të PVD-së dhe PD-së të cilët e dinë mirë mënyrën e ndarjes të vendeve qeverisëse komunale,e sidomos Partia e PVD-se e cila ka një përvojë të madhe dhe pa rezultat në qeverisjet e kaluara. –  Nëse ndodhë e kundërta ,atëherë përgjegjësia do të bije pikërisht tek këto dy parti politike,kurse ne Diaspora edhe njëherë do të ndodhemi me një gjendje të pa lakmuar dhe do të ndahemi të dëshpëruar për gjendjen në vendlindje. Paralajmërimi i shqiptarëve të Luginës së Preshevës për themelimin e Asociacionit të Komunave Shqiptare (AKSH)  është mënyra e zgjedhjes me të mirë për  Luginën . Qeveria serbe, na kërcënon me forcë si çdo herë ,siç ndodhi para tri vitesh me rastin e lapidarit te UCPMB-së”.dhe është kategorik kundër një asociacioni ,por ne shqiptaret duhet te vendosim njëherë e përgjithmonë fatin tonë

  Andaj, zotëri  Urime zgjedhjet të cilën e keni në prag ! Të fitoj me i miri dhe me i merituari,por mos harroni që jeni në shënjestër të popullit dhe të atyre që Ju ua mundësoi edhe njëherë të kandidoheni dhe nëse zgjidheni mos harroni të kërkoni  drejtat e popullit në Medvegjë dhe në Kosovën Lindore,qoftë edhe Asociacioni i këtyre tri komunave.

  shkruan për REDAKSIN Medvegja , Shaban Abazi  11,09,2015.

Bëhuni pjes e Faqes   https://www.facebook.com/medvegja.redaksia

Autori  është  ish i denuar , ish Komandant i Uçpmb-së Zona Medvegjë, poet dhe veprimtar shumë vjeçar për trojet tona.

 Për të lexuar Biografin e autorit

                     klikoni këtu:⇓

http://tupalla.com/wp/?p=3438

Si e shohin gjendjen momentale në Luginë Adem Shahi dhe Shaban Abazi

 Dy  ish oficer të lartë të UÇK-së dhe UÇPMB-së

Nëse serbët  krijojnë asociacionin e komunave me shumicë serbe, atëherë shqiptarëve të Luginës duhet t’u jepet autonomia,apo ‘Bashkësi Regjionale” ,siç e kem kërkuar gjatë përpilimit të Platformës së Konçulit 2001. Kurse viti 1992 ,është vit historik për Luginën me shprehjen e vullnetit të qytetarëve,  ku është kërkuar Autonomi, dhe sipas meje kjo është zgjidhja më e mirë sot për shqiptarët e Luginës,duke u bazua në politiken që po ndodh sot në rajon dhe Ballkan. Sot ku ndërkombëtarisht serbët e Kosovës kërkojnë me këmbëngulje asociacionin e komunave, ne urgjentisht duhet të kërkojmë ndërkombëtarisht “Autonomi”me të drejtë bashkimi me Kosovën ose “Bashkësi Regjionale “me të cilën bashkësi nuk ka të drejtë Parlamenti as Qeveria e Serbisë ti ç’fuqizoi vendimet që i merr Komuna. Por këtu duhet një UNITET shqiptar në mënyrë që të zgjidhet përfundimisht problemi politik i Luginës së Preshevës.  Këtë problem politik ishte dashur me herët të hidhet ne tavolinën e bisedimeve Kosovë –Serbi, por mjerisht Kosova ka heshtë deri tani ,e kam frikë se do të heshtë edhe më tutje,ku me ndikimin e ndërkombëtareve do t`ua ep serbeve të Kosovës të gjithë të drejtat me këtë asociacionin që po flitet sot,kurse Lugina prapë do të mbetet ashtu siç është.             Në prag të zgjedhjeve Komunale sot që është në Luginë po ndodh një proces shumë i rëndësishëm ndërkombëtar mbi fatin e shqiptarëve në Ballkan,kurse  zgjidhjet Komunale nuk e kanë një rendësi të madhe ,por me  rëndësishmja do të ishte një zgjidhje globale e përbashkët Kosovë dhe Kosovë Lindore. Andaj, në këto zgjedhje nuk shoh një zgjidhje të problemit politik të shqiptarëve të Luginës së Preshevës”,sepse janë gjysmake jo mirë të organizuar dhe nuk e kanë rëndësinë ndërkombëtare, por munden me qenë shumë të rrezikshme të hyjmë edhe me thellë nën binaret e Serbisë.
Ka qenë edhe më herët por edhe sot e rëndësishme që ky problem të ngritët në nivel të Bashkimit Evropian dhe SHBA-s ,siç atëherë kur ishin në monitorim amerikane gjatë luftës të UÇPMB-së duhet që edhe sot të jenë permanent mbikëqyrës mbi situatën e shqiptareve në Luginën e Preshevës, e sidomos me shqiptarët e Medvegjës ku mbetën pakicë.

   Formimi i asociacioneve serbe në Kosovë ,do të jetë një dëm shumë i madh për Kosovën, kurse do të jetë vdekje e të gjitha kohërave të ardhshme për Luginën e Preshevës.. Kosova duhet ta bëjë të njëjtën gjë që është duke e bërë Serbia për popullin serb ne Kosovë. Kur Serbia kërkon me këmbëngulje të drejtat e serbeve të mbetur në Kosove!. Pse Kosova të mos veproi me të njëjtën mënyrë për shqiptaret e Luginës. Është dashur me kohë Qeveria e Republikës së Kosovës t’i mbështesë shqiptarët dhe t’i mbajë nën kontrolle  të gjitha lëvizjet që po ndodhin në Luginë. Është për çudi si mundë të heshtin gjatë të gjitha kohërave deri me sot.

 Me këtë gjendje jo të mirë dhe jo të kënaqshme, si në arsim .kulturë siguri dhe sfera tjera të jetës, në Luginë nuk mundë të shuhet më,po duhet të gjithë bashkë Lider e Atdhetar të Luginës të bashkuar si kurrë më parë të jemi UNIK në kërkesat tona, dhe ndërkombëtarisht ato t`na pranohen , e jo të mbesim në mëshirën e Serbisë çka do t`na ofroi ajo. Ne shqiptaret e Luginës nuk jemi për mëshirë,jemi për të realizuar  drejtat tona. Të mëshiruar po na bëjnë vëllezërit Qeveritar Kosovar, të cilët nuk po e shtrijnë dorën e  mëshirës që ne me kohë e kërkojmë nga ata.  U bënë shumë vite që ende nuk ka zgjidhje në fushën e sigurisë. Ne  ish-ushtarët e UÇK-së dhe UÇPMB-së. ende ballafaqohemi me shumë probleme, sepse Serbia nuk e ka respektuar asnjë marrëveshje gjerë më tani, që qytetarët e Luginës të lëvizin lirshëm në drejtim të Kosovës dhe në të gjitha drejtimet e tjera. Kjo është një e metë nga faktori ndërkombëtar që nuk është permanent në zgjidhjen e këtij problemi ,sepse në bisedimet Kosovë –Serbi nuk është kërkuar nga përfaqësuesit Kosovar që bile të respektohet Platforma e Konçulit. Në këtë Platforme janë të shkruara të gjitha të drejtat që ne shqiptarëve të Luginës na takojnë. Në këtë Platformë edhe pas luftës kem kërkuar që edhe ne Lugina të jemi pjesëmarrës në bisedime,mos të ndahemi,problemi është i njëjtë, por mjerisht kjo na është mohuar. Menduam t`na  ftojnë në Rambuje ,nuk na ftuan , në Vjenë nuk na ftuan,kurse me padurim pritnim bisedat që po zhvillohen në Bruksel ,edhe këtu as që na llogariten si problem ndërnacional që kërkon zgjidhje urgjente. Menduam që Brukseli është vendi ku behet zgjidhje mbi  të drejtat e njeriut.

      Dikur kur ishte kohë lufte ,nuk patëm dallim Kosovë –Luginë, apo troje tjera shqiptare ,ishim të gjithë bashkë,kishim përpara  të nijetin armik qe edhe sot e kemi,nuk kishim ndarje,duke menduar që edhe sot në ‘LIRI” do të jemi bashkë në kërkesat  e të drejtave  për të cilat i luftuam.

   Viti 1992 është vit historik, që Kosova dhe Shqipëria e kanë ditur me kohe çfarë të drejta ne kem kërkuar. Para se të hyjmë në luftë të UÇK-së dhe të UÇPMB-së .na është premtuar se do të jemi së bashku deri në çlirimin e plotë të trojeve  shqiptare. ! Pse sot heshtet ? Nga kush kem frikë ? Si mundë të anashkalohet populli shqiptarë që mbeti në mëshirën e Serbisë, kurse Serbet e Kosovës të mbështesin dhe përmbushin apetitin e ndërkombëtareve . Deri kur kështu me këto ndarje vëllazërore.! Ne shqiptaret e Luginës nuk  e merituam një tretman të tillë nga Qeveria e Kosovës dhe e Shqipërisë.

  Nëse ndodhë që serbet të fitojnë asociacionin për të cilën sot flitet,ne shqiptareve të Luginës nuk na mbet tjetër veç  ti marrim edhe njëherë armët në dorë e të luftojmë me Serbinë dhe me vëllezërit kosovar ti ndërpresim marrëdhëniet si ata që sot nuk po na llogarisin si popull shqiptar i mbetur jashtë trojeve shqiptare.. Bile sa do pak t`na mëshirojnë që mbeten nën thundrat e Serbisë siç edhe ata ishin deri dje dhe harruan që e kemi një gjuhë,një kulturë dhe  jem të lindur nga një nënë e madhe shqipe Pellazge-Dardane.

    Me ketë politikë që sot po zhvillohet, ne nuk i fajësojmë ndërkombëtaret ,po pikërisht e fajësojmë Qeverinë e Kosovës , dhe delegacionin që sot po pret e po shet të drejtat tona në  Bruksel e Evrope,pa na konsultuar ne shqiptarët e Luginës.

  Kurse në fund mendojmë që zgjedhjet me 13 shtator duhet të bojkotohen në tërësi, sepse liderët dhe partitë politike nuk u bashkuan ,por kanë hy në garë ndaras,gjë që kem frikë  prapë do të dalim humbës e sidomos në K.K të Medvegjës. 

 Shkruan për REDAKSIN  MEDVEGJA  nga  Astana Kazakistan    26.08.2015

  Adem Shehi ish Komandant i UÇK-s, brigada 123 z.o e Llapit. 

  Shaban Abazi -ish Komandant I UÇPMB-së ZO per Medvegjë.

Bëhuni pjes e Faqes Medvegja REDAKSIA   https://www.facebook.com/medvegja.redaksia

Këshilltarët shqiptarë që do të zënë vend në Kuvendin e Meditës pritet që të fokusohen në realizimin e politikave që kanë të bëjnë me jetën e përdistshme të qytetarëve: të drejtat e tyre civile, politike, ekonomike, sociale e kulturore.

Prishtinë, 25 gusht – Çështja e shqiptarëve në Kosovën Lindore (Preshevë, Bujanoc dhe Medvegjë), pas marrveshjes së Konqulit (2001), që u arritë me ndërmjetësimin dhe nënshkrimin në cilësinë e dëshmitarit edhe nga Peter Feith, Pёrfaqёsuesi Personal i Sekretarit Gjeneral tё NATO-s, e që i dha fund luftimeve në këtë zonë, kaloi nga terreni i betejave luftarake në atë të betejave politike. Pika e tretë e kësaj marrëveshje, duke njohur kryengritjen e shqiptarëve të kësaj pjese si konflikt me karakter jondërkombëtar, pranoj reciprokisht që çshtja të procedohet konform shtesës protokollare të Konventës së Gjenevës të 12 gushtit 1949. Më pas, konform këtij parimi, duke marrë në konsideratë edhe Kartën e të Drejtave Fundamentale të Kopenhagës për të Drejtat e Njeriut dhe një varg dokumentesh tjera që rregullojnë çështjen eminoriteteve, ajo hynë në sferën e interesimit politik që gëzojnë minoritetet kudo në Evropë. Të kujtojmë: neni 22 i Kartës Evropiane të të Drejtave Fundamentale, thotë se njerëzit duhet të respektojnë diversitetin kulturor, gjuhësor efetar. Kohë të bardha po vijnë… Serbia duke qëndruar për kohë të gjatë mes interesave gjeopolitike evropiane dhe atyre ruse, duke u përcaktuar zyrtarisht, përmes vullnetit të shprehur për aderim në BE dhe duke qenë tashmë njëri nga vendet e rajonit që ka fituar statusin e vendit kandidat, rrjedhimisht është pajtuar të respektojë vlerat e BE që prekin edhe sferën e minoriteteve. Në këtë fushë, në raport me minoritetin shqiptar në këto tri komuna, megjithatë realiteti dëshmon se realizimi i politikave që fokusohen në të drejtat civile, politike, ekonomike sociale e kulturore, lë shumë për të dëshiruar, por gjërat megjithatë po lëvizin… Këto janë arsyet përse po vazhdon në heshtje shpërngulja e popullsisë shqiptare nga këto tri komuna, e me theks të veçantë nga Medita (Medvegja). Madje pika kulmore e këtyre pakënaqësive në Meditë qe shprehur edhe me tërheqjen e këshilltarëve shqiptar nga Kuvendi i Komunës dhe krijimi kështu i parakushteve ligjore që më 13 shtator në këtë Komunë të kemi zgjedhjet e jashtëzakonshme për pushtetin lokal. Kjo betejë politike e imponuar nga një grusht idealistësh shqiptarë, pas 13 shtatorit ka mundësi reale të marr kuptim dhe vlerë të re. Bazuar në regjistrimin e vitit 2002, rezulton se Medita (Medvegja) tutje ka 26 % të popullatës autoktone shqiptare, që krahasuar meregjistrimin e para luftës, është zovogluar për më se 10%. Aktualisht janë rreth 1 mijë shqiptarë që tashmë jetojnë në qytetin e Meditës dhe në dhjetë fshatrat përreth.

Dedajt,që këtu i quajnë dediq, ruajnë me krenari kujtimin se janë vetë themeluesit e qytezës, por me dhembje kujtojnë se në themelet e kishës së tyre katolike është godina e Kuvendit aktual të Komunës. Meditorët sot i ke të shpërndarë gjithandej në Amerikë, Zvicër, Francë,Prishtinë, Gjilan, Suedi e Beograd, por me mendje e zemër janë tutje në Meditë, aty në ato lugina e kreshpa të buta, emrat e tëcilave i bartin si mbiemra të tyre kudo ku shkojnë: Deda, Rafuna,Sijarina, Topalla, Gërbaci, Ramabaja… “Jeta këtu është e qetë. Pavarësisht të kaluarës, shqiptarët mund të bëjnë jetë të mirë këtu. Gjuha shqipe është gjuhë zyrtar edhe të gjitha dokumentet në komunë mund të merren pos në serbisht, edhe në shqip”, na rrëfente një mbrëmje Fehmi Beha,duke vënë theksin tutje në dëshirën e madhe për shkollën shqipe që vazhdojnë ta kultivojnë banorët e Meditës. Në Meditë funksionojnë tutje disa shkolla fillore dhe paralelet në gjuhën shqipe edhe në shkollën e mesme. Me ndihmën e Prishtinës, që nuk është më shumë se 60 km larg nga qendra e Meditës, gjithësesi do të mund të ngritej edhe cilësia në mësim.

Unë jam i bindur se kohë të bardha po vijnë, përfundon ai me atë optimizmin karakteristik të tij, që reflekton energji pozitive edhe tek bashkëbiseduesit tjerë. Mendimi i ri politik – si përgjigje dhe nevojë e kohës Një grusht idealistësh nga Medita, duke qenë plotësisht të vetëdijshëm se zgjidhja e një varg çështjes që prekin interesat jetike të shqiptarëve kërkon ristrukturim politik të plotë, i hynë idesë për të konkuruar në këto zgjedhje me vetëm Një Listë – Listën Shqiptare. Ata ishin të vetëdijshëm për vështërsitë me të cilat do të ballafaqoheshin, por gjykonin se kështu do t’i jipnin një mesazh të mirë faktorit politik në Preshevë e Bujanoc, por edhe do të dërgonin sinjale të qarta drejt Tiranës dhe Prishtinës. Ata besonin në shpirtin krijues dhe forcën e meditorëve. Ata kishin parasysh se ai truall që kishte dhënë Lëvizjes Antifashiste Evropiane një burrë si Gjeneral Veli Dedin, një prijës të partizanëve kosovarë si Zenel Hajdinin; ata i përuleshin dydëshmorëve të lirisë që ia dhanë Kosovës – Florim Rushitit, lufëtëtarit syshqiponjë të Kosharës dhe Hashim Hajdinit, që në prag të përfundimit të luftës, në një betejë krejt të pabarabartë me çetnikët në Fushë-Kosovë, luftoi mu si Oso Kuka vetë; ata respektonin gjeneral Halimin Zymer , që u rreshtua në radhët e para të UÇK dhe sot shërben në FSK; krenohen me mëse 20 ushtarë qëu rreshtun në brigadat e UÇK-së… ata besonin tek shprti solidar i meditorëve të mbledhur rreth Shoqatës së tyre në Zvicër e të dëshmuar me aksione të shumta humanitare… ata ishin më se të bindur se Medita që kishte dhënë një lagje personalitetesh në fushën e dijes dhe shkencës, duke filluar me akademik Idriz Ajetin e deri tek pediatri Dr Ramush Bejiqi, sërish do të ringjallet mu si feniksi… Këtë gjakim e besim autori i këtij shkrimi, e vërente në fytyrat dhe zemrat e të gjithë atyre burrave dhe grave me të cilat kishte rastin të takohej e bisedonte këta muajt e fundit këtu në Prishtinë e gjetkë. Natyrisht duke gjykuar se momenti që po kalojmë është plotësisht në interes të rishikimit të çështjes shqiptare në Kosovën Lindore në paket me atë të serbëve në Kosovë, konform parimit tëreciprocitetit.

Ky rishikim gjithësesi se do të duhej të reflektonte edhe te strukturat egzistuese: tek partit politike, Këshilli Kombëtar Shqiptar etj. Ky rishikim do të mund të bazohej fare lehtë në referendumin e marsit të vitit 1992, kur qytetarët e kësaj ane qenë deklaruar për autonomi politike territoriale me të drejtë bashkimin me Kosovën dhe në aktualitetin politik. Por, siç dihet tashmë, pas referendumit të marsit 1992, i vetmi akt politik për të qenë ishte “DeklarataPolitike” e votuar në mbledhjen e mbajtur në Preshevë me 2009 përmes së cilës kërkohej formimi i një regjioni të veçantë. Krerët politik, duke mos gëzuar as mbështetjen e Tiranës dhe Prishtinës zyrtare sa duhet, këtë deklaratë nuk e përcollën me veprime adekuate strategjike që të reflektonte në Bruksel dhe do të imponohej edhe në dialogun politik që tashmë po pregaditej në mes Beogradit dhe Prishtinës, si produkt i revizionimit të politikave të Brukselit ndaj Serbisë. Fatkeqësisht momenti politik në prag të marrveshjes mes Beogradit dhe Prishtinës lidhur me Asociacionin e Komunave Serbe në Kosovë, nuk u vlerësuasa si duhet as nga kreu i PVD, z Riza Halim,i e as nga ai i Këshillit Kombëtar, Jonuz Musliu. Ata edhe në prag të shpërbërjes së Kuvendit t në Meditë, insistonin të ruajtjen e status-kusë politike. Shih për këtë, në Meditë ai grusht shqiptarësh i mbetur atje, shkon në zgjedhje edhe kësaj radhe me dy lista. Por shpëtimi i Meditës dhe përgjithësisht Kosovës Lindore nuk është i nëdrlidhur imediatikisht me këto zgjedhje. Koha po e dëshmon se mendimi i ri politik, që prodhoi idenë për Listën Shqiptare si strukturë gjithëpërfshirëse në Meditë dhe në gjithë Kosovën Lindore, është ai që ju duhet shqiptarëve sot dhe këtu. Ai grusht i iidealistëve që ishin dhe janë pro Listës Shqiptare, do të dinët’i mbajnë afër e në jetë qytetarëttanë atje, duke i dhënë Zë të ri mendimit politik, kuptim më qenësor dhe shpresë jetës në Meditë

Shkruan Sadri Ramabaja,

Autori është anëtar i Lëvizjes Vetëvendosje  me titull magjistër ,ka studiura ne Universitetin e Prishtines, Tiranes dhe Basel-it (Zvicërr).

Bëhuni pjes e Faqes Medvegja REDAKSIA   https://www.facebook.com/medvegja.redaksia

Shqiptarët e Kosovës Lindore janë autokton në trojet e tyre shekullore. Pas shpalljes së Pavarësisë së Shqipërisë më tepër se gjysma e trojeve etnike padrejtësisht mbetën jashtë kufijve të Shqipërisë etnike. Sot pas 100 vjet të shtetit shqiptarë, pas Shtatë vjet të shpalljes së pavarësisë së shtetit të Kosovës, shqiptarët e Kosovës Lindore vazhdojnë të mbeten jashtë kufijve etnik të shtetit të Kosovës nën administrimin e shtetit të Serbisë.

Megjithatë, shqiptarët e këtyre trevave, historikisht e kanë dëshmuar vullnetin politik për të qenë pjesë integrale e bashkimit kombëtarë. Gjatë Rilindjes Kombëtare, shqiptarët e Kosovës Lindore kanë qenë mjaft aktiv në përpjekjet e tyre për çlirimin kombëtar shqiptarë. Së bashku me bashkëkombësit e vet anë e mbanë trojeve shqiptare, e kundërshtuan me forcë çdo ligj të dhunshëm të imponuar nga pushtuesit, e sidomos Reformat e Tanzimatit të vitit 1839 deri në vitin 1912, pastaj ishin pjesëmarrës në luftërat dhe kryengritjet e ndryshme si atë të Lidhjes së Prizrenit (1878), Lidhja e Pejës (1898) si dhe kryengritjet e njëpasnjëshme të viteve 1908, 1910, 1912 etj. Përpjekjet e tyre për bashkim kombëtarë i vazhduan edhe gjatë Luftës së dytë botërore. Lëvizje të ndryshme me karaktere kombëtarë apo siç quheshin atëherë forcat balliste, deri në përfundim të Luftës së Dytë botërore iu kundërvunë forcave partizane që po luftonin në kuadër të Luftës Nacional Çlirimtare, e cila në programin e vet nuk e parashikonte formimin e përbashkët të shtetit kombëtar shqiptarë. Rreshtimi shqiptarëve në dy kampe të kundërta atë ballist dhe partizan i ka dëmtuar seriozisht përpjekjet e shqiptarëve për bashkim kombëtarë.

Përpjekjet për bashkim me Kosovën kanë vazhduar, deri në ditët e sotme. Vullnetin e tyre për bashkim kombëtar, shqiptarët e Kosovës Lindore, e kanë shprehur me mjete politike dhe rezistencë të armatosur. Politikisht e kanë shfaqur vullnetin e vet kur organizuan Referendumin e 1 dhe 2 Marsit të vitit 1992, për autonomi territoriale me të drejtë bashkëngjitje me Kosovën. Shqiptarët në luftën e fundit në Kosovë së bashku me miqtë ndërkombëtar arritën ta largojnë përfundimisht Serbinë nga Kosova. Për sa i përket rezistencës aktive ushtarake, shqiptarët e Kosovës Lindore, nuk qëndruan duarkryq, por organizuan rezistencën aktive me daljen në skenë të UÇPMB- së në vitin 2000 – 2001. Me ketë rast ata i dëshmuan botës se përpjekjet e shqiptarëve për bashkim kombëtarë do të vazhdojnë derisa të realizohet ky ideal historik i shqiptarëve të këtyre trojeve. Gjatë këtij rrugëtimi drejtë lirisë dhe bashkimit kombëtarë shqiptarët e Kosovës Lindore përjetuan masakra, terror dhe vuajtje të shumta. U derdh gjaku i shqiptarëve në masakrën e Isivukajt, Sopotit, Gosponicës etj. Në luftën e fundit të UÇPMB – së ranë njëzet e tetë dëshmorë të cilët dhanë jetën e tyre për bashkim kombëtarë.

Serbia të vetmin argument ndaj kërkesave të shqiptarëve të Kosovës Lindore ka gjuhën e dhunës dhe kërcënimit duke burgosur, maltretuar, shpërngulur shqiptar nga këto troje. Duke u angazhuar për bashkimin dhe përqendrimin e fuqisë politike në zgjidhjen e këtyre çështjeve. Duke u bazuar në aktivitetin e deritanishëm politik dhe rezistencën e armatosur të shqiptarëve të këtij rajoni.

Duke gjetur mbështetje të këtyre kërkesave në dokumentet ndërkombëtare (OKB, OSBE, KE), që garantojnë të drejtat individuale dhe kolektive. Duke u nisur nga kjo që u përmend më lartë, po paraqesim këtë platformë politike e cila ka për qëllim të paraqesë një pasqyrë reale të gjendjes së të drejtave politike në Kosovën Lindore, diskriminimin e shqiptarëve. Të dëshmohet se integrimi i shqiptarëve në institucionet shtetërorë serbe është dëshmi e veprimeve anti kombëtare dhe në fund të dilet me konkluzione dhe projekt propozimet konkrete që do të mundësonin krijimin e perspektivave të qëndrueshme në pajtim me idealin e të gjithë atyre që dhanë jetën dhe vazhdojnë të derdhin gjak derisa të realizohet bashkimi kombëtarë me Kosovën.

DISKRIMINIMI I SHQIPTARËVE NË KOSOVËN LINDORE

Politika diskriminuese e Beogradit ndaj shqiptarëve të Kosovës Lindore është e programuar. Nuk ka rëndësi se cila qeveri apo parti politike është në pushtet. Kur janë në pyetje shqiptarët programi racist i përgatitur nëpër elaboratet e njohura te politikës diskriminuese qindra vjeçare serbe ndaj shqiptarëve të këtyre trojeve është i njëjtë; represioni politik, ekonomik, kulturorë i cili zbatohet me përpikëri, varësisht nga koha dhe rrethanat që krijohen në rajon. Ato kanë një qëllim. Shpërnguljen e shqiptarëve nga trojet shekullore dhe ndryshimin e strukturës demografike. Shqiptarët janë të diskriminuar në realizmin e të drejtave politike duke mos ia lejuar që t’i përdorin simbolet kombëtare, nuk i lejohet përdorimi i teksteve shkollore nga shteti amë, detyrohen të mësojnë leksione mbi historinë e të tjerëve, inskenohen raste ku demonstrohet forca me qëllim që të ushtrojnë presion politik për ta boshatisur këtë vend nga popullata etnike shqiptare, pjesëmarrja në administratë është e pabarabartë, numri i të papunëve nga shqiptarët është në rritje, kujdesi shëndetësore është i reduktuar në nivelin më të ulët të mundshëm etj. Shqiptarët nuk kanë të drejt as t’i nderojnë të rënit e tyre për liri dhe mirëqenie të popullit të vet. Sjelljet shqiptarofobike të Serbisë ndaj shqiptarëve të Kosovës Lindore i pamë edhe gjatë heqjes së Lapidarit të dëshmorëve të Kombit në qendrën e Preshevës duke i trajtuar si kriminel dhe terrorist. Serbia historikisht për llogari të krizave politike të brendshme vazhdimisht i ka instrumentalizuar shqiptarët e Kosovës Lindore dhe të Kosovës më herët, duke ushtruar dhunë dhe terror ndaj tyre. Kjo sjellje diskriminuese e pushtetit qendrorë të Beogradit ndaj autoriteteve lokale jep të kuptosh se sjellja e Serbisë ndaj shqiptarëve të Kosovës Lindore është dëshmia më e mirë se ata nuk trajtohen si qytetarë lojalë të këtij shteti. Andaj kërkesa për të mos jetuar në një shtet që shqiptarët i konsideron të huaj është më se normale. INTEGRIMI NË INSTITUCIONET SHTETËRORE TË SERBISË VEPRIM ANTI KOMBËTARË Pas Luftës së Dytë Botërorë shqiptarët më dhunë u integruan në sistemin juridik të Serbisë, duke u bërë në kurriz të tyre shkëmbime territoriale me Leposaviqin dhe Zubin Potokun në Kosovë. Gjithashtu edhe pas Marrëveshjes së Konculit si rezultat i përfundimit të konfliktit të armatosur të UÇPMB – së dhe forcave ushtarake dhe paramilitare serbe, shqiptarëve të Kosovës Lindore iu mohua e drejta e bashkimit me Kosovën duke iu sugjeruar integrim i plotë në institucionet vendore dhe pjesëmarrje adekuate në pushtetin qendrorë nën mbikëqyrjen e bashkësisë ndërkombëtare.

U themelua Trupi Koordinues, Këshilli i Sigurimit, Këshilli Nacional, u organizuan zgjedhjet parlamentare, zgjedhjet lokale, me qëllim të përmirësimit të gjendjes së shqiptarëve në të gjitha nivelet. Ky integrim jo që nuk solli përmirësim por në vend se ta demilitarizoj rajonin ai edhe më shumë u militarizua me ushtri të rregullt dhe xhandarmëri. Disa herë u shkel amnistia e ish –ushtarëve të UÇPMB – së, vetëm në një aktakuzë montuar politikisht nga Serbia u burgosën njerëz të pafajshëm deri në 110 vjet burg, janë burgosur dhe keqtrajtuar veprimtarë të çështjes kombëtare, pas dhjetë viteve integrim në institucionet shtetërore kërcënimet sa vinë e shtohen për mirëqenien e qytetarit shqiptarë. Integrimi në vend të sigurisë ka sjellë pasiguri totale, në vend të mirëqenies së qytetarëve ka varfëruar edhe më shumë shqiptarët, në vend të hapjes së vendeve të reja të punës ka mbyll perspektivat për rininë duke mos ia njohur diplomat universitare nga trojet shqiptare, policia multietnike në vend se t’i shërbej sigurisë së qytetarëve shqiptarë ajo i ka shërbyer më shumë imazhit të Serbisë para Bashkësisë Ndërkombëtare. Integrimi nuk ka sjellë rezultat konkret të konsolidimit kombëtarë, ai më shumë ka rrezikuar qenien kombëtare dhe vazhdon ta cenoj integrimin kombëtarë dhe qenien kombëtare të shqiptarit të Kosovës Lindore. Është krijuar një hendek i madh në mes klasës politike dhe popullatës. Të vetmit përfitues nga politika integruese në institucionet shtetërore janë klasa politike e cila ka përforcuar pozitat e grupeve dhe klaneve në nivel lokal e kontrolluar nga biznesi korruptiv i dyshimtë me klanet dhe grupet e ndryshme nga Serbia. Kjo situate ka bërë që zëri i shoqërisë civile të mos dëgjohet fare. Çfarëdo kritike që i drejtohet politikës lokale, ndaj shoqërisë civile drejtohet fushat e rrezikshme në emër të patriotizmit dhe atdhetarizmit të rrejshëm. Klasa politike në Kosovën Lindore është mbushur me demagogji pseudo patriotike dhe vajton ditën për atdhedashuri për Shqipërinë natyrale ndërsa natën thurë plane për integrim dhe bashkëjetesë me Serbinë. Integrimi në institucionet e Serbisë do të thotë dezintegrim kombëtarë. Kjo politikë integruese rezulton të jetë kundër interesave kombëtare dhe mundë të cilësohet si veprimtari antikombëtare.

PROJKET PROPOZIMET KONKRETE PËR NJË NDRYSHIM RRËNJËSORË

Kjo Platformë Politike merr për sipër të dalë me disa propozime konkrete me qëllim që përfundimisht zhvillimi politik në Kosovën Lindore të marrë kursin e duhur për të realizuar të drejtat kombëtare dhe sendërtuar vullnetin politik të shqiptarëve të Kosovës Lindore. Përderisa sjelljet e Serbisë ndaj shqiptarëve i shkelin të gjitha konventat ndërkombëtare për të drejtat kolektive dhe individuale duke lënë të kuptohet se shqiptarët janë të padëshiruar në këtë shtet atëherë shqiptarët detyrohen të kërkojnë zgjidhje tjera që do t’i mundësonte një jetë me dinjitet, me mirëqenie sociale për qytetarë e vet njësoj si gjithë bota e qytetëruar. Zgjidhja e drejtë dhe e qëndrueshme e çështjes së Kosovës Lindore nënkupton respektimin e plotë të të drejtave individuale dhe kolektive të shqiptarëve përmes zgjidhjes së drejtë të çështjeve si: – Bojkotimi i të gjitha institucioneve shtetërore në nivel qendrorë dhe lokal. Krijimi i strukturave paralele që nuk do të njohin institucionet shtetërore. – Krijimi i një blloku të përbashkët politik deri në jetësimin e kërkesave të shqiptarëve për bashkim me Kosovën. – Marrja përsipër e përgjegjësive politike dhe financiare e dy qeverive shqiptare, asaj të Shqipërisë dhe Kosovës për të përkrahur këto struktura politikisht dhe financiarisht.

KONKLUZIONI PËRFUNDIMTAR

Duke rikonfirmuar vullnetin e popullatës të shprehur në Referendumin e 1 dhe 2 marsit të vitit 1992, për definimin e Luginës së Preshevës si rajon të posaçëm politik, territorial dhe kushtetues, shqiptarët e Kosovës Lindore, në përkrahje të parimeve të Grupit të Kontaktit lidhur me statusin e Kosovës, obligohen që, në rast të mosrespektimit të këtyre parimeve dhe ndryshimit eventual të kufijve të saj, do të angazhohen për bashkëngjitje të Luginës së Preshevës me Kosovën.

Preshevë, më 02. 01. 2013 Nazmi Hajredini Veprimtarë i çështjes kombëtare, kryetarë i OVL – UÇPMB – së në Kosovën Lindore Konfirmimi i kësaj deklerate edhe njiher t’ia bëjmë me dije të gjthë shokve ,veprimtarve ,atëdhetarve dhe bashkëkombasve se Çfarëdo kritike që i drejtohet politikës lokale, ndaj shoqërisë civile drejtohen fushat të rrezikshme në emër të patriotizmit dhe atdhetarizmit të rrejshëm.

Klasa politike në Kosovën Lindore është mbushur me demagogji pseudo patriotike dhe vajton ditën për atdhedashuri për Shqipërinë natyrale ndërsa natën thurë plane për integrim dhe bashkëjetesë me Serbinë. Integrimi në institucionet e Serbisë do të thotë dezintegrim kombëtarë. Kjo politikë integruese rezulton të jetë kundër interesave kombëtare dhe mundë të cilësohet si veprimtari antikombëtare. : Preshevë  2015

Shkruan per REDAKSIN  MEDVEGJA – Nazmi Hajredini Kryetarë i OVL UÇPMB – së

Bëhuni pjes e Faqes Medvegja REDAKSIA   https://www.facebook.com/medvegja.redaksia

Per komb e per Atdhe, leshohet pe!

Çka duhet të ndodhë, që të bashkohen shqiptarët?!

Këtë pyetje e parashtron secili individ nëpër damarët e të cilit qarkullon gjak shqiptari. Edhe pas tërë atyre masakrave, vrasjeve dhe vuajtjeve biblike që përjetuan shqiptarët, akoma vazhdohet me avazin e vjetër, duke vazhduar shqiptarët të qëndrojnë të ndarë e të përçarë mbi baza politike, partiake apo fraksionare, në baza rajonale e fetare. Dikush i bie thumbit, e dikush patkonit.

Çka duhet ndodhur që të afrohen shqiptarët me njëri-tjetrin! Vallë, a s’mjaftojnë njëzetë shekuj robërie që të njësohen, vëllazërohen dhe bashkohen shqiptarët rreth më një ideali të përbashkët: Çlirim dhe bashkim kombëtar, një herë e përgjithmonë nga zgjedha shekullore 2174 vjeçare! Siç duket asgjë deri më sot s’ka ndikuar në konsolidimin e radhëve e të konjukturave politike. As lotët e njomë të foshnjeve që u zvariten nëpër fëtyrë, as lutjet dhe hofshamat e nënave shqiptare, që përjetuan çastet më të vështira të golgotës shqiptare, as djegiet e qindra vendbanimeve, vrasjet dhe maskarat e kryera nga ordhitë çetnike, as varrezat masive të mijëra të ekzekutuarve edhe as tërë ato skena pikëlluese, që trishtuan mbarë opinionin liridashës botrëor.

Këtë shembull e kam marrë me rastin e ekzodit të shqiptarëve kur me qindra mijëra shqiptarë, siç qe rasti me Holokaustin e Bllacës: fëmijë, pleq e nëna shtatëzane shqiptare, në të ftohtë, në borë, baltë e shi; pa ushqim e pa barna, në qiellin e hapët, kërkonin lëmoshë nga Perëndia e nga Presidenti Klinton.Tërë këto skena trishtuese i shikonim në shkollë së bashku me një arsimtar hebre me emrin Isak, i cili në ato çaste m’u drejtua e më tha: Edhe ne hebrenjtë kemi përjetuar kësi skena trishtuese gjatë Luftës së Dytë botrore. Mandej vazhdoi:- Ne hebrenjtë kemi qenë populli më i ndarë, i përçarë e i shkapërderdhur para Luftës së Dytë, por pas asgjasimit të rreth gjashtëmilionë hebrenjëve, sot jemi kombi më unik e më i konsiliduar në botë; andaj, m’u drejtua ai: Besoj se dhe ju shqiptarët, pas gjithë këtyre pësimeve, do të bëheni kombi i dytë unik në botë. Mirëpo mjerisht thënia e tij dhe sot e kësaj dite s’u realizua. Pse? Shkaqet dihen! Në një anë themi se jemi kombi më bujar, më mikpritës e më besnik në botë. Po, këtë e kanë deklaruar dhe të huajt, siç shkroi dhe diplomati amerikan, Robert Wiliams, më 1914 në librin me titull ”Shqiptarët”, në të cilin pasqyrohen tiparet më të mira të shqiptarëve. Mendime të tillë kanë shfaqur edhe disa albanologë e letrarë, siç janë: Jokli, Hani, Pedersen, Bajron, Dora D’Istria, Stipçeviq, Shuflai etj. Mirëpo, poqe se e vërejmë dhe anën tjetër të medaljes, tek ne shqiptarët ekziston një bacil me emrin egoizëm.

Duam apo s’duam të pranojmë, ky bacil ka ekzistuar me shekuj, këtë më së miri në veprën e tij, ”Ferrëfenjëza”, e apostrofon rilindasi, patrioti dhe veprimtari dibran, Seid Najdeni, i cili, ja se ç’thotë për ndasitë që kanë ekzituar edhe në periudhën e Rilindjes: ”Para Zotit e popullit do përgjigjen tërë intelektualët pse në mesin e tyre ka ekzistuar përçarja”. Të arsyetohemi e të themi se për shkak të robërisë mijëra vjeçare ka dominuar përçarja tek shqiptarët, por parshtrohet pyetja, pse edhe në ditët e sodit, pas funksionimit të tre univerziteteve dhe dy akademive të shkencave, akoma vërehen simptome egoiste edhe në radhët e disa intelektualëve karrieristë e kolltukxhinj, të cilët, të verbuar nga epshet për pushtet, s’ mendojnë fare se në një të afërme do të japin përgjegjësi para Zotit e popullit!

Përçarja është një veprimtari antikombëtare

Disa kënaqen kur shohin se në mesin e shqiptarëve ekzistojnë fërkime, kundërthënie, zënka, përçarje e ndasi brenda faktorit politik shqiptar. Vëllau kundërshton vëllaun, shoku shokun dhe miku mikun. Kjo i përngjan kohës së Luftës së Dytë botërore e më pas, kur pjestarët e Ballit kombëtar etiketoheshin në reaksionarë e tradhëtarë, ndërsa në ditët e sodit, të rinjtë e të rejat shqiptare, që derdhën gjakun për Kosovë e për vatan etiketohen si ”marksistë e leninistë”, ndërsa qëllimi i të gjithë atyre që merren me tashethëme e me shkrime të tilla dihet se cili është: Të komprimitohet lufta heroike e shqiptarëve për liri e pavarësi, dhe: të shkaktohet përçarje e huti midis subjektit politik e ushtarak shqiptar, kurse uji të derdhet në mulli të armiqëve barbarë. Ndaj personave të tillë që përçajnë, në gazetën ”Shekulli”, shkrimtari ynë i madh, Ismail Kadare thekson:

”Përçarja është një veprimtari antikombëtare. Mandej vazhdon: E vetmja veprimtari që gjer më sot kanë bërë politikanët shqiptarë me zemër, me përkushtim, pa hile, me përgjegjësi, si të thuash, të lartë, ka qenë kacafytja. Kurse të kundërtën e saj, pajtimin e kanë bërë shkel e shko, sa për të larë gojën, për të fituar ndonjë ”bravo”nga Evropa ose për interesa thellësisht vetiake. Gjithë shqiptarët që jetojnë kudo në botë, zbutjen, pajtimin ndërshqiptar e kanë sot brengën dhe preokupimin më të madh. Në këtë pikë, thekson z. Kadare, nuk di ndonjë vend tjetër në Evropë, ku klasa politike të jetë në kundërshtim me vendin e vet dhe kundër tij, ndaj këtë veprim e konsideroj si veprimtari antikombëtare”. Kurse, në rubrikën ”Kolumna”, që botohet në gazetën”Fakti”, ish nxënësja ime shembullore, Adelina Marku-Ibrahimi, thekson: ”Historinë vazhdojmë ta shkruajmë me lapsa të tillë, që më vonë do të kishim dashur t’i shlyejmë sa më shpejt për t’i harruar sa më lehtë”. Thënie e qëlluar, sepse, ne shqiptarët shumë shpejt shlyejmë e harrojmë çdo ngjarje apo personalitet të historisë sonë kombëtare.

Kush është fajtor për të gjitha këto?

Janë disa individë korrespondentë e gazetarë, të cilëve mendimet u rrjedhin nga gërmazi e që s’ lënë personalitet të kombit tonë pa e përgojuar, duke filluar prej kryetrimit legjendar, Gjergj Kastrioti-Skënderbeu, e deri te Ismail Qemali, Isa Buletini, Fan S. Noli, Migjeni, e të tjerë me radhë, mbretër e kryetarë të shtetit shqiptar; të mos flasim për intelektualët e personalitetet e ditëve të sodit, kundër të cilëve kryhet një nënvlerësim i paparë dhe i padëgjuar. Përgjegja na del se s’na qenka i mirë askush! Sa çudi! O Zot, ç’ndodh me ne! Derisa armiqët tanë, prijësit e tyre i marrin në mbrojtje, u thurrin legjenda, i mbështesin kriminelët gjakpirës edhe pse kanë kryer krime më të rënda ndaj njerëzimit, disa individë, të cilët s’janë në gjendje ta vërejnë anën tjetër të medaljes, në vend se të merren e të shkruajnë diçka të mbarë për t’i ardhur në ndihmë popullit tonë të shtypur shekuj me radhë, apo, në vend që të apostrofojnë varfërinë e sht(r)uar në të gjitha trojet shqiptare, kriminalitetin, korrupsionin, prostitucionin, narkomaninë etj., merren me thashethëme, me etiketime e nënvlerësime, thuaj se tërë punët i kemi në rregull, duke harruar se armikun akoma s’e kemi hequr qafe. Kësaj i thonë: ”Shti ujë e shti miell”.

Reflektim i ndasive

Thënë troç, ndarja mbi baza politike si në Shqipëri, Kosovë e në trojet tjera shqiptare shprehet edhe në jetën dhe veprimtarinë e mërgimtarëve tanë. Mërgata shqiptare sot ka marrë ngjyrime partiake, klanore e grupore edhe ashtu e politizuar tej masës. Këto ndasi vërehen dukshëm edhe në aktivitetin e asociasioneve e të shoqatave në mërgim, të cilat kanë luajtur rol të rëndësishëm në organizimin e ofrimit të ndihmave, të manifestimeve me karakter kombëtar, kulturol, sportiv e shkencor. Intelektuali ynë i shquar, miku im i çmuar, akademik Esat Stavileci, ndër të tjera thekson:”Në ditët e sodit, faktet dëshmojnë se ne shqiptarët sot jemi ndarë në krahina e rajone. Mandej ndarjet tona çojnë deri tek ndarjet në qytete, në lagje e katunde. Kemi aq shumë ndasi sa që mund të kërcnohet edhe qenja kombëtare. Vallë, a mund të lejohen ndarjet e tilla?! Ndarjet e tilla vetëm se i thellojnë përpjekjet për të ndërtuar filozofinë e re politike: Një komb, një qëndrim, së cilës i mungon dhe këndi i tretë: Një shtet gjithëshqiptar, e cila tingëllon si parullë boshe në hapsirën shqiptare. Pastaj, vazhdon: Ne, si popull e si komb, sikur akoma nuk kemi mësuar shumë nga historia jonë plot 2171 vjet robërie, edhe pse lufta heroike e U Ç K-së në Kosovë, në Maqedoni dhe në Kosovën lindore na këndjelli kombëtarisht që t’i kthehemi njëri-tjetrit dhe vetvetes sonë, sepse o sot o kurrë duhet të nxjerrim mësim nga fatkeqësitë tona kombëtare, në mënyrë që të mos lejojmë përsëritjen e tyre.

Ne shqiptarët përgjithësisht i kemi kuptuar ”lojërat me vonesë që të tjerët kanë lozur me ne”, andaj dhe kemi pësuar rëndë si popull dhe si komb në histori. Se si do të reagojmë sot, do të varet shumë e nesërmja. Eshtë e vërtetë se ”duhet jetuar duke shikuar përpara, por duhet t’i kthehemi të kaluarës për të ndërtuar të ardhmen, sepse vetëm kështu mund të korrigjohen gabimet e së kaluarës. ”Të gabosh dhe të mos korrigjohesh, do të thotë të gabosh me të vërtetë”, ka thënë Konfuci. Ndërsa,Ajnshtan ka lënë një porosi të mirë: Mësimet e hidhura të së kaluarës duhet të mësohen përsëri” E vetmja gjë, për të cilën njeriu ndjen nevojë të vazhdueshme, është mësimi. Edhe çka duhet ndodhur që të mësohemi e t’i korrigjojmë gabimet nga e kaluara?! Parashtrohet pyetja: Vallë, ç’ndodh me intelektualët tanë?! Dikujt i flen në zemër ndjenja e afrimit, e tolerancës, e bashkimit dhe shtrirja e dorës së pajtimit. Kjo vlen më së shumti për intelektualët, sepse, siç thonte Mësuesi i popullit, Abdi Begu-Haxhiu i ndjerë: ”Intelektuali i vërtetë, jo vetëm që lypset të jetë tolerant, por, për interesat e popullit të vet duhet të bëhet hambar”. Këtë shembëll e kam marrë, sepse, ditën që kreva studimet univerzitare, mësuesi im më i dashur, z. Abdiu, më përqafoi ngrohtë e më tha: Urime diplomimin, Imi! Deri sot ke mund të fjalosesh e të kacafytesh me secilin dhe askush s’kishte me ta marrë për të madhe, por tash e tutje kij kujdes, të tregohesh tolerant, të bëhesh hambar e të durosh! Amaneti i tij dhe sot e kësaj dite më është ngulitur në kokë dhe kurrë s’e harroj. Ndaj, mesazhi i tij është edhe një këshillë për çdo intelektual.

Ndërsa, prof. im shumë i nderuar, z.Remzi Nesimi, ma lë këtë porosi: Kudo që të jesh dhe, sa herë që të diskutosh, asnjëherë mos e ngre tonin e zërit, sepse, ngritja e tonit është shenjë e njeriut të pakulturuar dhe do të tregohesh i paarsyeshëm. Sot e kësaj dite kurrë s’e kam harruar dhe mesazhin e gjuhëtarit tonë të spikatur, prof. dr. Remzi Nesimi. Sa çudi, disa intelektualë shqiptarë gjat diskutimit e ngrenë zërin aq lart saqë na përkujtojnë Zhilinovskin e Sheshelin. Që do të thotë se edhe inati është një bacil që domnon tek disa intelektualë. ”Për një fjalë goje, shqiptari-shqiptarit s’i fletë me muaj apo me vite të tëra”, thekson letrari-Fatos Harapi. Sot, më tepër se kurrë, e kërkon koha, e lyp nevoja, secili shqiptar, pa dallim feje, krahine apo ideje, për hir të popullit shqiptar të shumëvuajtur, të lodhur, syrgjinosur e katosur, i zhgënjyer e i ndarë në disa shtete, të shtrijë dorën e pajtimit e të ofrimit me njëri-tjetrin, të ulen në Sofrën e përbashkët, derisa sështë bërë vonë.

Njerëzit e mëdhenj leshojnë pe, veçanërisht intelektualët. Ndaj, për hir të popullit tonë të shtypur e të shumëvuajtur shekuj me radhë, shqiptari-shqiptarit lypset t’i lëshojë pe. Kemi shumë shembuj, por unë do e përmend trimin e madh hero, Miftar Hasani, i cili ne vetëmbrojtje gjat shërbimit në Armatën e kralit te Serbisë, më 1926, vret një çetë të tërë xhandarë serb dhe, gjyqi çetnik e denoi me vdekje. Gjatë vizitës së fundit dhe lamtumirëse qe ia bëri vëllai i tij, ai ia la këtë porosi: Vëlla i dashur edhe nëqoftë se të m’shon me shuplakë ndonjë nga vëllezërit e tu shqiptarë, mos ia kthe, por thuaj: Më m’sho edhe në anën tjetër të fëtyrës! Pa koment!

Në Platformën e Lidhjes Shqiptare në Botë, të cilën në Kongresin e Parë të mbajtur në Prizrenin historik e votuan mbi dymijëdelegatë nga mbarë bota, ndër të tjera përfshin dhe këto parime, qe i ka përfshi në Platformë, Akademik Esat Stavileci: „Ne shqiptarëve, më shumë se largimi, na duhet afrimi, më shumë se përpjestimi, na duhet shumëzimi, më shumë se ndarja, na duhet bashkimi dhe, më shumë se armiqësimi, na duhet miqësimi“. Ndjenja e shpresës është akoma brenda nesh dhe, dashtë Zoti e të gjithë së bashku pas Pavarësisë se Kosovës, t’i përjetojmë çastet e vërteta të bashkimit fizik e shpirtëror të kombit tonë.

shkruan për Medvegja REDAKSIA , Ibrahim Egriu , 2015

Bëhuni pjes e Faqes Medvegja REDAKSIA   https://www.facebook.com/medvegja.redaksia