Sot ne Medvegjë, u mbajt seanca e radhës për formimin e qeverisë të përbashkët në Kuvendin Komunal.
Pas vdekjes së Kryetarit Drashkoviq, në Medvegjë që disa herë me radhë tentuan të formojnë bashkëqeverisje. Nga 6 delegatet shqiptarë të cilët që sa vite me radhë ishin në këtë qeveri komunale ,disa nga ta u shprehen të pakënaqur.
Duke tentuar disa herë ti bindin delegatët Fehmi Behen, Hajdar Hajdarin dhe Mirlinda Feratin, ishin tentime të kota nga partitë e tyre dhe liderët partiak , që sot të votohet prapë për ta formuar qeverinë komunale.
Delegatet shqiptarë të lartcekur nuk i dhanë votën një qeverie të tillë. Kështu që seanca e sotme komunale mbeti pa Qeveri. Nga sot në Kuvendin Komunal sipas rregullores të Republikës të Serbisë hynë qeverisëje e përkohëshme. Për me tej do të vendos Beogradi kush dhe si do të qeverisë Kuvendin komunal të Medvegjës deri në zgjedhjet e ardheshme
3 Delegatët SHQIPTAR në MEDVEGJË,Shembull në Ballkan
Mirlinda FERATI , Hajdar Hajdari dhe udheheqesi i grupit te delegartëve shqipetar ne K.Komunal-Medvegjë Femi Beha , nuk u pajtuan qe te jen pjesë e nje qeverisje diskriminuese ndaj nesh ne te gjitha fushat e jetes e mbi te gjitha ,fshirjen e adresave,arsim , nepotizëm , korrupcion , prerjen e maleve te shqipëtarve me zbrazejn e popullates shqiptare nga ky vend me politikat dhe programet e shtetit tani te njohura për te gjithe.
z.Femi Beha njiherit eshte edhe kryetar i PVD-ës per Medvegjen , aktivist i dalluar dhe mbrojtes i te drejtave tona këtu me nje eksperinece 20 vjeqare.
Sot ja bënë STOP Pushtetit të korruptuar , diskriminues
Këtë mundesi e paten ta bejne edhe delegatet tjere që ishin gjithësej 6 shqipëtar e nuk vepruan por me rendesi eshte qe e keqja te ndalet dhe për te ardhemen Apelojm qe te bashkohen me liderin dhe atedhetarin Femi Beha ….
Mungesa e gaditshmerise nga ana e pjeses tjeter te delegateve shqiptare ne kuvendin komunale ne Medvegje, munet edhe te kuptohet, duke patur parasyshe interesat e tyre te ngushta, ne nje teren te pervetesuar tani mese dhjete vite. Por, do te jete veshtire e kuptuesheme, arsyeja e disa individeve te cilet ne emer te « diaspores » kan bredhur pa nderprere koheve te fundit ne kerkim te menyrave , per t’i vazhduar jeten kesaj ISH- Qeverisje lokale.
kjo qeverisje është e shkuar (harruar ?) Vazhdojm …. për të ardhëmen ,Na presin akoma shume punë të bashkuar edhe mundë t’ia arrim
Pas takimit në Chicago, autorët Gordana dhe Branisllav Sinadinovski takohen me shqiptaro-amerikanët të trishtetëshit verilindor
Në një ceremoni të organizuar mjaft bukur në lokalin “Orion Palace” në Brooklyn – Nju Jork, të organizuar nga Shoqata Atdhetare “Dibra” dhe sponsorizuar nga biznesmeni dhe veprimtari i njohur dibran Ylber Pilku, me kompaninë e tij “Pilku Construction Services, Inc”, mysafirët dhe dhjetëra të pranishëm, tështunën pas dite patën rastin që të njihen nga afër me këto vepëra kapitale, që zbardhin sado pak të vërtetën e shqiptarëve ortodoksë në Maqedoni, por edhe që pritet të nxis debate edhe në mesin e komunitetit.
Gazetari i komunitetit Beqir Sina, i cili moderoi aktivitetin, e hapi duke thënë se është nder i veçantë që në mesin e komunitetit shqiptar në SHBA, është profesori i nderuar shqiptar Sinadinovski dhe bashkëshortja e tij avokatja Grodana Sinadinovski, të cilët kanë sjellë me vete në Nju Jork, pas Shkupit dhe Chikagos, dy vepra të rëndësishme të shqiptarëve ortodoksë në Maqedoni. Sina tha se librat zbardhin një të vërtetë të këtij komuniteti të harruar dhe të persekutuar, gjatë gjithë dekadave të golgotës shqiptare, me synimin dhe zhbërjen dhe asimilimin total të tyre.
Kryetari i Shoqatës Atdhetare “Dibra”, Musa Paçuku në fjalën e tij, theksoi se është një nder i veçantë që profesori Sinadinovski ka sjellë këtë faqe të re të historisë shqiptare në Maqedoni:
“Duke përshëndetur këtë promovim kaq të rëndësishëm dhe kaq të veçantë, dëshiroj që në fillim të përgëzojë Branisllav Sinadinovskin dhe bashkëshorten e tij Gordana Sinadinovska për interesimin dhe guximin, sa shkencor po aq edhe njerëzor për t’iu qasë dhe për të trajtuar një temë dhe një çështje e cila tanimë mëse një shekull ka qenë sa objekt studimi, po aq edhe debatimi në mes të shkencëtarëve, por edhe politikave ditore, për fat të keq në këto anë, të ngarkuar me shumë paragjykime dhe me inate, të cilat i tejkalojnë kufijtë e mirësjelljes e tolerancës në mes të njerëzve”, dekaroi Musa Paçuku.
.
x3…
Pas fjalës së tij u lexuan edhe dy kumtesa, njëra e përgaditur dhe e dërguar nga drejtuesi i agjencisë së lajmeve INA, Naser Pajaziti, lexuar nga këngëtari i mirënjohur dibran Haxhi Maqellara, dhe më pas kumtesa e veprimtarit Shpend Koleci.
Pas fjalës së tij u lexuan edhe dy kumtesa, njëra e përgaditur dhe e dërguar nga drejtuesi i agjencisë së lajmeve INA, Naser Pajaziti, lexuar nga këngëtari i mirënjohur dibran Haxhi Maqellara, dhe më pas kumtesa e veprimtarit Shpend Koleci.
Fjalë rasti kishte avokati i njohur amerikan dhe njohësi i zhvillimeve historike shqiptare, Stiv Kaufman, por edhe profesori Paulo Polombo një mik i dëshmuar i shqiptarëve në Nju Jork. Më pas në emër të kryetarit të Federatës PanShqiptare “Vatra”, Dr. Gjon Buçaj, përshëndeti dr Skënder Myrtezani, foli kryetari i Akademisë Shqiptaro – Amerikane, Skender Kodra, artisti i njohur Xhevat Limani i cili pos një përshëndetje për autorët, erdhi në këtë promovim, edhe me një recital të përgatitur prej tij me një poezi të rilindasve tanë – Gjuha Shqipe – të Naim Frashërit. Kurse, më tej pjesëmarrës të tjerë u përfshin në debat rreth çështjes së shqiptarëve ortodoks në Maqedoni.
Në këtë, aktivitet të bukur kulturor, drejtuesi i saj, duke përmendur edhe miqësinë shqiptaro – amerikane dhe përkrahjen e SHBA-ve që gjithmonë ka qenë pro shqiptarëve, edhe në momentet më të vështira historike, ka ftuar të flasin miqt amerikan.
“Shtetet e Bashkuara ka rolin dhe misionin e tyre për shqiptarët prej presidentit Wilson, Bushi i vjetër me vijën e kuqe’ në prag të Krishtëlindjeve, në 1991, deri tek roli i presidentit Klinton gjatë luftës në Kosovë, roli vendimtar i Presidentit George W. Bush në pavarësinë e Kosovës, dhe rruga që ndoqi administrate aktuale me Presidentin Obama”, theksoi gazetari Beqir Sina, duke prezantuar avokatin Kaufman dhe professor Polombon.
Pas këtyre kumtesave dhe përshëndetjeve, ne foltore doli çifti Sinadinovski, të cilët ne gjuhen angleze, sollën argumente te reja lidhur me përpilimin e veprave të tyre.
Avokatja Gordana Sinadinovska, tha se libri i saj me titull “Rilindësit shqiptarë”, është i botuar në dy gjuhë – shqip dhe maqedonisht, dhe shtoi se ai ka qenë një freski e këndshme që e përgatita një vitë më parë me rastin e 28 Nëntorit të viti të kaluar.
“Poezitë e Naimit, Bagerit, Serembes, De Radës, Çajupit, Mjedës, Asdrenit, Migjenit, Nolit e Poradecit, tha Sinadinovska, i sjell në këtë libër më ndryshe se herëve të tjera. Këto poezi tha ajo na simbolizojnë një rilindje të dytë të një pjese shumë të rëndësishme të popullit shqiptarë, siç janë ortodoksët shqiptarë të anës së Rekës, të cilët gati se pas një shekulli, sjellin xixat e para të një rilindjeje autentike shqiptare, në atë që kanë qenë kaherë, me farë e me fis.
Libri “Rilindësit shqiptarë”, u shpreh ajo në gjuhën agleze ka një metodologji të thjeshtë të mbarështimit të lëndës: fillon me parathënien koncize, vazhdon me prezantimin e 10 rilindësve më të njohur shqiptarë, për të cilët jep nga një biografi të shkurtër dhe disa poezi, më pas në mënyrë përmbledhëse paraqet shkurtimisht edhe rilindësit tjerë, për të përfunduar me një rezyme, fotografitë e rilindësve dhe literaturën e shfrytëzuar.
Rilindësi shqiptar i cili radhitet i dyti në këtë libër, pas kolosit të madh të letrave shqipe, Naim Frashërit, është Josif Bageri. Për shkak të prejardhjes së tij nga Nistrova e Rekës së Dibrës, e cila territorialisht sot gjendet brenda Republikës së Maqedonisë, kjo figurë letrare, kulturore e historike, zë një vend të veçantë për të gjithë ne. Siç do të shihni tha ajo edhe gjatë leximit të këtij libri, rilindësi Josif Bageri, pjesën më të madhe të veprimtarisë letrare e publicistike, dhe tërë qenien e tij intelektuale e fizike, e kishte të angazhuar në funksion të rilindjes së Shqipërisë dhe popullit shqiptar, të cilit i këndonte me shumë zjarr e krenari. Nga shumica e poezive të tij të botuara, shihet qartë se ai me përkushtimin më të madh i qasej atdheut të tij, Shqipërisë, ku i shihte edhe ëndrrat, edhe shpresat për të ardhmen. Ai asnjëherë, dhe për asnjë çast, nuk do ta harronte vendlindjen e tij aq të dashur, Rekën, për të cilën shkruante se është “kërthiza e Shqipërisë”, madje edhe duke e glorifikuar me disa nga vargjet e tij më të bukura:“Reka, ti je zemra e Shqipërisë! Ti je vendi i trimërisë…”. Kështu, duke përthithur pjesë nga veprimtaritë më të bukura letrare të rilindësve tanë, edhe atë në dy gjuhët më të mëdha që fliten në vend, ky libër bëhet fare i lehtë dhe intrigues për lexuesin e cilës do moshe apo përgatitjeje arsimore, tha Grodana Sinadinovska autoria e librit me titull “Rilindësit shqiptarë”, . Kurse, autori i librit “Shqiptarët Ortodoks në Maqedoni” Branisllav Sinadinovski, foli rreth librit të tij duke theksuar se kjo vepër është amanet nga babai i tij profesor i ndjerë universitar, Jakim Sinadinovski, i cili kishte dhënë si amanet që kurrë të mos harrohet e vërteta e origjinës së shqiptarëve të Rekës së Gostivarit dhe të Dibrës. Sinadinovski një intelektual i njohur në Maqedoni rrëfeu rrugëtimin dhe golgotën e jetës së tyre drejt një asimilimi monstruoz, heshtja dhe heqja dorë nga origjina dhe identiteti kombëtar dhe problemet e tjera. Por edhe për rikthimin tek identieti dhe guximi i brezave për t’u deklaruar shqiptarë etnik. Ai shtoi se zona e Rekës së Gostivarit dhe të Dibrës është një rajon i heshtur sot dhe i populluar shumë pak nga banorë që janë shqiptarë etnik, por nga asimilimi dhe frika ata nuk duan të flasin për historinë e tyre. Autori falenderoi iniciativen e ketij komuniteti per kete promovim dhe tha ne mes tjerash se shqiptaret ne pergjithesi kane qene, jane dhe do te jene faktor i rendesishem politik dhe ekonomik pa te cilet Maqedonia nuk mundet dhe nuk duhet te ekzistoje. Ai dha sinjale te qarta dhe pozitive, duke cekur se Maqedonia dhe vet qeveria e Maqedonise e ka humbur busullën, dhe se shqiptaret duhet te luajne rolin vendimtar ne sendërtimin e shtetit dhe ne percaktimin e emrit si dhe ne politiken e jashtme ashtu edhe ne ate te brendshme. Profesori Sinadinovski gjate deklarimeve te tija rreth shqiptareve ne pergjithesi dhe rreth atyre ortodokse ne vecanti, permendi promovimin dinjitoz te vepres ne hotelin Palace ne Shkup, ku ka pasur shume pjesemarres nga te cilet 150 kane qene shqiptare te rinj ortidoks. Ai ne mes tjerash kete proces e quajti shume te qelluar dhe momentin e duhur, ku nje xixë e zt. Branko Manojloskit eshte duke e djegur tërë malin. Pjesëmarrësit duke përgëzuar të dy autorët thanë se :”Autorët Gordana dhe Branko Sinadinovski, me botimin e veprave të tyre në dy gjuhë – shqip dhe maqedonisht, po bëjnë punë shumë fisnike në drejtim të afrimit ndërmjet këtyre dy popujve, si dhe për mundësinë e ofruar që secili të gjejë vetveten, aty ku peshon më së rëndi. Gazetari Sina në fund theksoi se ky aktivitet është fal aktivitetit të Shoqatës Atdhetare “Dibra”, por edhe veprimtarit të njohur Ylber Pilku i cili sponsorizoi dhe punoi në organizimin e këtij promovimi bashkë me kryetarin e shoqatës dibrane Musa Paçuku, dhe ftoi të gjithë pjesëmarrësit në një fotografi të përbashkët. (INA)