LSHB REAGON ASHPËR NDAJ RIKTHIMIT TË DYFISHTË TË KONTROLLIT KUFITAR SHQIPËRI-KOSOVË
Lëvizja për Shqipëri të Bashkuar reagon ashpër ndaj Komisionit Evropian pas rekomandimive shtesë për liberalizimin e vizave për Kosovën, ku ka kërkuar të rikthehet kontrolli në hyrje dhe dalje në kalimin kufitar me Shqipërinë. Nga viti 2011, me një marrëveshje në mes të Qeverisë së Shqipërisë dhe asaj të Kosovës, ishte mundësuar që automjetet dhe udhëtarët që hyjnë në Shqipëri nga Kosova të kontrollohen vetëm në Morinë, ndërsa ato që hyjnë në Kosovë nga Shqipëria të kontrollohen vetëm në Vermicë.
Lëvizja për Shqipëri të Bashkuar vlerëson se Kosova nuk duhet rikthejë kontrollin në hyrje dhe në dalje në kalimin kufitar me Shqipërinë, por përkundrazi duhet që këtë kufi të imponuar ta rrënoj përfundimisht.
Lëvizja për Shqipëri të Bashkuar shqiptarët i sheh në kuadër të integrimeve të popujve të lirë të Evropës: Shqipëria e Bashkuar në Evropën e Bashkuar, prandaj kundërshton fuqishëm rikthimin e kufijve dhe krijimin e barrierave të panevojshme, që si qëllim kryesor kanë ndalimin e integrimeve ndërshqiptare.
Lëvizja për Shqipëri të Bashkuar poashtu kundërshton vlerësimet e Komisionit Evropian se gjoja këto rekomandime janë në shërbim të plotësimit të kritereve për liberalizim të vizave dhe për një luftë më të madhe ndaj krimit kufitar ndërmjet dy shteteve. Është plotësisht e papranueshme që kombit shqiptar ti kërkohet ndarja e mëtejme, duke u premtuar integrime evropiane, liberalizim të vizave dhe Evropë të Bashkuar.
Lëvizja për Shqipëri të Bashkuar i bënë thirrje Republikës së Shqipërisë dhe Republikës së Kosovës të përqafojnë strategjinë kombëtare të jetësimit të shtetit kombëtar të shqiptarëve. Është koha që dy shtetet shqiptare të mendojnë përtej përfitimeve momentale “integruese evropiane”, dhe të vihen në lëvizje për jetësimin e Shqipërisë së Bashkuar. Nese, kjo nuk merret seriozisht apo nuk arrihet atëherë për të realizuar idenë e Shqipërisë së Bashkuar, në pushtet duhet të vijnë misionarët e jetësimit të Shqipërisë së Bashkuar që mendojnë dhe veprojnë kombëtarisht.
Lëvizja për Shqipëri të Bashkuar poashtu paralajmëron Komisionin Evropian, Qeverinë e Republikës së Shqipërisë dhe Qeverinë e Republikës së Kosovës se në rast se ky rekomandim zbatohet, atëherë do të përballën me fuqinë e shqiptarëve të bashkuar në të dy anët e kufirit.
shkruan Tahir Veliu-Ideator i Lëvizjës për Shqipëri të Bashkuar
Na Ndiqni në FACEBOOK
Bëhuni pjesë e Faqes Medvegja REDAKSIA https://www.facebook.com/medvegja.redaksia
KOLONIZIMI GREK NDAJ TOKAVE SHQIPTARE
KOLONIZIMI DHE HEGJEMONIZMI GREK NDAJ TOKAVE SHQIPTARE
Tërësia e viseve shqiptare që gjendeshin nën pushtimin dhe dominimin grek, ishte e njëjtë sikurse e kemi trajtuar gjer më tani mbi pushtimin e viseve të Shqipërisë Etnike nga ana e Jugosllavisë së Versajës.Zaptuesit dhe sunduesit e huaj të Shqipërisë irridente, sikurse në veri dhe jug, qëllimet e tyre politike, i kishin të njëjta në bazë të doktrinave të elaborateve të tyre të arbitraritetit.
Karakteristikat e zaptuesve grek, janë identike si edhe ato serbe. Ndërsa tek grekët dominon Megalit-ideja dhe antartat e tyre në vend të Neçartanisë dhe çetnikëve serb. Dyja këto ide janë për me e mohua dhe luftua qenien shumicë të etnosit shqiptarë brenda për brenda kufijve të Greqisë. Konflikti mes Megali-ideistëve grek dhe shqiptarëve fillet i kishte qysh nga viti 1772, me masakrën e Dervishanës. “700 suliotë të krishterë, sulmuan fshatin mysliman çam të Dervishanës (26. 07. 1772) dhe pasi rrëmbyen të gjitha vajzat, i therrën pa perjashtim, burrat dhe djemtë e rinj të fshatit duke ju a prerë kokat. Kjo masakër kishte burimin jo thjesht në kundërshtinë e fshatit çam ndaj banditizmit të kleftëve suliotë, por nga drogimi fetar ortodoks, që gjakun e vet, por të fesë tjetër e shikonin si «një të keqe» e cila duhej zhdukur. Në vitet që pasuan (1821), kjo «vëllavrasje fetare» do të përfshinte të gjithë jugun e gadishullit ballkanik[1].
Disa prej pasardhësve të kapedanëve shqiptarë ortodoksë, që udhëhoqën Kryqëzatën fetare gjatë «Revolucionin grek të 1821», i përsëritën barbarinë mesjetare, duke kryer krime nga më çnjerëzore sidomos në trevat e jugut të Shqipërise dhe Çamëri. Napoleon Zerva, emri i të cilit do të shënohet përherë përkrah kriminelëve më gjakatar të shekullit të 20’të (siç thuhet «pasuria tretet-emri mbetet»), vijoi shfarosjen dhe dëbimin e popullsisë autoktone çame, të nisur nga stërgjyshi i tij suliot Tusas Zerva. “Djali i Markos, Dhimitri Boçari, u be tre herë minister i luftës nën mbreterit Oton dhe Georgios, i asaj ushtrije që sipas shkrimtares M.Vickers dogji dhe masakroi 46 fshatra myslimanësh vetëm në Shqipërinë e sotme të jugut, pa llogaritur Çamërinë dhe gjithë trevat që mbetën jashtë kufijve shqiptare, duke mos prekur as edhe një fshat ortodoks”[2] Dhe mu për këtë, ekstremizm të teskajshëm të besimit fetar, i ktheu shqiptarët ortodoks në makineri vrastare kundër vëllezërve të tyre mysliman, dhe jo vetëm kaq, por “ fatkeqësisht kjo dukuri ka bërë që në
[1] Abedin Rakipi «Masakra e Dervishanës 1772”.
[2] Abedin Rakipi “Suliotet nuk donin Çamerinë dhe çamët, por Greqine”).
Ballkan të zhduket kultura e popujve të vjetër të cilët besonin në kishën ortodokse, dhe trashëgimia e tyre kulturore dhe territoriale të manipulohet nga shtete dhe kishat nacionale“[3].
Në historinë tonë kombëtare, duhet të zënë vend të dyja («bashkjetesat fetare» dhe «lufta fetare» e shqiptarëve) sepse të shkëputura ato nuk na japin të vërtetën historike. Fanatizmi fetar, që gradualisht i ktheu në «të huaj» dhe „armiq“ pjesëtarët e një kombi, shfaqet edhe në historinë e trevave shqiptare të veriut, si në Mal të Zi dhe Kosovë. Tek shumë kasapë të shqiptarëve të këtyre trevave, rridhte po ai gjak si i viktimave të tyre. Ana e kundërt e medaljes, nuk e errëson aspak dukurinë e „tolerancës fetare“ tek shqiptaret e Shqipërisë, Kosovës, Maqedonisë, Malit të Zi, Çamërisë, Luginës së Preshevës e të Diasporës, dhe nuk i ul vlerat e kombit tonë. Studimi dhe njohja nga brezat e rinj, «të luftës fetare të shqiptarëve» është një domosdoshmëri për ta ruajtur dhe trashëguar «bashkëjetesën fetare» dhe mos-tjetërsimin e kombit tonë. “Ngjarjet e Luftës çlirimtaro-fetare të 1821» kanë një rëndësi të madhe aktuale, sepse shumë erëra që përshkuan qiellin e atyre kohërave, fryjnë përsëri mbi kokat e shqiptarëve, të ndodhur brenda dhe jashtë kufijve të 1913’ës[4].
Edhe e padrejta tjetër shihet qartë nëpër shifrat statistikore të përpiluara nga grekët. Ky regjistrim i qeverisë greke ishte kryer më një janar të vitit 1921, ku jepej një shifër qesharake dhe tejet tendencioze, ku thuhej se nëpër të gjitha viset e Greqisë jetonin jo më shumë se 5.065 nënshtetas shqiptarë. Dihet se para depërtimit të Perandorisë Osmane në Greqi jetonin hiç më pakë se 130 mijë shqiptarë dhe atë për tanë shekujt e Perandorisë Osmane. Atëbotë me mijëra shqiptarë jetonin në Athinë, Atikë dhe Selanik. Shqiptarët që jetojnë ndër shekuj në Greqi i kanë ruajtur dhe kultivuar doket, zakonet dhe mbi të gjitha e kanë ruajtur dhe përhapur gjuhën e tyre të bukur shqipe, megjithëse ishin të dominuar nga një shumicë e madhe greke, dhe se qeveria e Shqipërisë nuk dëshironte atëbotë sikurse sot qeveria kukull e Evropës në Kosovë që nuk dëshiron, me kërkua as edhe një të drejtë për popullatën e saj autoktone në Kosovën Lindore që është akoma nën kolonializmin dhe diktatin e shovinisteve serbë nga Beogradi.
Tokat irredente të Shqipërisë së Vjetër Jugore të Çamërisë, iu lëshuan shtetit helen sipas neneve të Traktatit të Kongresit të Berlinit më 1878, dhe Konferencës së Paqes të vitit 1913, dhe atë pas luftës turko-ballkanike të ratifikimeve të reja të kufijve nga ana e Konferencës së Ambasadorëve të Londrës dhe atë në prag të përfundimit të luftës evropiane.
Viset etnike shqiptare që mbetën në kuadër të shtetit helen, sipas shënimeve statistikore të perandorisë Osmane që janë bërë në mënyrë të pa anshme. Popullata atëbotë ishte ndarë në bazë të kombësisë dhe besimit fetar ato të dhëna statistikore osmane ishin kështu: Distrikti i Kosturit, i kishte gjithsejti 96.326 banor, e prej tyre ishin 37.118 shqiptarë, 30.983 bullgar, 14.987 vlleh, ndërsa grek ishin vetëm se 13.238 banor. Në krahinën e Filatit tërësia e popullatës ishte 28.473 banor nga këta 22.348 ishin shqiptarë dhe 6.125 ishin grek. Në krahinën e Gumenicës, popullata ishte prej 10.126 banorëve të saj, dhe se të gjithë këta 10.126 ishin shqiptarë, pa asnjë grek. Kurse në krahinën e Ajdonatit ishin 16.356 banor prej tyre 13.780 shqiptarë, dhe vetëm se 2.575 ishin grek. Në krahinën e Margjilicës (Margillecit), popullata e tërësishme ishte 15.723, d.m.th. të gjithë ishin shqiptarë pa asnjë grek. Ndërsa në krahinën e Pargës (Pragës), ishin 13.000 banorë vetëm se 500 ishin grek[5].
Shuma e tërësishme ndër viset etnike të Shqipërisë së Vjetër Jugore të Çamërisë, që iu dhuruan Greqisë helenike me lëshimet e bëra në favor të saj nga Konferenca e Ambasadorëve të Londrës menjëherë pas luftës evropiane mes vitit 1913-1914. tërësia e popullatës të saj atëbotë ishte hiç më pakë
365 Kisha Ortodokse Autoqefale e Shqipërisë”, nga Wikipedia, ”Enciklopedia e Lirë”.
[4] Aristidh Kola “Arvanitasit dhe prejardhja e grekëve”, 2002
[5] Prof. M. Vokshi, “Shqipëria e shqiptarëve” Tiranë, 1930.
se 168.305 banor. Për atë periudhë ishte një popullatë mjaft e madhe, e cila sot do të ishte mbi një milion e më tepër. Nga ajo popullatë prej 168.305, shqiptarë ishin 99.895, d.m.th. 60%, ndërsa grek ishin vetëm se 22.438 banor. Sikurse po shihet, krahinat e shumta shqiptare të Çamërisë ishin absolutisht të banuara me etnos shqiptarë pa as edhe një grek të vetëm.
Në përgjithësi viset irredente shqiptare të pushtuara tash prej grekëve, shtriheshin në pjesën më të madhe në brigjet e Adriatikut, nga kufiri i tashëm i Shqipërisë e deri në Konispol (Komore), me një thellësi qendrore mes 30 deri në 50 kilometra vi ajrore të viseve të Çamërisë. Pastaj ajo vazhdon e shtrihet drejt kufirit verior të Greqisë e deri në kufirin jugosllavë të Maqedonisë, edhe këtu me një hapësirë 10 deri në 30 kilometra vi ajrore[6].
Grekët kanë dashur me e krijua një konfuzitet atëbotë duke e minimizuar dhe thjeshtëzuar pasqyrën e qartë të statistikës të numrit të popullatës shqiptare në Çamëri, duke i përshkruar dhe konsideruar ata si grek dhe atë tërë banorët e këtyre viseve të cilët sipas statistikave turke këto vise figurojnë si ortodokse. Zaten, ndër nenet e shtetit civil, dhe shënimeve statistikore të Perandorisë Osmane, sepse turqit krishterët ortodoks i kanë quajtur “Rum” d.m.th. grek. Pastaj ky injorim i etnosit shqiptarë në Çamëri mundë të shpjegohet nga fakti sepse autoritetet turke në regjistrimet e tyre statistikore të popullatës siç e kemi cekë edhe në shënimet e më parme. Se turqit nuk e merrnin parasysh etninë, ose gjuhën që e përdorte ajo etni, por vetëm se përkatësinë e tyre fetare, shqiptarët pra u regjistruan në këtë konglomerat fetar islam turk.
Pas Konferencës të Ambasadorëve të Londrës të 1913, për faktin se nëpër ato vise të Shqipërisë së Vjetër Jugore të Çamërisë, që iu dhanë Greqisë gjendeshin shumë shqiptarë të besimit islam për të cilët grekët e heshtnin këtë fakt. Ata përpiqen që popullatën ortodokse shqiptare të këtyre viseve me e thjeshtëzuar faktin se pjesëmarrja në kishën ortodokse-greke të shqiptarëve nuk është e drejtë dhe e mundur me i cilësua shqiptarët ortodoks me kombësi greke. Shqiptarët ortodoks mbetën përgjithmonë shqiptarë. Nuk janë dhe nuk dëshirojnë të bëhen grek. Këtë e vërteton fakti se shqiptarët ortodoks të Shqipërisë së Vjetër Jugore të Çamërisë dhe të shqiptarëve tjerë që jetojnë edhe më thellë nëpër Greqi e formuan lëvizjen e tyre kombëtare për shkëputje nga kisha greke e Adrianopojës, kjo lëvizje e shqiptarëve për shkëputjen nga kisha greke i përngjante lëvizjes kombëtare që atëbotë vareshin nga Patriku i igumenit grek. Prej kësaj kishe greke gjatë sundimit të Perandorisë Osmane ishin shkëputur dhe ishin pavarësuar si kisha e Rumanisë, Serbisë, Bullgarisë ajo e Dodës. Mund të thuhet se, mes kësaj popullate shqiptare e këtyre viseve të Çamërisë, ka mundur me u influencua prirja greke, siç patë ndikua influenca islamike nga turqit. Porse te popullata ortodokse shqiptare nuk ndodhi, ashtu siç e mendonte kisha greke, që atyre zonave etnike shqiptare me ia ndryshua thelbin e origjinës kombëtare të popullatës ortodokse shqiptare[7].
Nuk duhet harruar atë që gjatë sundimit të Perandorisë Osmane, turqit ua njohën shkollimin në gjuhën e tyre grekëve, ndërsa shqiptarëve kjo e drejtë iu ndalua rreptësisht. Pastaj z. Venizelosi, kishte fillua me i ndryshua faktet e vërteta historike dhe ato etnografike. Kështu në Konferencën e Paqes, ai i paraqiti pretendimet e tij të panumërta, mbi viset shqiptare, duke dëshiruar dhe pretenduar të drejtën greke mbi Epirin, duke thanë se ai në kohën e Perandorisë Otomane i takonte Greqisë se nëpër ato vise atëbotë dominonin shkollat greke ndërsa nga shkollat shqipe ishte vetëm një ajo në Korçë.
.Venizelosi, kishte harruar të tregonte faktin se shkolla shqipe e Korçës ishte shkollë private e jashtëzakonshme, e cila ishte vendosur nën flamurin e Amerikës tonë mike. Porse menjëherë pas revolucionit të xhon turqve (turqve të rij).
[6] Po aty.
[7] Po aty.
Në Shqipëri kishte filluar të përhapej një liri e re kombëtare, fillojnë me u hapur me qindra shkolla shqiptare në gjuhën amtare. Shkolla të njëjta kishin filluar të hapeshin edhe ndër viset ortodokse shqiptare të Shqipërisë se Vjetër Jugore në Çamëri. Edhe ortodoksët shqiptarë të Korçës të cilët së bashku me shqiptarët islam që kishin luftuar kundër Perandorisë Osmane në vitin 1908, pas hyrjes së trupave franceze në Maqedoni e mbajtën në “Manastir Kongresin e Shkrimit Shqip”. Në vitin 1916, u hapën shumë shkolla në gjuhën shqipe, dhe që atëherë shqiptarët nuk deshën me e njohur asnjë gjuhë tjetër të huaj në arsimin shqip përveçse gjuhës shqipe. Kështu vepruan edhe ortodoksët shqiptarë të Gjirokastrës, duke u liruar njëherë e përgjithmonë nga ndikimi i shkollave greke.
Duke i përsëritur argumentet, që i kishin shfaqur akademikët serb ndaj shqiptarëve duke filluar nga vitet 1827, e gjer më 1999, mbi zhdukjen biologjike të qenies shqiptare nga faqja e dheut, dhe se të njëjtën praktikë e kishin pasur ithtarët e Venizelosit dhe të Jani Kolës me Megali-iden e tyre, për me e pakësuar numrin e popullatës kompakte shqiptare, këtu kishin filluar të lozej një lojë tjetër djallëzore, kinse myslimanët shqiptarë të atyre viseve të Shqipërisë së Vjetër Verilindore të Çamërisë, nuk janë shqiptarë porse turq. Këtu nuk mbetet tjetër gjë vetëm se t’i hedhim poshtë këto teza greke, sikurse që po rrëzohen dita-ditës edhe elaboratet dhe tezat neokolonialiste serbe të SAN-ës.
Pastaj muhamedanët e Shqipërisë së Vjetër Jugore, ashtu sikurse edhe viset tjera etnike shqiptare fenë e kanë marrë nga turqit, siç e murrën edhe myslimanët e Bosnjës dhe Hercegovinës, ndër të cilët shumica prej tyre janë nga etnosi sllavë. Por këta mysliman nuk e morën gjuhën turke të cilën nuk e përdorin dhe as nuk e kuptojnë fare dhe as nuk i morën tiparet fizike pastaj as doket dhe zakonet,dhe as shpirtin dhe prirjet turke. Dhe se shqiptarët islam në përgjithësi, e kanë ruajtur të paprekur traditën kombëtare shqiptare. Ata në të njëjtën kohë me shumicë të madhe u bashkuan me vëllezërit e tyre katolik dhe ortodoks, në luftë të përhershme që e patën ndaj Perandorisë Osmane për lirinë dhe independencën e mëmëdheut të tyre të robëruar[8].
Sikurse në serbi që ishte shpikur më 1827, formula “Serbia e Vjetër”, për pretendime territoriale ndaj trojeve etnike shqiptare që atëbotë akoma ishin nën sundimin e Turqisë orientale, ashtu edhe sot Greqia flet dhe pretendon për “Epirin e Epërm” apo Verio-Epirin pretendim ky grek mbi viset jugore të Shqipërisë së Vjetër Jugore.
Kjo nuk është asgjë tjetër nga ana greke porse është vetëm se një trilogji e propagandës fetare dhe politike e hegjemonizmit dhe ekspansionit kolonialist, e cila nuk është e qëndrueshme para kritikës së historisë ndërkombëtare.
Hartat gjeografike dhe etnografike të Lejeanit në vitin 1861, pastaj hartat Kiepertit të vitin 1876, dhe ato të Karl Saxit të vitit 1878, e dëshmojnë qartazi se viset e quajtura “Epiri i Epërm”, nuk janë gjë tjetër veçse pjesë të pandara të Shqipërisë së Vjetër Jugore të Çamërisë në tërësi.
Këto vise etnike shqiptare, të kërkuara dhe të zaptuara nga grekët. Nuk duhet harruar fakti i hidhur se grekët sikurse edhe serbët me politikën e tyre të egër dhe represive, siç thamë edhe më lartë përpiqen me i greqizuar shqiptarët autokton të Çamërisë. Gjuha shqipe nga qeveria greke nuk është e lejuar; gjithashtu edhe shkollat shqipe janë të ndaluara. Kurse nga ana tjetër e njëjta qeveri greke në statistikat e tyre demografike shqiptarët i regjistrojnë si grekë, pastaj edhe prosperiteti i çdo vlere kombëtare shqiptare është e ndaluar.
[8] Dr. Jovan Hadži Vasiljević, Arnautska liga... str. 12. 1909 Beograd.
Traktati i Paqes së Versajës i 1919, ia kishte dhënë të gjitha të drejtat atëbotë Greqisë për t’i dëbuar nga viset e tyre etnike popullatën shqiptare të besimit muhamedan. Ndërsa në vitin 1926, qeveria greke, me një notë që ia kishte drejtuar Lidhjes së kombeve, kishte premtuar dhe ishte zotuar se do ta ndalonte çdo masë diskriminuese ndaj popullatës shqiptare të Çamërisë, e që Greqisë ia kishte dhuruar Konferenca e Ambasadorëve të Londrës më 1913. Edhe popullata shqiptare e okupuar e Çamërisë, do t’i gëzonte ato të drejta që i gëzojnë edhe grekët, dhe çdo masë të jashtëzakonshme që e kishte përdorur qeveria greke ndaj shqiptarëve autokton të atyre viseve të dhuruara nga Fuqitë e Mëdha Evropiane do të anuloheshin. Porse këto premtime pas tri vitesh të kaluara nuk u realizuan. Sikurse që knjazi serb Millan Obrenoviqi më 1878-1879, kur kishte deklaruar në Nish për shqiptarët autokton të Shqipërisë së Vjetër Verilindore se: “Njerëzit mund të jetojnë të lirë ku të donin në Principatën e tij”. Porse fjalët e tij sikurse këto të qeverisë greke i kishte marrë era. Dhe shqiptarët edhe nga ato vise u shpërngulën shumë dhunshëm dhe pa asnjë dhembje me atë frazën e tyre çetnike: “Sa më pakë që të ketë shqiptarë dhe turq në mesin tonë, aq më e madhe do të jetë merita për atdheun dhe sa më shumë shqiptarë që të shpërngulni ju, aq më i madh do të jetë suksesi për atdheun tonë”[9].
Sot janë pezulluar të gjitha ligjet greke kur janë në çështje shqiptarët dhe tokat e tyre të eksproprijuara që nuk iu kthyen më kurë atyre nga qeveria greke. Pasuritë e shqiptarëve u janë dhënë nga qeveria greke refugjatëve të ardhur nga Azia e Vogël në Çamëri; dhe kështu shqiptarët islam të Çamërisë mbetën pa as edhe një të drejtë qytetare dhe pa asnjë mjet për ekzistencë, dhe mu për këtë shqiptarët autokton të Shqipërisë së Vjetër Jugore u detyruan dhe po detyrohen të emigrojnë jashtë trojeve të tyre. Duke u tretur nëpër zonat më të thella dhe mjaft të varfra. Por pas përfundimit të Luftës së Dytë Botërore të vitit 1945, popullata çame përsëri u vu edhe në një sprovë ndër më të tmerrshmet, ku lapsi vështirë se mundë t’i përshkruaj ato krime të paskrupullta që u kryen nga qeveria greke përmes antantave të tyre vrasëse dhe piromane. U mbytën me moh me mijëra dhe mijëra çam pa asnjë dhimbje, pastaj gratë dhe foshnjat e tyre u përshkuan në bajoneta ashtu siç veproi soldata ndaj shqiptarët në Shqipëri, Iliridë dhe Kosovë gjatë viteve 1912-1914, e tutje. Edhe për popullatën autoktone çame u hapën me qindra dhe qindra varreza masive ku u varrosën deri edhe për së gjalli rodi i Ali Pashë Tepelenës. Se vetë lirinë e Greqisë ua sollën shqiptarët, po të mos kishte qenë Ali Pashë Janina me ushtarët e tij trima se turqit ata grekët e paskrupullt do t’i shndërronin në karrema për peshkim.
Edhe sot e kësaj dite idetë greke nuk kanë të ndalur së propaganduari Megali-idet e tyre kolonialiste ndaj tokave të Jugut të Shqipërisë ja se çfarë shkruhet:. Në 20 vjetorin e themelimit të Omonias në Korcë, Konsulli grek Theodhoro Ikonomus, bashkë me dy deputetët grekë të Janinës dhe Follorinës, (Mihalis Pandulas dhe Stathis Theodhoridhis), duke e mbështetur idenë e regjistrimit të popullsisë në Shqipëri, që pritet të bëhet në prill të këtij viti, me këtë rast kanë kërkuar prej bashkëkombësve „grekë“ të Shqipërisë që të mos kenë frikë nga procesi i regjistrimit, dhe njëkohësisht u kanë bërë thirrje për bashkim në emër të Vorioepirit.
“Përshëndes grekët e Korçës sepse kjo që ndodh sot ju përket atyre. Do të jap edhe njëherë të njëjtin mesazh: Po, ekzistojnë grekë në Korçë. Po, vllenjtë janë grekë. Grekë, mos u trembni nga regjistrimi i popullsisë, të shpallni origjinën reale dhe të gjithë atyre që janë në dyshim dhe me frikë dhe pyesin veten jam me siguri grek, ju them një gjë, shkoni në varreza dhe shikoni varrezat e etërve dhe gjyshërve tuaj dhe gjuhën në të cilën janë të shkruar dhe merrni vendimin tuaj. Janë në gjuhën greke. Kjo betejë nuk mbaron me regjistrimin e popullatës, por nis me regjistrimin e popullatës greke.“ është shprehur Konsulli Theodhoro Ikonomus.
[9] Pashtriku.org, 06 .02. 2011.
Në vazhdim Ikonomus ka thënë: „Ekzistojnë të drejta të minoriteteve. Por këto të drejta duhet të vihen në funksion në të gjitha zonat e Shqipërisë të cilat përfaqësojnë emrin Voriepir. Ky është Vorioepiri. Në Vorioepir eksitojnë grekë, kjo vërtetohet më tepër kur të regjistrohet popullata dhe të funksionojnë të drejtat e minoritetit që parashikohen në protokollin e Korfuzit 1914, i cili asnjëherë nuk është anuluar. Ju përshëndes ju greke të Korçës dhe do jem pranë jush në të gjitha momentet e vështira. Kurajë, shpresë dhe betejë”.
Në kohën kur konsulli dhe deputetët grekë i japin kurajë, dhe shpresë „grekëve“ të paqenë në Shqipëri, klasa politike në Tiranë ia hanë kokën njëri tjetrit!… .[10]
[10] Po aty.
Shkruan për REDAKSIN Medvegja , Reshat AVDIU , Nëntor 2015 Preshevë
Autori është ish i burgosur politikë, njëherit edhe kryetar i “Shoqatës së Muhaxhirëve” për Kosovën Lindore me seli në Preshevë.
Na Ndiqni në FACEBOOK
Bëhuni pjesë e Faqes Medvegja REDAKSIA https://www.facebook.com/medvegja.redaksia
Raketat e Rusisë në Preshevë , nxisin shpërnguljen e shqiptarëve
Raketat e instaluara të Rusisë në Preshevë , prodhojn frikë dhe nxisin shpërnguljen e shqiptarëve
Vizita e Presidentit të Federatës Ruse Vlladimir PUTIN,në Beograd në tetorin e vitit të kaluar ku i’u bë një pritje dhe parad ushtarake që askujt nuk u ishte bër që nga koha e vdekjes së Titos dhe prishjes së RSFJ-ës, pastaj ushtrimet ushtrake po ashtu vitin e kaluar nga Ushtria e Federatës Ruse në Serbi krejt afër kufirit me Kosovën dhe Kroacin. Kur ksaj i shtojm edhe Kryeministri i Serbisë Aleksandër VUÇIQ,vizitoi Moskën në muajin që e lam pasë . Nëse i kemi përcjellur të gjitha këto zhvilime më vëmendje , atëher afrimi shumë i Serbisë ndaj Rusisë nuk do t’na befasonte Njoftimet e fundit që Rusia është gati të instalon raketa më bashkëkohore në krahinën shqiptare të mbetur padrjetësisht nënë administrimin e Serbisë është kërcnim , provokim shumë i rëndë , tentim i destabilizimit që prodhon frigë dhe pasiguri dhe të shpërngulen shqiptarët dhe që Presheva të mbetet një zonë ushtarake . Vendosja e raketave Ruse në këtë këtërkëndësh kufitarë që Serbia në këtë rast Presheva kufizohet me Kosovën , Maqedonin dhe është shumë afër kufirit me Bullgarinë.
***
Në momenetin e tanishëm është një situatë bukur e trazuar, kur në Podgoricë ka zhvillime për ta rrëzuar qeverin pro-Evropiane . Kur në Maqedoni nuk është gjendja aspak e mirë pasi ky shtet ende nuk pranohet me emrin e vërtet as nga Greqia, nga Serbia dhe Bullgaria e mbi të gjitha ka problemte serioze të funksionimit të mbredshëm pasi nuk pranon realitetin duke ua mohur gjysmës së banorëve të vet të drejtën legjitime . Maqedonia sivjet më nëntë maj u trondit nga rasti i Kumanovës . Po ashtu kur Republika e Kosovës është në rrugën e integrimeve dhe nënshkroi MSA-në më 27 Tetor dhe ende nuk është anëtarë e instancave dhe mekanizmave të BE-së , anëtare e OKB-së dhe paktit ushtarak të NATO-së edhe pse mbrenda Kosovës kemi forca paqëruajtëse të NATO-së. Kur i marrim të gjitha këto zhvillime që edhe Greqia është në kriz të thellë financiare. Tani kemi edhe krizën e refugjatëve Sirian që pikërisht kalojn përmesë Preshevës .
***
Kështu Presheva është bërë një nyje shumë e rëndësishme edhe në aspektin ushtarak dhe që me instalimin e raketave Ruse e bën një qytet shumë të pasigurt ku vetëm sivjet kemi pasur vizita të shpeshta të Gjeneralëve , ministrave dhe qeveritarëve më të lartë të Serbisë sigurisht në këto vizita ishin së bashku edhe ata të Rusisë . Kjo mënyrë që ka zgjedhur Rusia për të instaluar raketa pikërisht në Preshevë është një plan i errët pasi ishte mirëfilli se në bazën më të madhe ushtarake të Serbisë në vendin e quajtur ,,Cepotin’’ , në Komunën e Bujanocit do të jetë një poligon për stërvitje me forcat e Amerikanëve kur ksaj i shtojm që nga Preshava nuk është largë edhe baza ushtarake më e madhe në Kosovë në Kampin ,,Bondsteel’’ , ku mundë të ndihemi të sigurt . Ne , më herët kemi shkruar që Serbia është në mes të Rusisë dhe BE-së në dy vazhdime që gjithnjë po vërteton pasi zhvillimet jan në favor të këti konstatimi . Serbia ende është në mesë të miteve dhe realitetit , të kaluarës dhe të së ardhmes , në mesë të dy koncepteve dhe dy blloqeve ushtarake .
për REDAKSIN Medvegja shkruan Mr. Sc. Refik HASANI , 03 Tetor 2015
Na Ndiqni në FACEBOOK
Bëhuni pjesë e Faqes https://www.facebook.com/medvegja.redaksia
Autori është njohës & iniciator i shumë çështjeve për Kosoven Lindore, veprimtar i dalluar për trojet tona .
Për të lexuar Biografin e autorit
klikoni këtu:⇓
SHQIPËRIA E BASHKUAR ËSHTË INTERES I SHBA-ve PËRBALLË NDIKIMIT RUS
Shqipëria e fortë dhe e bashkuar është interes strategjik i SHBA përballë ndikimit rus në rajon Në politikë nuk ka rastësi, ngjarjet shkojnë e lidhen njëra me tjetrën. Teksa në Shqipëri Veriore (Kosovë) ka tensionim të situatës politike ndërmjet pozitës dhe opozitës, Serbia gjenocidiste po vazhdon mobilizimin e saj me armatim të rëndë nga Rusia.
Madje, marrëveshja e arritur më 30 tetor në Moskë ndërmjet kryeministrit serb Vuçiç dhe atij rus Medvedev, prej 2.5 miliardë dollarësh për të blerë raketa ruse që më pas do të instalohen në territor shqiptar (afër Preshevës) do të duhej të zgjoj nga gjumi udhëheqësit e dy shteteve shqiptare dhe aleatin tonë strategjik SHBA.
Vetëm jetësimi i Shqipërisë së Bashkuar do të krijoj një ekuilibër në rajon, prandaj është më së e domosdoshme që politika shqiptare të kuptoj rrezikun që i kanoset trojeve shqiptare dhe të bashkohet rreth strategjisë kombëtare për jetësimin e Shqipërisë së Bashkuar prej 10 milion shqiptarëve, projekt ky që patjetër do të përkrahet nga SHBA, sepse ky është edhe interes i tyre, por kësaj duhet ti paraprij politika shqiptare.
Politika amerikane nuk ka se si të mos e përkrahë një Shqipëri të Bashkuar sepse këtu kemi të bëjmë me përputhjeve të interesave strategjike amerikane dhe interesave kombëtare shqiptare për jetësimin e Shqipërisë së Bashkuar, prandaj ky është një rast historik për kombin shqiptar, për t’u zhvilluar si komb prej 10 milionësh dhe për t’u bashkuar në një shtet të vetëm kombëtar.
Shkruan ,Tahir Veliu Hartues i Platformës për Shqipëri të Bashkuar dhe ideator i Lëvizjës për Shqipëri të Bashkuar
Na Ndiqni në FACEBOOK
Bëhuni pjesë e Faqes Medvegja REDAKSIA https://www.facebook.com/medvegja.redaksia
19 personat e denuar nga Serbia ne Prishtinë,viti 1997
– Ne emer te popullit serb, nga gjykata e qarkut në Prishtine u denuan me burg dhe denime drakonike,nen akuzen per Terorizem sipas nenit 125,lidhur me neni 136 dhe 139 . sipas Akuzes P.nr.68/97.-,keta persona :
- Nait Hasani, ilindur me 15.01.1965 , ne fshatin Randobrave KK Prizrenit.
- Agron Tolaj, ilindur me 28.01.1970,ne fshatin Pobergje,Komuna e Deqanit.
- Arif Vokshi, ilindur me 01.03.1965,ne fshatin Pobergje,KK Deqan.
- Hasan Zeneli, ilindur me 30.03.1964 ne fshatin Ballaban,KK Prishtine.
- Qerim Kelmendi, ilindur me 21.12.1966,ne fshatin Llabjan,KK Peje.
- Agim Makolli, i lindur me 08.08.1962 ne Prishtine.
- Hamez Ponxhaj, i lindur me 03.08.1976,ne fshatin Pobergje KK-Deqan.
- Asllan Selimi, i lindur me 03.06.1966 ne fshatin Aqareve KK- Kline.
- Eqrem Kastrati ,i lindur me 01.11.197o ne fshatin turjake,KK Rahovec.
- Isak Shabani, i lindur me 16.03.1964 ne fshatin Orllan.KK Podujeve.
- Bislim Zogaj, i lindur me 27.04.1965 ne fshatin Terpez KK Gllogovc.
- Ali Gjyliqi, i lindur me 18.11.1973,ne fshatin Morave KK. Rahovec.
- Demir Limaj ,i lindur 14.10.1973,ne fshatin Balaj,KK Suhareke.
- Agim Hulaj, i lindur me 23.01.1960 ne fshatinHulaj,KK- Deqan.
- Sekim Lokaj , ilindur me 10.07.1948,ne fshatin Pobergje,KK,Deqan.
- Hajdin Rama, i lindur me 05.04.1938,ne fshatin Sankoc,KK Gllogovc.
- Nezir Zogaj, i lindur me 25.03.1933,ne fshatin Divjake,KK Lipjan.
- Januz Zeneli , i lindur me 10.04.1942,ne fsh.Ballaban KK,Prishtine i cili nga torturat e sigurimit shtetror serb,vdes ne burgun e Beogradit me 17.10.1997.
- Sabit F. Lahu, Fshati Rimanishte-Prishtinë , i lindur më 03.12.1964 i zhdukur më daten 01.10.1998 nga UDB-ja
Shkruan për REDAKSIN dt: 31.10.2015.
Guerilja Prishtine
Poezia e javës- Poeteshes ©Maki M Canolli
Poeteshës -Makfire Maqedoncit
Nga Azia në Amerikë.
Lexoi vargje për çdo ditë.
Poezi thellë nga zemra.
Që i ndien vet poetja.
Poetesh një motër shqipe.
Nga trojet e Shqipërisë etnike.
Dikur t`paret bashkë jetuan.
Armikut s`ju nënshtruan.
Maqedonci bashkë me Sfircë.
T`parët tanë nuk kanë lëvizë.
Me vargjet që thur sot poetja.
Më ofron tek Medvegja.
Në Medvegjën legjendare.
Gjyshërit tanë s`u ndan fare.
Kështu shpirti sot më thotë.
Digjem ,e digjem si barot.
Të quaj t`madhe poetesh,
Se ti digjesh si një eshkë.
Si eshka që digjet n`veti.
Kur thur vargje nga kurbeti.
Po kështu dhe shpirti im.
Po digjem ngadalë pa m`dal tym.
Tymi i shpirtit s`ka të ndal.
Medvegjën time kur e kujtoi.
Maqedoncin e familjes tuaj.
Në Amerikë krenare e ruan.
Vajzën Dalinën e këshillon.
Maqedoncin mos ta harron.
Edhe unë me poezi.
I këshilloi fëmijët e mi.
Mbani men dhe lexoni.
Sfircën time mos e harroni.
Lexoni poezi nga motra Maki.
Rrënjët i ka nga Maqedonci.
Maqedonci edhe Sfirca.
Janë Shqipëri ,është vendlindja.
Shaban Abazi 2015 Kazakstan
Na ndiqni në Facebook
Bëhuni pjes e Faqes https://www.facebook.com/medvegja.redaksia
Për të lexuar Biografin e autorit
klikoni këtu:⇓
Veprimtarja Xhuli SPAHIU
Xhuli SPAHIU, shkrimtare, krijuese ,motivuese e mendimit pozitiv dhe humaniste e Kosovës, dhe Luginës së Preshevës,Medvegjes e Bujanovcit, lindur në fshatin Breznicë të Bujanocit, ne vitin 1969. Shkollën fillore e kam kryer në vendlindje, ndërsa të mesmen në Gjilan, u diplomova në shkencat Parapsikologjike.
Jam mike e dashur e të palumturve, dora e të gjithë atyre që kanë nevojë për këshillë dhe përkrahjen time.Në sferen e familjes jam shumë e kënaqur. Kam 2 djem dhe 2 vajza, dhe bashkëshortin , dhe pa përkrahjen e fëmijëve të mi të dashur dhe te bashkshortit, veprimtaria ime krijuese do të ishte e pakët, dhe jo aq e vlerësuar. jam e përkushtuara e Mollës së Kuqe, e përkushtuara e rrezeve të diellit në degët e qershisë, e përkushtuar e njerëzve me halle. Unë intenzivisht merrem me art, dhe me shkencën time të dashur, psikologjinë ku mundohem qe te jem sa me optimiste ndaj mbare njerzimit dhe te shpreh dashurin shpirterore kudo qe ata frymojn qoft virtualisht apo individualisht.
Mesazhi ime per mbare njerzimin kudo qe frymojn eshte ..te jeni afer njeri tjetrit te dhuroni dashurin e te shperndani energjin tuaj spirituale dhe nje buzeqeshje sepse Një zemër e gëzuar është pasoja normale e një zemre që digjet dashurie. Gëzimi nuk është thjesht çështje personaliteti është gjithnjë e vështirë të shfaqesh i gëzuar: Një arsye më tepër për të kërkuar arritjen e gazit e për ta rritur në zemrat tona.
Gëzimi është lutja; gëzimi është forca, gëzimi është dashuria. E më shumë jep ai që jep me gëzim.
Fëmijëve dhe të varfërve, të gjithë atyre që vuajnë dhe janë vetëm, jepini gjithnjë një buzëqeshje të ëmbël; Jepuni atyre jo vetëm kujdesjet, por dhe zemrën tuaj. Ka të ngjarë të mos kemi mundësi për të dhënë shumë, por mundemi gjithnjë të japim gëzim që nxit nga një zemër valë dashurie. Nëse në punën tuaj hasni vështirësi dhe e pranoni me gëzim, me një buzëqeshje, në këtë, krahasuar me shumë gjëra të tjera, do të shihni veprat tuaja të mira. Dhe mënyra më e mirë për të treguar mirënjohjen tuaj qëndron në të pranuarit e çdo gjëje me gëzim.
Po qetë të mbuluar me gëzim, gëzimi do të shkëlqejë në sytë tuaj e në pamjen tuaj, në të folurit tuaj dhe në shpagimin tuaj. Nuk do të arrini ta fshihni dot pasi gëzimi shpërthen.
Gëzimi është shumë ngjitës. Kërkoni pra, të rrethoheni gjithnjë prej gëzimit kudo që të shkoni. …
Gëzimi duhet të jetë një nga engjëjt e jetës sonë. është virtyt i një personaliteti zemërgjërë Ndonjëherë është manteli që mbulon një jetë sakrificash dhe vetëdhëniesh. Një njeri që këtë dhunti posedon, shpesh arrin maja të larta Shkëlqen si diell në gji të shoqërisë. …
E Zoti ua ktheftë në dashuri gjithë dashurinë që keni dhënë o gjithë gëzimin e paqen që keni mbjellur rreth jush, nga njëra anë e botës në tjetrën.
Veprat e dashurisë janë vepra të paqes. Sa herë që do të ndash dashurinë tënde me të tjerët, do vësh re paqen që arrin mes teje dhe tyre. Ku është paqja është Zoti, e kështu Zoti derdh paqe e gëzim në zemrat tona.
Jemi veçse gurë të vegjël të hedhur në det që krespojnë(lekundin) ujin.
Gjej një minutë për të menduar, gjej një minutë për t’u lutur, gjej një minutë për të qeshur.Me dashuri per ju Xhuli Spahiu Ju Dua…Zoti ju Bekoft
Redaksia Medvegja ne vazhdimësi do te sjell shkrime , poezi te autores per lexuesit ku do që jan ,prandaj ne edhe kerkuam nga autorja një pershkrim te shkurter per karrieren profesionale dhe vizionin e saj kështu edhe ju te njiheni me autoren .STAFI i uron shendet e suksese Xhulit ne veprimtarin e saj .
Na Ndiqni në FACEBOOK
Bëhuni pjesë e Faqes Medvegja REDAKSIA https://www.facebook.com/medvegja.redaksia
Qeveri e rrezikshme – Medvegja po shuhet
Qeveri e rrezikshme – Medvegja po shuhet dalë-ngadalë
Vazhdon akoma asimilim i shqiptarëve ,duke i diskriminuar,asimiluar,torturuar para syve tanë dhe të Botes. Kurse ne bëhemi si të shurdhër, memec , duke qëndruar indiferentë, sikur nuk po ndodhe asgjë…. Këtë e bëjmë ose nga injoranca ose nga mos interesimi për gjendjen tonë kombëtare. apo nga ndonjë arsye tjetër …që lyp shpjegim….Ne shpesh për shumë fatkeqësi kombëtare i fajësojmë të tjerët për të kaluarën ,por nuk bëhemi pak kritik dhe burra për ta pranuar të vërtetën , se për shumë gjera jemi edhe vet fajtor .Them kështu, pasi para syve tanë edhe ne kohen e kompjuterizimit dhe të atomit kur gjithë çka është e zbuluar ,akoma vazhdon asimilimi i qenies sonë kombëtare , edhe nga frika dhe nga mungesa e guximit për ta treguar identitetin këta njerëz veprojnë kështu . Kështu ,ndodhe me këta njerëz, jo vetëm me shqiptaret, ,në Medvegjes Të njëjtin fat e patën edhe ata në Turqi dhe Greqi . Kurse për shqiptaret tjerë që jetojnë sot ne viset e ndryshme ne Ballkan është e njëjti fat.. Dhe shpesh harrojmë edhe për shume gjera . Shpesh bëhemi jo të sinqerte dhe nuk vlerësojmë realitetin që gjendemi sot. Një realitet që tani jemi duke e “gëzuar “ dhe nuk po mendojmë që është fituar lehtë, por falë gjakut të derdhur të martirëve dhe dëshmorëve dhe sakrificave të këtij populli ,jemi sot me dy shtete shqiptare. Kurse qeveria janë aq cinik dhe hipokrit, edhe të vërtetën tonë historike nuk dom ta mbrojmë . I harruam tokat shqiptare.. Moralisht intelektualet , iu japin shumë përkrahje të drejtave të shqiptarëve anë e kënd botës, të cilët luftojnë për ta fituar identitetin e tyre kombëtar . Kurse në anën tjetër mohojmë identitetin tonë duke doktrinar dhe promovuar ndonjë identitet tjetër. që nuk ekziston dhe kurrë nuk ka ekzistuar.
Pra, me sjelljet sot të dy qeverive , Shqipëri e Kosovë bëhemi të pabesë ndaj popullit të mbetur në trojet tona, siç nuk kanë besë këta njerëz tanë të humbur e të harruar në Medvegjë të cilëve çdo dite u kanoset rreziku për jetë.
Nëse pak i kthehemi historisë deri sot del që. Ne shqiptarët e viseve të mbetura jashtë Kosovës e Shqipërisë luftuam për ta çliruar armikun e jo kombin tonë. Dikur në Perandorinë Osmane luftërat e shqiptarëve ishin të kobshme,të pakuptimta dhe tragjike ! Pse dhanë jetën e tyre në frontet e ndryshme deri tek Këstendilli në Pleme të vogël,dhe në tërë Ballkanin deri tek Stambolli ,duke i mbrojtur interesat e Perandorisë Osmane me sakrificën e jetës së tyre. E pakuptimtë, por ndoshta edhe e arsyeshme ishte një marrëveshje e Sahit Pashes me Serbinë Cariste ,ti mbroj 9 fshatrat e Jablanices.. Nga ky moment plasi një gazep dhe një përçarje edhe me e madhe për shqiptaret e Medvegjës. Po ashtu edhe Kongresi i Berlinit qeli varreza të reja për shqiptarët, ku filloi një diskriminim total ndaj nesh,u bë dëbimi i shqiptareve nga tokat e tyre, dhe u bë kolonizimi i malazezeve në trojet tona. Ky kolonizim vazhdoi deri në luftën e Dytë Botërore.
Në jabllanicën tonë u mbushën me malazeze fshatrat Rama Banje, Stara Banje,Sijarine,Bonik,Gjyle Kreshtë, dhe po thuaj të gjitha vendet ku ata kishin dëshirë të vendosen. Duke qëndruar stoik një pjese tjetër e popullit shqiptar ,prapë u futën në luftën e dytë botërore,për ta çliruar vendin nga armiku. Cilin vend, nga i cili armik ? Për ne e pakuptimtë!. Çlirimin nuk e gëzuam ne shqiptarët edhe pse luftuam deri në Srem,Zagreb,Tivar e deri tek Trieste. Serbia me aleatët e tyre (Rusinë)e sollën lirinë ,kurse ne shqiptarët u shpallem nacionalist ,shovinist dhe prapë ramë nën thundrat e Serbisë,duke na vra e burgosur pa kurrfarë arsye vetëm që ishim shqiptar dhe Serbia kishte frikë nga ne.
Po ashtu për shqiptarët e Jablanicës ishte një luftë për jetë,luftë për troje e tyre të cilat me gjak u mbrojtën deri sot. Sot, pas shumë luftërave që i ceka,pas asaj lufte të fundit në Luginë që bashkërisht e ulem edhe njëherë armikun në tavolinë,po ndodhe diçka jo e hijshme për popullin e mbetur në Medvegjë, dhe për ne që i braktisem më herët tokat tona nga dhuna. U munduam që të gjithë që në zgjedhjet e fundit të kontribuojmë,i dhamë mbështetje një brezi të ri ,duke menduar se fjala e tyre nuk do të heshtë,por do të ngritët zëri fuqishëm në arenën ndërkombëtare. Mjerisht fati i shqiptareve të Medvegjes mbeti të vendoset në Kuvend nga deputetet Serb dhe nga disa deputet të pa zëvendësuar shqiptar,që si shpërblim i morën disa vende në Kuvend me ndihmën e liderëve të tyre që e kanë bazën në Beograd.
Unë dhe ndoshta shume vendas e pyesim veten ! Ku janë votat tona ? Kujt i besuam ti mbrojnë interesat e medvegjaseve ? Ku është njeriu i çeliktë dikur që i dhamë një përkrahje të fortë.!? Pse prapë rinia që ne i besuam u anashkalua.! Këto dhe shumë pyetje tjera mbesin enigme për ne qe nuk po kuptojmë çka po ndodh sot me fatin e shqiptarëve te Medvegjës. Sot kur behet konstituimi i qeveris komunale në Medvegje , e në te zgjidhen njerëz të UDB-se,njerëz që deri dje kanë vra e burgos shqiptarë,kanë mbyllë shkolla e bashkësi lokale,kanë shpërngul shqiptarë nga trojet tona,kanë hartuar dhe hartohen programe të ndryshme për ta zhduk atë popull deri në themel,thuaj se nuk ka pas kurrë shqiptarë në Medvegjë të Jablanicës,siç e beri atë shekuj me radhe me Kazan e Nishit. Këto dhe shumë gazepe tjera për ne shqiptaret po heshtën nga Kosova. Ne Parlamentin e Kosovës po shiten në pikë të ditës trojet shqiptare. Shqipëria rrinë indiferent ndaj nesh dhe ndaj trojeve tjera të mbetura jashtë shtetit amë. Për ne një “interesim “ po e bëjnë vëllezërit nga Presheva dhe Bujanovci. Pse bash ata !? Ndoshta që e kemi të njëjtin hall,të njëjtat kërkesa. Por pse deputetet tanë Medvegjës heshtin ? ku ne populli i Medvegjes ua dhamë votën, e jo Presheva e Bujanovci .Si duket po dëgjohet zëri i liderëve të partive e jo vota e popullit .Kjo për mua nuk ka sqarim, e pakuptimtë dhe jo njerëzore. Nëse deputet e partisë PD-së, morën një përqindje me të madhe se ata të PVD-së ! Ku janë ata ,pse heshtin,? Apo prapë kanë frikën nga ata që e mbajnë Medvegjën me kërbaç në krah. Ku është Fehmi Beha,Bajram Mustafa , Ruhan Muharremi,Gani Krasniqi i nderuar,ku janë ata që rrihnin gjoks gjatë fushatës në fitore ,në sinqeritet e në drejtësi,dhe në ndryshime radikale. Ndoshta ata po presin konstituimin e Kuvendit Komunal në Bujanovc e Preshevë ku e kanë selinë e partive te tyre ,ti përmbushin kërkesat e partisë e jo të popullit. Te nderuar deputet te porsazgjedhur! mos harroni ju jeni medvegjas dhe kurrë në jetë nuk bëheni preshevar e bujanocali,mbrojeni .Medvegjën ashtu siç na premtuat, mos pritni t’ju çajnë Preshevë e Bujanovc .Ju e shihni sot secili po mendon për vete. Nëse nuk e keni të qartë ua kujtoi: Në të gjitha përpjekjet për një zgjedheje të Luginës ,si në Amerikë si në bisedime ndërkombëtare, nuk shoh asnjë një kandidat nga Medvegja që merre pjesë në to. Pse, mendoni vet,kurse ne e dimë .
Medvegja ,shkurt po digjet dalë-ngadalë .bashkë me popullin e mbetur atje. Me këtë Qeveri të formuar çetnike ,vrasëse,gjakpirëse të përkrahur direkt nga Kryeministri i Serbisë , dhe duke shuajt nga deputetet e porsazgjedhur shqiptarë në Medvegjë na çon ta qesim këndesin në qerre dhe t’ja mësyjmë rrugës të vjetër të muhagjerisë.
shkruan për Redaksin Medvegja , Shaban Abazi 2015
Autori është ish i denuar , ish Komandant i Uçpmb-së Zona Medvegjë, poet dhe veprimtar shumë vjeçar për trojet tona.
Na ndiqni në Facebook
Bëhuni pjes e Faqes https://www.facebook.com/medvegja.redaksia
Për të lexuar Biografin e autorit
klikoni këtu:⇓
Bashkimi është fuqi dhe shpresë
LISTA PËR SHQIPËRI NATYRALE DHE LËVIZJA PËR SHQIPËRI TË BASHKUAR ZOTOHEN PËR JETËSIMIN E BASHKIMIT KOMBËTAR
Lëvizja për Shqipëri të Bashkuar dhe Lista për Shqipëri Natyrale, pas një takimi të përbashkët u zotuan që të vazhdojnë bashkëpunimin e veprimtarive për realizimin dhe jetësimin e aktit juridik të Kuvendit të Vlorës së vitit 1912.
Në përputhje me parimin “SHQIPËRIA E BASHKUAR MBI TË GJITHA”, ideatori i Listës për Shqipëri Natyrale Koço Danaj dhe ideatori i Lëvizjës për Shqipëri të Bashkuar Tahir Veliu shprehen gatishmerinë e tyre në shërbim të jetësimit të synimit të përbashkët; bashkimin e trojeve shqiptare në një shtet të vetëm kombëtar shqiptar – Shqipëri të Bashkuar, brenda kufijëve të vet natyrorë, historik dhe juridik.
Frashër Racaj nga Lëvizja për Shqipëri të Bashkuar shprehu besimin e plotë se ky është një rast historik për kombin shqiptar, për t’u zhvilluar si popull dhe për t’u bashkuar në një shtet të vetëm kombëtar – Shqipëri të Bashkuar. Të pranishëm në takim ishin edhe Anton Lulgjuraj, Ali Tahiraj dhe Qenan Morina.
REDAKSIA me ju-Na Ndiqni në FACEBOOK
Bëhuni pjesë e Faqes Medvegja REDAKSIA https://www.facebook.com/medvegja.redaksia