Pak fjale nga oret e para te ketij pushteti lokal

Me seancen e mbajtur me 12 nëntor 2015 në kuvendin e Medvegjës, perpos që nuk ndryshoj asgjë nga pushteti i më hershëm, ne si shqiptar humbëm më shum, humbëm postet e merituara që i patem si shqiptarë, në diten e zgjedhjeve shum prej votuesve ju mohua e drejta në votë ose e drejta qytetare, kurse sot e humbëm edhe at qe e kishim me parë:

– Nënkryetarin e komunës,

– Një prej kryeshefëve të ndonjë sektori komunal.

Ndonse dhe shume poste tjera që shqiptarët nuk kan ku të drejtohen më në asnjë zyre për ndonjë shërbim edhe pse kjo ndodhe tash e disa vite. PVD-UDSH e ben te mundur formimin e shumicës komunale me partneret e partis serbe, kinse pa këto dy parti shqiptare nuk ka mund me u formu pushtetit, e pikërisht kjo është arsyeja pse kan bër kualicion partia serbe me PVD-UDSH, sepse me 3 kshilltarë që i fituan këto dy parti atëher nuk u japin as vendet që i patem gjë e cila u konfirmua në seancen e djeshme.Partia me e re dhe me shumicen apsolute shqiptare ajo Demokratike ka marre mbi 700 vota, apo 5 kshilltar në kuvendin komunal qendron ne opozit duke mos u ftuar asnjeher nga partit tjera ne bisedime per formim te qeveris lokale, fakt ky qe len te kuptojm se pushteti u formua ne baze te fuqis se akterve te jashtem deri ne Beograd.

Pushtetin e posa formuar e përbejnë:

-Kryetar Komune: Arsiq,

-Nënkryetar Komune: Babic,

-Kryetar Kuvendi: Miletic,

-Zëvendës Kryetarit të Kuvendit: Florim Sahiti,

-Kshilltare e Kryetarit të Komunes: Leme Xhema, dhe dy antarë shqiptarë në kshillin komunal prej 7 antareve gjithsej, Kadri Hiseni dhe Hasan Xhema. Këto janë posetet  që i kanë shqiptaret në Medvegjë.

Pavarsishtë ketyre lojarave politike duhet te ngjallim shpresen e humbur tek populli dhe kompentencat nga populli ti arsyetojm aq sa na lejon vazhdimsia e ksaj garniture apo hirarkije politiko klanore. Një gjë e kam kuptuar kur u rrita, se luftën nuk e përbënte vetëm gjakderdhja, armët, vrasja e njerzve të pafajshëm, por ndjekja politike në një vend, mos perspektiva për të rinjë, mos aktivitetet për të rinjët, e në këtë aspektë nuk e vuajn vetëm Shqiptarët por edhe pala Serbe, sepse e ndajm një vend.

Albulena Salihu, Studente / Asambleiste komunale ne Medvegjë

ne vazhdim ju ftojm te shikoni këte VIDEO ⇒ Medvegja me vetem 450 shqiptarë

Na Ndiqni në FACEBOOK

Bëhuni pjesë e Faqes Medvegja REDAKSIA   https://www.facebook.com/medvegja.redaksia

A E DIN KU ËSHTË MEDVEGJA?

Nëse i pyesim politikanët tanë sigurisht do t’i rrudhin supet e do të thonë:
« Ia kemi dëgjuar zërin dhe me sa dimë ne ajo ndodhet në Serbi »!!!
Padyshim si Medvegja edhe Bujanoci e Presheva mbetën nën mëshirën e fatit dhe politikanëve tanë të uritur për pushtet. Si duket do të zbrasen nga banorët shqiptarë sepse politikanët tanë janë të interesuar t’i zgjerojnë xhepat e tyre pa dashur t’ia dinë se sa po t’kurret Atdheu ynë!
E para qe nuk do të mund t’i rezistojë më thundrës sllave është Medvegja pasi atje me të madhe ka filluar zhdukja e gjurmëve iliro dardane dhe pushteti sllav po e përdorë « fshesën » qe t’i spastroj edhe ato pak gjurmë qe kanë mbetur duke i fshirë dhe i shlyer vendbanimet e banorëve shqiptarë nga regjistrat dhe dokumentet qe i kanë në komunë!
Vallë pse po hasë në veshë të shurdhër klithma e trojeve tona? 
Është për t’u habitur kur vetëm një pëllëmbë tokë ua merr vëllau del e vret ndërsa me mijëra kilometra katrorë na i morri e po na i merr shkau dhe shqiptarët pinë kafe e çaj në kafene e politikanët në buffe!!!

JAM DEGË E MOLLËS SË KUQE

Kur ma shqiptojnë disa mbiemrin e vajzërisë
më thonë ti qenke prej Maqedonisë!

Jo u them nuk jam unë nga Maqedonia
atje te Molla e kuqe jan rrënjët e mija!

Po mbiemri yt është Maqedonci?
Po ashtu është por është emër trolli!

Po me këtë emër ku qenka ky vendë?
Shko te Medvegja se aty e gjenë!

Po e dëgjojmë vërtet për të parën herë!
Atje stërgjyshi im e ka varrin mbuluar me therrë!

Andej kah Medvegja në krah te Sjarina
aty është Maqedonci dhe rrënjët e mija!

Na qenka një emër krejt si i Maqedonisë!
Prandaj nuk e pranonë shteti i Greqisë!

Emri i trojeve tona është autokton
nuk i kemi vjedhur se nuk jemi maqedon!

Emrat tonë të lashtë i njeh historia
e jo si Maqedonia qe se njehë as Greqia!

Ne nuk jemi sllav dhe as bullgarë
denbabaden jemi kosovarë!

Linda dhe u rrita atje në Prishtinë
por kurrë nuk i harrova rrënjët e fisit tim!

Edhe pse u martova dhe u bëra nuse
e themë me krenari jam degë e Mollës së kuqe!

Paçka se ndodhem larg Atdheut t’im
mbiemri i babait e ngrohë shpirtin t’im!

©Maki Maqedonci – Canolli

P.S Në mesin e kësaj harte emri i fshatit Maqedonc,
vendlindja e gjyshit dhe stërgjyshit tim!

Na ndiqni në Facebook 

Bëhuni fans të  REDAKSISË Medvegja 

SI TË TEJKALOHET KRIZA MEDVEGJASE  !

Medvegja është një ndër  komunat më të pazhvilluara në jug të Serbisë e cila dikur ishte e banuar me shumicë dërrmuese nga shqiptarët. Medvgja Bujanovci dhe Presheva janë ndarë padrejtësisht nga Kosova, me direktivat e Titos me 1947 i cili për të kënaqur Serbinë, ia fali këto treva Serbisë. Lugina bashkë me Medvegjën kufizohet me Kosovën në jugperëndim, dhe me Republikën e Maqedonisë në jug. Pozicioni i leverdishëm strategjik – gjeografik e bëjnë Luginën e Preshevës të jetë pre e synimeve serbe për ta terrorizuar këtë rajon dhe për ta de-shqiptarizuar. Siç dihet Medvegja është një rrugë lidhëse  në mese të Kosovës me kufijtë ekzistues Muti vodë ,Kapi ,Mëshicë ( Velegllavë) dhe Bërvenik. Për fat të keq këta kufi nuk janë zyrtarisht kalues ,përveç  kufirit Mutivodë. Edhe pas luftës kishim kërkuar te hapen edhe kufijtë tjerë që i ceka me lartë,e të cilët janë të nënshkruar në Platformen e Konqulit.

Medvegjë ,Preshevë e Bujanovc janë komunat e vetme në Serbi, në të cilat jeton me shumicë populli shqiptar. Vlerësohet që në këto tri komuna ka më shumë se 150.000 shqiptar. Në prill të vitit 2002. është kryer regjistrimi i parë i banorëve në të cilin pas 21. viti marrin pjesë dhe shqiptarët. Rezultatet zyrtare të regjistrimit ende nuk janë publikuar.

Nga këto rezultate nuk pritet gjë tjetër, pos falsifikimi i numrit të shqiptarëve nga qarqet serbe. Po ashtu Medvegja deri ne vitin 1999 ka pas diku rreth 10 000 banore shqiptare,kurse tani llogaritet të jene afër 500 banorë që janë duke jetuar ende në shtëpitë e tyre,pa i llogaritë ata të cilat kanë pronat e tyre ende atje ,dhe kanë regjistrim si banor në Komunën e Medvegjës ,e që janë duke jetuar e punuar jashtë vendit. Si të gjitha trojet shqiptare që kanë një histori ,po ashtu edhe Medvegja ishte vend strategjik, ku e  pushtuan thuaj se nga të gjitha perandoritë e mëdha ,duke filluar nga Romaket,Turqit,Bullgaret,Serbia cariste Jugosllavia Titiste,çetnikët, dhe në fund “Serbia demokratike”.Për Medvegjën dhe popullin shqiptar medvegjas ishin rrugë të vështira për ekzistim.

Po ashtu, Medvegja është njëra nder komunat e para që u kërkua shkollim në gjuhen shqipe dhe që shkollimi të bëhet edhe për vajzat medvegjase,e cila edhe hyri në histori në arsimin e popullit shqiptar. Duhet të cekim se Banja e Sijarinës ishte komunë e ndarë nga Medvegja deri ne vitin 1953 ,ku kryetar i fundit ishte Rahim Abazi (Bacaloku),apo kryetari me plis të bardhë. Medvegjën me rrethin nuk ishte lehtë ta mbrojmë nga barbarët serb,sepse ajo është e pasur me resurset natyrore ,në të cilën edhe sot zbulohen miniera të arit dhe xeheve tjera që i ka fal natyra në trevat medvegjase.

Mjerisht,të drejtat themelore të njeriut, dhe të drejtat e pakicës shqiptare rregullisht janë shkelur gjatë çdo regjimi që vjen në Serbi. Diskriminimi në arsim, punësim, informim dhe në lëmi tjera është intensifikuar në fund të viteve tetëdhjeta.

Miratimi i Kushtetutës së Republikës së Serbisë në vitin 1990, e pastaj dhe sërë ligjesh të drejtuara në forcimin e pushtetit qendror, së pari e goditen vetëqeverisjen lokale. Në komunën e  Medvegjes, për shembull, partitë shqiptare nuk e kanë fituar pushtetin lokal, kështu që nuk patën mundësi që të ndikonin në ngritjen e të drejtave kolektive të komunitetit shqiptar. Deri në intervenimin e Paktit Veriatlantik (NATO) të vitit 1999, pos diskriminimit sistematik, pushteti aplikoi dhe forma të tjera të presionit. (largimi nga puna, gjykimet politike dhe ndalimi i shtypit dhe shkollimit në gjuhën shqipe. Padrejtësia ndaj shqiptarëve po vazhdon edhe pas vitit 2000 e këndej, ku shqiptaret janë bërë cak sulmesh nga paramilitaret serb, të cilët vazhdojnë politiken apartejdiste dhe synojnë ta de-shqiptarizojnë Medvegjën dhe Luginën në përgjithësi.

Megjithatë shoqëria shqiptare në Medvegjë ka ende energji dhe forca intelektuale dhe do të përballojë edhe këtë sulm të fundit të dështuar të serbëve. ,te cilët organizuan formimin e pushtetit komunal me falsifikimin e votave dhe me mbylljen e kufirit për të mos depërtuar votuesit shqiptarë deri tek pikat e votimit që ishin mirë të organizuara kësaj radhe.

Një zgjidhje të domosdoshme ,urgjente për fatin e shqiptareve të Medvegjes kërkon organizim. Për ti bindë  popullin medvegjas se problemi duhet të zgjidhet aty ku është krijuar!. Ne duhet të formojmë  një ,  Parti autoktone medvegjase.

Nderë dhe respekt partive nga Lugina me degët e tyre që janë duke vepruar në Medvegje, por problemi duhet të zgjidhet me vendor, të cilët i dinë mirë padrejtësitë,që ju bëhen sot popullit në Medvegjë, dhe si të tejkalojnë ato. Kurse një problem global për shqiptaret e Luginës kërkon një bashkëpunim ndër-reciprok në mesë tl-të gjitha partive që tani janë duke vepruar në Luginë. Ditët e mëdha të lirisë janë të gjata ,por  nuk janë larg ti tejkalojmë ato që shqiptarët  e Medvegjes dhe Luginës në përgjithësi ti gëzojnë të drejtat e tyre.

Duke e kujtuar të kaluarën duhet të mendojmë për të ardhmen. Kjo behet vetëm me një LIDER dhe me një Parti Autoktone Medvegjase.

shkruan për Redaksin  Medvegja , Shaban Abazi  Nëntor 2015

Autori  është   , ish Komandant i Uçpmb-së Zona Medvegjë, poet dhe veprimtar shumë vjeçar për trojet tona.

Na ndiqni në Facebook 

Bëhuni pjes e Faqes   Medvegja REDAKSIA

  klikoni këtu:⇓ Për të lexuar

    ⇓    

     Biografin e AUTORIT