Lëvizja Vetëvendosje ka reaguar në lidhje me bllokadën që e ka shkaktuar shteti serb në kufi me Kosovën në pikëkalimin kufitar të Mutivodës.
Vetëvendosje thotë se forca të shumta të policisë serbe janë pozicionuar në kufi me Kosovën, duke mos lejuar asnjë nga shqiptarët e Medvegjës që të kalojnë matanë kufirit për ta shfrytëzuar të drejtën e tyre për votim.
Reagimi i plotë i Lëvezjes Vetëvendosje:
Forca të shumta të policisë serbe janë pozicionuar në kufi me Kosovën, duke mos lejuar asnjë nga shqiptarët e Medvagjës që të kalojnë matanë kufirit për ta shfrytëzuar të drejtën e tyre për votim.
Për vite me radhë, shteti i Serbisë terrorizon shqiptarët e Preshevës, Bujanocit dhe Medvegjës, duke pamundësuar edhe ekzistencën e tyre në atë territor, ku për pasojë mijëra e mijëra shqiptarë tashmë janë shpërngulur. E Medvegja është një nga rajonet ku më së shumti është punuar në këtë drejtim, dhe për pasojë sot aty jetojnë shumë pak shqiptarë. Dhunës sistematike të shtetit të Serbisë në ndaj shqiptarëve në atë pjesë, spastrimit etnik të vazhdueshëm, sot po i shtohet edhe një metodë e re – pamundësimi që shqiptarët e Medvegjës të shfrytëzojnë të drejtën e tyre të votës.
Përderisa Qeveria e Kosovës lejonte ardhjen e mbi 13.000 serbëve nga Serbia për të votuar në zgjedhje në Kosovë, pa asnjë dokument të Republikës së Kosovës, vetëm e vetëm që Lista Serbe t’i merr votat e mjaftueshme, Qeveria e Serbisë nuk i lejon as të futen në në territorin e Medvegjës shqiptarët e asaj anë që janë shpërngulur në Kosovë.
Kjo është fytyra e vërtetë e Serbisë, e jo ajo të cilën na e paraqet Kryeministri i Kosovës, Isa Mustafa. Sa më shumë kompromise që bën Qeveria e Kosovës ndaj Qeverisë së Serbisë, aq më shumë rritet dhuna dhe shtypja e shtetit serb ndaj shqiptarëve atje.
Qeveria e Kosovës, para se të merren me të drejtat e popullit të vetë brenda dhe jashtë kufijve, kanë vendosur që t’i përmbushin të gjitha kërkesat e Serbisë, kërkesa këto që bien në kundërshtim me interesin shqiptar në Ballkan. Para se t’i sigurojnë të drejtat elementare të shqiptarët e Preshevës, Bujanocit dhe Medvegjës, Qeveria e Kosovës ishte e gatshme t’ia falë Serbisë një pjesë të madhe të territorit të Kosovës, përmes krijimit të “Zajednicën”. Shqiptarët e e asaj pjese, edhe sot janë vetëm. Republika e Shqipërisë dhe Republika e Kosovës duhet t’iu dalë në ndihmë atyre.
Bëhuni pjesë e Faqes Medvegja REDAKSIA https://www.facebook.com/medvegja.redaksia
Epo kshtu asht puna ose e papuna me ne shqiptaret.
Por e shof se deri me tani ka qene humbje kohe dhe investimesh duke dergu profesione te ndryshme neper bote per me ba Trajnime dhe aftesime si profesionist ne profile te ndryshme.
E tera qe qenka dasht paska qene qe u dasht vetem politikberesat e Kosoves mi dergu ne Serbi me i mesu e trajnu se si behet dhe si udhehiqet Politika e nje shteti.
Serbia e cila shkaktoi gjitha luftrat ne Ballkan ne fund gati doli e pafajshme, po mundohen me zor me favorizu e me fut ne Europe ( ata tash edhe udhtojn kudo me pasaporta Serbe), e coptuan Kosoven edhe pas shpalljes se pavarsise dmth nje lloj hajgarje me kit pavarsi, ligje favorizime per serbet e Kosoves deri ku ska ma shum, deri sa ju quan koken aq lart sa me ska kush qe ju ulë!
E ne mundohemi me diqka anesore si autsajder ne shtetin e fituar me pushke, gjak te deshmoreve e me gjitha ato vuajtje te popullit dhe ne fund: qka, prap se prap me kto kokat tona te cjapit mbetem, nuk mesuam asgje!