URIME 28 NËNTORI DITA E FLAMURIT
A do të jetë ky vit udhërrëfyes për bashkimin e trojeve shqiptare?
Njëqindvjetori i parë kaloi për Kobin shqiptarë me një pavarësi të Shqipërisë Nënë.
Përfundimi i njëqindvjetorit të parë, dhe fillimi i njëqindvjetorit të dytë u realizua me ‘Pavarësinë e Kosovës”.
A thua për shqiptaret e trojeve dikur etnike, apo Shqipëri e Madhe e sidomos për ne shqiptarët e Kosovës Lindore do të jetë ende ëndërr apo rrugë e vështirë deri në bashkimin e trojeve që dikur na u morën. Si duket epoka e shqiptareve në Ballkan ka filluar,ndërsa për popullin serb do të jen vite të errëta. Projekti i Shqipërisë së Madhe ka marre një impuls të ri. Perëndimi e përmbylli fazën e parë me formimin e shtetit të Kosovës. Tani fillojnë fazat tjera,e që ka të beje me komunat me shumicë shqiptare në Serbi,siç janë Presheva, Bujanoci dhe Medvegja. Këtë mund ta konstatojmë me projektet e përbashkëta të Shqipërisë dhe Kosovës :
Hapjen e kufjeve,literaturën shkollore, projekte të përbashkëta ekonomike,siç është autostrada. Gjatë viteve të ardhshme Serbin e pret një perspektive e zymtë,jo vetëm shkaku i politikave të perëndimit,por edhe për fajin e politikave të brendshme qe po i aplikon shteti serb,veçanërisht me miratimin e ligjit për pakicat kombëtare, kjo do e fundos Serbinë sepse sjell ligje diskriminuese për pakica ,të cilat nuk janë të pranuara ndërkombëtarisht.
Kjo rrugë e vështirë ëndërrohet edhe nga vëllezërit Çamërisë dhe vëllezërve shqiptar në Maqedoni e kudo që janë. Çamëria është shpallur e pavarur nga Këshilli gjithëpërfshirës i popullit çam dhe arvanitas në Hagë të Holandës. Këtë vendim e kanë përkrahur degët e shoqatës “Çamëria”, në Shqipëri dhe Kosovë,dhe mbarë populli shqiptare ku do që janë.
Si do të veprojmë me Kosovën Lindore ?
Referendumi i vitit 1992 që u shpallë në këto troje tregon:
Nuk duam të jetojmë me Serbinë ,duam bashkim me Kosovën. Atëherë ishin ditët e vështira, nuk patëm përkrahje. Me shpalljen e këtij Referendumi u sakrifikuam me luftë, vrasje,përdhunime, dëbime, masakra e shumë tmerre tjera që na shkaktoi Serbia .Në fund, duke ju falënderuar aleateve e kurorëzuam fitoren me formimin e shtetit të Kosovës. Tani në fazën e dytë siç thuhet nga aleatet kërkojmë Bashkim Kombëtar.
Ndërkombëtarisht jemi mësuar të presim e t`na ndajnë ashtu siç bënë shumë herë gjatë historisë. Të jemi të zemëruar në shtetet jo aleate është shumë e arsyeshme. Të kemi zili në shtetet aleate nuk kemi të drejtë. Si duket tani historia për shqiptaret do të ndryshon në të mirë të Kombit. Por ne duhet të jemi të palodhshëm dhe të pagabuar, duke mos kursyer asgjë deri në formimin e shtetit të madhe: Shqipëri e Madhe . Unë do të ndalem aty ku me së shumti kam dhimbje :Kosova Lindore.
Ne ,Kosova Lindore sprovuam : dyndje,torturë,asimilim,luftë ,spastrim etnik dhe shumë gjenocide të asaj kohe , dhe të kohës së “Demokracisë serbe” të sotme që po flitet që qenka në Serbi.
Pas të gjitha këtyre, ne prapë mbetem nën mëshirën e politikes së sotme. Kjo politikë ndaj viseve shqiptare prapë mbetet temë diskutimi për përmbushjen e apetitit të shteteve të mëdha ,dhe për pazarllëqet mbi Kombin tonë.
Si është duke u zhvilluar politika sot, për ne luginasit ende nuk dihet çka do të ndodhë. Të jemi një Komb një shtet,apo të presim momentin kur do të vetëdijesohet Serbia të pranoj humbjen e trojeve që kurrë nuk ishin të saja. Për fat të keq , tani nuk qëndron fjala popullore,“Të kujt janë delet i tij është livadhi”.Si duket ne shqiptarët e Luginës mbetem në livadhin e huaj. Këtë e thonë liderët serb,kurse liderët shqiptarë heshtin në qetësi,apo shumë pak nga ta flasin nga një fjalë miradije për këto troje.
Të nderuar qeveritar,parti politike,udhëheqës të popullit!. Mos harroni se edhe shqiptarët e Luginës ishim dhe jemi shqiptar. Luftuam në luftërat e të gjitha kohërave deri tek lufta e fundit e UÇPMB-se. Të gjitha këto lufta kishin një qellim ,Bashkim Kombëtar. Jo ndarje, jo formim të disa shteteve shqiptare në Ballkan. Populli nuk mund të luftoi çdo ditë e të formoj shtet në çdo tokë shqiptare,duhet të jemi një shtet për gjithë shqiptaret. Këtë e kërkuam në luftë me Platformën e Konçulit të nënshkruar nga Këshilli Politik dhe nga krahu i luftës duke u përkrahë vullneti i popullit të luginës. Nëse sot mendoni t`na leni prapë nën Serbi,do na mbysni me dorën e juaj , kurse Serbia do t`na mbys e do t`na dëboi të gjithëve nga tokat tona siç e dëboi në tërësi Sanxhakun e Nishit me 270 fshatra shqiptare. Si është duke u zhvillua politika sot,nuk do të ketë shqiptare më në Medvegje.!!!
Do të jetë e mirë, nëse Ju qeveritar shqiptare, e dini kur dhe sa kohe duhet të presim për këtë bashkim Kombëtar ??. Ti tregoni popullit edhe sa kohe duhet të sakrifikohemi ? Por jo edhe njëqind vitet e ardhshme. Tani falja e trojeve tona do të jetë tradhti ! Pushka nuk do të ndalet ,do ua kthejmë atyre që i shesin sot tokat shqiptare. sikurse që ua kthyem atyre që na uzurpuan.
Është momenti i fundit të nxirën gabimet e Evropës që shiti trojet tona. Ti thuhet JO, pazarllëqeve me trojet shqiptare,çdo kujt kush tenton ti shes ato.
Të kota do të jenë mbledhjet e mbyllura në Bruksel e Beograd pa e ditur populli fatin e tyre. Do të jemi mirënjohës për të gjitha ata që mbrojnë interesat kombëtare. Do të jemi vrasës për të gjithë ata që shesin tokat shqiptare.
Andaj, edhe ne medvegjasit kërkuam dhe kërkojmë Bashkim Kombëtar.
Nuk jemi popull tjetër ,përheq shqiptarë. Nuk duam të na quajnë shqiptarët e Luginës ,as shqiptarët e jugut të Serbisë.
Mos harroni, festa e flamurit është festë për të gjithë shqiptaret kudo që janë. Por, mos harroni se fati i shqiptarëve të Kosovës Lindore po keqësohet edhe më shumë, sidomos për ne medvegjasit. Edhe sot flamuri Kombëtarë mbetet i palosur në arkat tona. Si do të ndodhe kësaj radhe, nuk e kam idenë, edhe pse ne Medvegjasit kemi parti politike “ PVD-PD”. Kemi njerëz të “çelikte” ,kemi njerëz që udhëheqin në Kuvendin Komunal,kemi njerëz të arsimuar dhe patriot Kombi. Andaj, jam shumë bindes që erdhi koha të bashkohemi siç na bashkoi autostrada Tiranë- Prishtinë,tani do t`na bashkoj edhe Prishtinë -Medvegjë e drejt Evropës.
Dashtë zoti që kjo autostrade sjell me veti popullin që dikur i lëshuan trojet medvegjase, dhe të gjitha ata që kthehen të sjellin nga një FLAMUR KUQ E ZI dhe të festojmë së bashku në oborrin e Komunës të Medvegjes duke valuar Flamuri mbi dyert e saj, aty ku dikur e kishte vendin, dhe duke e festuar Bashkimin Kombëtar. Pra vëllezër shqiptarë.
Urime 28 Nëntori Dita e Flamurit Kombëtar. suksese në rrugën e Kombit për bashkim të Trojeve Shqiptare.
Shaban Abazi –Kazakistan 27.11.2016
28 NËNTORI
Sa herë që vjen kjo datë historike
E kujtoi me mall Vlorën heroike.
E kujtoi popullin veshur kuq e zi
E kujtoi Shqipërinë me Pavarësi.
Plakun e kombit me mjekër të bardhë
Ismail Qemalin ëmbël duke folur,
Urime vëllezër Pavarësia.
Që nga sot është e lirë Shqipëria!
E kujtoi motrën e madhe Marigonë
Që e qëndisi shqiponjën me gjilpërë,
Pritje e madhe që ju be një trimi.
Nga Kosova kur erdhi Isa Buletini.
Kënga dhe vallja që u festua në Vlorë.
U dëgjua larg, Amerikë e Evropë.
I kujtoi fjalët e arta nga plaku.
“Qofshi të bekuar or trimat e kombit !”
Nëntori sot me datën 28
E bashkon kombin kudo në botë.
Flamuri me shqiponjë na tregon.
Jemi shqiptar, jem një komb.
Të duam Shqipëri,O Nënë e madhe.
Me Ty sot jemi krenar e krenare,
Mos harro viset tjera shqiptare.
Na bashko në Shqipëri e madhe.
Rruga e Kombit Shqipëri-Kosovë.
Të vazhdoi në këtë nëntor.
T`na lidhë Luginën me Çamëri.
Medvegjë,Plavë e Guci.
Kumanovën,Prishtinën e Shkupin,
Jem një komb,jem të një trung.
Shaban Abazi 2015.
Na ndiqni në Facebook
Bëhuni fans të REDAKSIS Medvegja
klikoni këtu:⇓