Kush do të zëvendësoj

28/01/2018 tupalla

Kush do të zëvendësoj Jonuz Musliun?
Se kush do të zëvendësoj tani të ndjerin Jonuz Musliun me postin e Kryetarit të Kuvendit të Bujanocit, Kryetarin e subjektit politik që e themeloi dhe në postin Kryetar të Këshillit Kombëtarë Shqiptarë për Medvegjë, Bujanoc dhe Preshevë mbetët të shihet. Në këtë krahinë vazhdon diskriminimi kurse sfidat e subjekteve politike dhe liderëve politik e insitutucional do të duhej marr vendime se kush do të zëvendësoj Jonuz Musliun në pozita që mbante.

Jonuz Musliu i cili ndërroi jetë më 18 janar të këtij muaji, ishte një person që ishte bartës i shumë proceseve që nga fillimi i viteve 90-ta, mbajtja dhe organizimi i referendumit të 1 e 2 marsit 1992 e këndej.Pas fillimit të luftës së UÇK-ës në Kosovë, pas marrëveshjes së Rambujes dhe hyrjes së forcave të NATO-s në Kosovë,Komunat Medvegjë, Bujanoc dhe Preshevë, të pushtuara ashtu nga forca të shumta Sebe, më datën 26 janar 2000 u paraqit publikisht UÇPMB-ja.
Organizmi dhe kryengritja e armatosur e një lufte kundër forcave vrastare të Serbisë të kësaj Krahine shqiptare është diçka shumë domethënjëse në shumë aspekte dhe vlerë gjithë Kombëtare. Lufta e bërë tregoj që edhe kjo pupullat shqiptare e tri komunave nuk durojn të jenë të pushtuara. Drejtori politik i UÇPMB-ës Jonuz Musliu me shumë shokë e veprimtar të devotshëm arrijn që luftën ta bëjn që të arrihet të tërhiqet vëmendja se çështja e kësaj krahine e mbetur padrejtësishtë nën administrimin e Serbisë nuk është zgjidhur dhe don liri e bashkim Kombëtarë.U arrit në nvel që të ndërkombëtarizohet në mekanizma e instanca më të lartë të BE-ës, NATO-s dhe deri në OKB. U arrit edhe marrëveshja e Konçulit nënë monitorimin dhe garantimin e faktorit politik dhe ushtarak ndërkombëtarë.
Ajo çka ishte me rëndësi ishte se frytet e luftës të mbrohen dhe të vazhdohet lufta më e vështir me mjete politike e që Jonuz Musliu mundua të kontriboj në skenën politik të kësaj krahine përmesë subjektit politik të LPD-ës që e themeloi. Përveqë subjektit politik ishte po aqë vështirë që në zgjedhjet e para lokale pas shpërbërjes së UÇPMB-ës të mbrohet fryma e funksionimit të Kuvendit të Medvegjës, Bujanocit dhe Preshevës me Kryetarët dhe Kryesuesit e këtyre Kuvendeve. Duke ditur faktin që i vetmi ndër themeluesit dhe prijësit e UÇPMB-ës vazhdoi të jetë aktiv njëkohësisht edhe Kryetar i LPD-ës, por edhe duke kryer fuksionin e Kryetarit të Kuvendit të Bujanocit për disa mandare rresht, qasja ndaj Beogradit ishte gati po i njëjti i pa ndryshuar.
Në ditët në vijim sigurisht do të dihet kush do të zëvendësoj Jonuz Musliun, por po e ritheksoj do t’i mungon skenës politike në Medvegjë, Bujanoc dhe Preshevë.

Shkruan: Refik HASANI 28.01.2018

Na ndiqni në Facebook

Bëhuni fans të REDAKSISË Medvegja

Diaspora, LAJME, Shqiperia E

Jonuz MUSLIU

18/01/2018 tupalla

Jonuz Musliu, do t’i mungon skenës politike në Luginë të Preshevës

Të ngritesh në një luftë të armatosur për të mbrojtur pragun nga padrejtësit dhe diskriminimi në një krahinë që përfshin tri komuna është dashur mundi,sakrificë, përkushtim e të sfidohesh në çdo moment.Në fillim të viteve 90-ta mbajtja e Refendumit të kësaj krahine.Pjesëmarrja aktive në jetën politike. Të fillohet e të organizohet lufta e UÇPMB-ës nuk ishte lehtë, prandaj i ndjeri Jonuz Musliut,së bashku me shokë të idealit ishte një nga ata të meritueshmit.
Jonuz Musliu, do ti mungon skenës politike të Medvegjës, Bujanocit dhe Preshevës.
Ngushëllime familjes MUSLIU, Ushatarëve dhe Ushtarakëve të UÇPMB-ës.
Lavdi punës dhe veprës së pavdekshme.
I lehtë qoftë dheu i kësaj kësaj krahine shqiptare

shkruan: Refik HASANI

Organizata e Veteranve te luftes se UQPMBs dega_Medvegjë. Me pikllim morem lajmin per ndarjen nga jeta e ideatorit dhe njerin nga njerzit e par te celulave te UQPMBs njeriut te madh te qeshtjes kombetare, njeriut te pushkes dhe te pendes, njeriut te liris i cili dha te gjitha nga vetja per lirin e popullit te vet .Ngushllime familjes farefisit shokve miqve dhe gjith bashkluftarve per humbjen e nji patrioti ,komandant Januz Musliu Ngushllime ,Respekt

Shkruan: Zymer ISMAJLI

NJË LAJM TEPËR I PIKËLLUAR PËR LUGINËN DHE TROJET ETNIKE SHQIPTARE
IKU EDHE NJË ATDHETAR I MADH, PËR TË CILIN PAT NEVOJË SHUMË LUGINA E PRESHEVËS
Sot, pas një sëmundje të shkurtër ka ndërruar jetë në një spital në Turqi, JONUZ MUSLIU, njëri ndër ish-udhëheqësit e UÇPMB-së, ish i burgosur politik, veteran i UÇK-së, veprimtarë i kahmotshëm i çështjes kombëtare, lider i Partisë së Progresit Demokratik, ish funksionar i Kuvendit Komunal të Bujanocit, si dhe Kryetar i Këshillit Kombëtar Shqiptarë të Luginës së Preshevës.
Lugina humbi njē veprimtarë të madh të kombit, i cili ishte pjesë e të gjitha proceseve që kishin ndodhur nē rajon që nga viti 1981.
Vdekja e tij i ka pikëlluar të gjithë, jo vetëm njerëzit e Luginës, të cilët kishin nevojë të madhe për vlera të këtilla.
Edhe unë e kisha fatin ta kam shok, mik dhe të isha bashkëpunëtorë në kohë të vështira, vërtet ishte një njeri i shkëlqyeshëm, trim, atdhetarë dhe kishte një vizion të qartë politik mbi kauzën kombëtare.
Lugina e Preshevës për te ishte trungu i pandarë i Kosovës, edh pse administrativisht ka mbetur nën Serbi, ai kurrë këtë nuk e dëshironte. Ishte zëri i pakët në rajon që kërkonte bashkim kombëtarë. Ishte shumë optimist se ky synim do tē arrihet.

Ngushëllime mē të sinqerta familjes, bashkëveprimtarëve, shokëve, si dhe të gjithë atyre që e kishin njohur.

Lavdi jetës dhe veprës së Jonuz Musliut, Zoti e mëshiroftë në xhenet, i lehtë i qoftë dheu i Luginës, të cilën shumë e deshi dhe i dha shumë mundi dhe sakrificë.

Shkruan: Femi RAMADANI

Nuk e besoj!
Ky mbetet i gjall midis nesh! Ndonse Zoti zgjedh e nuk mbledh!
Ngushëllime miq dhe familjarë.

LAJM I PIKËLLUAR PËR LUGINËN DHE TROJET ETNIKE SHQIPTARE
Vdekje qe krijojne boshlleqe te medha.
Njerezit si Jonuz Musliu, ikin vec fizikisht nga kjo bote, ndersa vepra, angazhimi e atdhedashuria, mbeten gjithmone ne zemrat e mendjet tona.
Pusho i qete Jonuz.Gjatë gjithë jetës punove dhe luftove për t’a bërë Shqiprinë Shqiperi.

Ngushllime familjes Musliu, shokeve te luftes e paqes dhe gjithe shqiptareve!
Ngushllime per tërë ekipin mjekësor të spitalit në Edrene dhe Istambul ne Turqi.te cilet u përkujdesen per shendetin e mikut tonë Junuz Musliut

Ngushllim i veqant u shkon Ministrise se shendetesise Turqise.
Kryetarit të VATRËS Shqiptare në Stamboll z, Bora Zukali,e me e veqata per kete Gazetarës më famë Botnore Mimoza Elezi në Turqi të cilët bën përpjekjet e tyre maksimale dhe nuk kursyen asgjë nga vetja e tyre duke vën në Lëvizje edhe Ministrinë e shëdetësisë në Istamboll për përkujdesjen e shëndetit të Junuz Musliut,

Pusho i qete Jonuz.Gjatë gjithë jetës punove dhe luftove për t’a bërë Shqiprinë tamam Shqiperi.
Në dashtë Zoti kjo do të bëhet!
Zoti të mëshiroftë.

Shkruan: Sadik SADIKU

Me dhembje të madhe e morrëm lajmin për vdekjen e Jonuz Musliut, kryetarit të Këshillit Kombëtar Shqiptar, njëkohësisht kryetarit të Kuvendit Komunal të Bujanocit dhe Lëvizjes së Progresit Demokratik.
Në këto caste pikëllimi, në rradhë të parë i shprehim ngushllime familjes Musliu për humbjen e babait, bashkëshortit dhe të afërmit të tyre. Poashtu ngushllojmë të gjithë miqët, dashamirët dhe bashkëpunëtorët e tij.Ngushllime i shprehim të gjithë anëtarësisë së LPD-së për humbjen e liderit të tyre si dhe këshilltarëve në Kuvendin Komunal të Bujanocit dhe atyre në Këshillin Kombëtar për humbjen e prijësit të tyre.
Jonuz Musliun do ta kujtojmë si një njeri të sinqertë, të shoqërueshëm dhe bujar. Por mbi të gjitha do ta mbajmë mend si një trim dhe luftëtarë të pa kompromis për lirinë dhe të drejtat e shqiptarëve. Ai asnjëherë nuk u zmbraps para fortunave që bartnin me vete kohët e liga duke treguar vendosshmërinë që kombi të cilit i përkiste të jetojë më mirë.
Ishte në ballë të proceseve më të rëndësishme për rajonin, përshirë edhe ato më sfiduese sic ishte lufta e UCPMB-së.
Ai u nda nga kjo jetë pa qenë të realizuara në plotëni aspiratat për të cilat u angazhua dhe sakrifikua për një jetë të tërë.
Lusim Zotin e Madhërishëm që ta mëshirojë z.Musliu dhe në botën tjetër ta bashkojë me më të mirët!

shkruan :Arbër Pajaziti, kryetar i APN-së në Bujanoc

NDËRROI JETË JONUZ MUSLIU- KRYETAR I KNSH, LPD DHE I KUVENDIT TË BUJANOCIT
1959-2018

Shkruan Rrahman Hyseni
Sot 18 janari i vitit 2018 ishte një ditë kobzezë, ngase prej nesh u nda z Jonuz Musliu. Unë, në emrin tim, të miqve të mi poetë dhe të familjes sime, u shprehim ngushëllime e ngushëllimit i bashkëngjiten edhe invalidët, veteranët e UÇK-së, UÇMPB-ës,, instuticionet e Shqipërisë, të Kosovës dhe institucionet e pjesës shqiptare të Malit të Zi dhe të Maqedonisë.
Jonuzi ishte duke u trajtuar për shërim nga një sëmundje që vuante.
Për vdekjen e luftëtarit dhe birit të denjë të kombit shqiptar, JONUZ MUSLIU është pak të shkruhet, madje edhe me një fjalor të pasur të gjuhës sonë.Jonuzi na pikëlloi të gjithëve sepse e kishim shpresën se do të na kthehej, por ja se nuk ndodhi kjo dëshirë jona. Ai u nis në amshim.
Këtë burrë të denjë vdekja e gjeti në postin e kryetarit të Këshillit Nacional të Shqiptarëve të Luginës së Preshevës. Jonuz Musliu dha një kontribut të vazhdueshëm për avancimin e të drejtave politike dhe kombëtare të shqiptarëve të Luginës së Preshevës. Ai poashtu dha kontribut në procesin e çlirimit të Kosovës. Mbi të gjitha, Jonuz Musliu ishte i përkushtuar për zgjidhje të drejtë të çështjes së shqiptarëve në Luginën e Preshevës. Jonuz Musliu ka qenë duke u trajtuar në Turqi nga një sëmundje që vuante.
Veprat e këtij burri të madh shqiptar, e bënë të amshueshëm në mesin tonë, e bënë përjetësi. Në mesin tonë do të jetojë përjetësisht.
Prehu në paqe i madhi Jonuz Musliu, krenari e kombit tonë!
Lavdi e përjetshme!

shkruan: Rrahman Hyseni

Sot ka ndërruar jetë kryetari i KKSH-së, z. Jonuz Musliu.
Kryesia e Fondit Humanitar për Preshevë Bujanoc e Medvegjë me seli në Wetzikon – Zvicër ngushëllon familjarët dhe LPD-në për humbjen e liderit të tyre. I lehtë i qoft dheu i Luginës!

shkruan: Adnan IMERI

Ngushëllime të përzemërta juve familjes së ngusht MUSLIU
ngushëllime farefisit shoqëris dhe ngushëllime mbarë bashkëluftëtarëve të UÇPMB-UÇK-së.
Me rrespekt nga Invalidi Luftës së UÇPMB-së
I lehtë të qoftë dheu shoku I luftës.
shkruan: Musa Latifi Kishaj

Sod morem lajmin per humbjen e njeriut me te devoteshem te qeshtjes kombtare andaj shprehi ngushllimet me te sinqerta familjes se Jonuz Musliut shokve dhe gjith bashkluftarve qoft i leht dheu u shqipnis

shkruan: Agim ABAZI Medvegjalia_ ish ushtar i Uçpmb_ës

Me dhembje mora lajmin për shuarjen e luftëtarit të lirisë, ish komandant i UÇMPB-së dhe Kryetar i Këshillit Nacional të Shqiptarëve në Luginë të Preshevës, Jonuz Musliu.

Musliu, një jetë njeriu i është përkushtuar zgjidhjes së drejtë të çështjes së shqiptarëve në Luginë, luftëtar i paepur i të drejtave të njeriut, mik dhe familjar i mirë, do t’i mungojë familjes së tij, dhe komunitetit.

I qoftë i lehtë dheu!

RH
shkruan: Kryeministri i Republikës së Kosoves Ramush HARADINAJ

Me dhembje mora lajmin për vdekjen veprimtarit të shquar Jonuz Musliu, kryetar i Këshillit Nacional të Shqiptarëve të Luginës së Preshevës.

Jonuz Musliu dha një kontribut të vazhdueshëm për avancimin e të drejtave politike dhe kombëtare të shqiptarëve të Luginës së Preshevës.

Jonuz Musliu po ashtu dha kontribut në procesin e çlirimit të Kosovës.

Ngushëllimet më të sinqerta familjes Musliu. HTH

shkruan: Presideniti i Republikës së Kosoves Hashim THAçi

Na ndiqni në Facebook

Bëhuni fans të REDAKSISË Medvegja

Diaspora, K. Lindore, LAJME

Medvegje_Ndihmon familjet në vendlindje

31/12/2017 tupalla Laisser un commentaire

FONDI HUMANITAR MEDVEGJA

Ndihmon familjet në vendlindje

Fondi Humanitar Medvegja në Zvicerr është regjistruar dhe ka filluar aktivitetin e vet në Dhjetor të vitit 2017 .
Një fillim i mbar , riaktivizim i diasporës, shpresë për vendlindjen.
Ata në mbledhjen e parë me 16 Dhjetor 2017 muaren vendim që të ndihmohen disa familje në fashatrat e izoluara të Medvegjes,ky ishte edhe qëllimi kryesor për krijimin e këtij Fondi
‘’ Të përkrahen familjet në nevoj kryesisht që jetojn në Medvegjë » .

Ndihmat arriten direkt tek familjet dhe fëmijët nga dy bashkëatdhetaret tan që jan edhe pjesë e Fondit Humanitar Medvegja në Zvicerr : Skënder ABAZI dhe Sokol OSMANI

Kësaj radhe Fondi gjithsej ndihmoj me shumen
1700.- CHF dhe u shperdan si më poshte :

1.Murat JAHA 50.- CHF
2.Hava AVDYLI 50.- CHF
3.Bajram ZEQIRI 50.- CHF

4.Jahë JAHA 100.- CHF
5.Sadik Islami 100.- CHF
6.Arif PAJAZITI 100.- CHF
7.Dilber RAMA 100.- CHF
8.Halim ZUKA 100.- CHF
9.Billal RAMA 100.- CHF
10.Hasan HAZIRI 100.- CHF
11.Agim OSMANI 100.- CHF
12.Agim PAJAZITI 100.- CHF

Shuma prej 650.- CHF u shëndrrua në dhurata për të gjithë fëmijët në Medvegjë

Fondi përmbylli vitin 2017 dhe një muaj aktivitet duke kontribuar me shumën 1700.- CHF .
Tani e tutje familjarët e mbi të gjitha fëmijët në Medvegjë e din se nga Diaspora dhuratat dhe ndihmat mundë të arrin edhe nga # Fondi Humanitar Medvegja e jo si deri tani vetem nga # Shoqata Huamnitare apo edhe # Fondacioni Humanitar i Kosovës Lindore .
Ata jan mirënjohës për secilin individ, Shoqat apo Fond që përkujdest për familjaret ,fëmijt , vendin e vetë .

Në foto: Themeluesit e Fondit Humanitar Medvegja në Zvicërr- Dhjetor 2017

Foto Dok. Numri i Gjirollogaris – Fondi Humanitar Medvegja në Zvicërr

Urojm një vitë të mbarë për të gjithë JU ku do që jeni e në veqanti për donatorët e mundshëm në të ardhmen. Medvegja ka nevojë më shumë se asnjëherë më parë për secilin nga ne.

nga STAFFI i REDAKSISË Gëzuar vitin e ri 2018

Na ndiqni në Facebook

Bëhuni fans të REDAKSISË Medvegja

KULTURË, Poezi

Poezia e vitit 2017

30/12/2017 tupalla Laisser un commentaire

MALLI E DHIMBJA KURRË S’KA ME U SHU

Qaj Medvegja ime
qaj e mos u ndalë,
ah akoma ty e mira ime
po të hapet ai varr!

As për së vdekuri
fëmijët nuk t’i lënë të qetë,
edhe ata pak të gjallë të mbetur
sërish janë duke t’i ndjekë!

Qaj Medvegjë për Mollën e kuqe
qe rrënjët jan duke ju tharë,
se degët e saj gjithandej
nëpër botë janë shpërndarë.

Qaj Medvegja ime
vajin mos e ndalë,
e loti yt u bëftë mallkim
për ata qe dhimbjen tënde s’po e ndiejnë.

E bashkë me ty po qajnë
të gjithë fëmijët e tu,
se malli e dhimbja për ty
kurrë s’ka me u shu!

©Maki Maqedonci – Canolli

NGRITE ZANIN NANË SHQIPNI

Th’rret Çamëria me lot n’sy
oh ku je moj nanë Shqipni?
Më shkoj jeta tuj prit nanë
kur po m’merrë në gjirin tënd?

Th’rret Medvegja me Preshevën
kur Kosovë do t’na hapsh derën,
mos na le ti si jetime
se mjaft hëngrëm thik pas shpine!

Merrna merrna nanë Shqipni
hjeki ti kufijt e zi,
merrna nanë për jetë te votra
se ma mirë do t’na njeh bota!

llirida th’rretë Gucin
merri Plavë edhe Ulqin,
hajdi sbashku mori motra
se në sofër na th’rret votra.

Ngrite zanin nanë Shqipni
me i rrafshu të zijt kufi,
ka ardh koha me u bashkue
lot e gjak me i ndalue.

Merrna merrna nanë Shqipni
hjeki ti kufijt e zi,
merrna nanë për jetë te votra
se ma mirë do t’na njeh bota!

©Maki M Canolli

PERËNDIA IME E KA VETËM NJË EMËR

Tek ti e kam gjithë dashurinë
për ty e thurri unë poezinë,
tek ti unë e gjejë frymëzimin
tek ti e ndiej gjithë gëzimin.

Për ty flijohem nëse do të duhet
për ty tretem edhe bëhem pluhur,
ty të falemnderoj sa të jemë gjallë
që më dhe emrin të quhem shqipëtarë!

Për ty bie në gjunjë dhe ta puthi tokën
për ty jam në gjendjë edhe ta jap kokën,
ty të falem me mishë e shpirtë
për ty lutem natë e ditë.

Për ty do të jemë gjithë jetën fëmi
je dielli im që gjithmonë bënë dritë,
për mua ti je vetë Perëndia
e shtrenjta ime – Nënë Shqipëria!

Autore e tekstit © Maki M Canolli- Këndon Shaqir CERVADIKU

Na ndiqni në Facebook

Bëhuni fans të REDAKSISË Medvegja

Histori, Monografi

FIGURË QË NUK HARROHET nga Tupalla

28/12/2017 tupalla

Një figurë e rrall që i Shpetoj TIVARIT por jo edhe torturave të TITOS (Rankoviqit) ishte nga MEDVEGJA

FIGURË QË NUK HARROHET

Në viset dardane të banuara me shqiptar,ka pasur trima pushke,mendimtarë,kryetar dhe njerëz të pendës dhe mendjes së hollë.
Po ashtu në Medvegjen e Kosovës Lindore,kishte dhe ka ende shqiptar që kurrë nuk lëvizen nga idealet e tyre kombëtare.
Në fshatin Tupallë,fshat i njohur në trojet e Medvegjes si njëra ndër fshatrat që dha shumë dijetar , njerëz te arsimit ,dhe trima të pushkës gjatë të gjitha kohërave por edhe sot.
Nga të gjithë është shumë i njohur Hysen (Ramë ) Salihu,apo Baba Sheh.
Ishte lindur në Tupallë në vitin 1914 nga babai Ramë dhe nëna Fatime.
Një familjen e madhe Hasanaj,familje mikpritëse dhe bujare e trevave Medvegjase. Hyseni ishte vëlla i vogël i Alis,Ismajlit dhe Sherif Ramë Salihut i njohur si Baci Shyf , dijetar dhe mezhlistar i asaj kohe. Mirëpo në të kundërtën e vëllait Sherif, Hyseni merret krejt me një lami tjetër të kohës.
Që nga fëmijëria filloi të interesohet me një teknologji të re të asaj kohe. I interesonte çdo gjë që mund të punohet e të perpunohet me një studim të hollësishëm të tij, që puna të dalë e mirë dhe efikase. Që në rini,pa parë kurrë me sy shpifte gjëra të ndryshme të punuara nga druri,punim dore. Për ti lehtësuar vetit punën i punonte me precizitet mjetet e punës; drugdhendësin,dalta te ndryshme,burgia ,çengele dhe të gjitha çka i nevojiten për punë.
Si duket idenë e marrte nga dajallarët e familjes Sahiti në Llapashticë ,ku ishte nip i kësaj familje.
Tërë rininë e kaloi në fshat,me një shkollë dy a po tri vjeçare ,ishte po thuaj i pa shkollë.Por shume i talentuar lexonte dhe shkruante shumë rrjedhshëm.
Kur lufta NÇ e Jugosllavisë të atëhershme, Hysenin e zë diku në frontet e Tivarit dhe ne viset e Shqipërisë .Ne bisedat që ai shpjegonte thoshte: “Kemi luftuar por kurrë se kemi dite për çka po luftojmë “. Me përfundimin e luftës, na thanë tani të gjithë shqiptarët jemi bashkë , dhe me një shtet. Nga Durrësi u kthyem këmbë me një shok për të arrit në fshatin tonë Tupalle,të gëzuar që lufta u krye dhe e fituam shtetin.
Kur arritëm deri në Klinë të Kosovës ,ishim të fshehur me një mal,sepse udhëtonim natën ,ishim të armatosur. Në mëngjes e vrenjtem një shqiptar me plis të bardhë në kokë , i ruante do derra. Në fillim unë mendova që është shërbëtor shkau, me erdhi shumë inati dhe ia ktheva pushkën ta vras. Kur me vërejti shoku im ,më mori pushkën nga supet.! A je tranue a çka je duke bërë “ Ky është shqiptar katolik. Atëherë mu kujtua që thoin ka shqiptar katolik. Unë këtë nuk e dija sepse fshati ku unë kisha lindur e rritë nuk kishte as një serb e lere më katolik.

Me të kthyer në shtëpi , Hyseni prapë merrej me punime druri. Në kohën e luftës kishte pa shumë gjëra interesante, të gjitha ato u mundonte ti punonte vet. Në fillim i punoi rrota kerri (karrocës). Ishte një punim shumë i mirë dhe i suksesshëm për në atë kohë. Çdo ditë zbulonte diçka të re. Furkën për tjerrjen e leshit me sjellje të këmbës, të parën herë në atë kohë. Punonte arka druri me një dekorim të paparaparë dhe shumë tërheqës për syrin.
Për punën e tij shumë precize kuptuan edhe pushtetarët e Komunës ,ku i dhëne urdhër ti punojë vulat e komunës. Edhe ato i punon ku shumë vite shërbejnë këto vula në komunë , e ndoshta edhe sot ekzistojnë diku në arhivë. E punoi biçikletën e parë nga druri, për djalin e tije Ramën,të cilin e donte shumë ,sepse e kishte emëruar në emër të Babës Ramë ,siç thoshte Hyseni.
Hysen Salihu, duke udhëtuar në vende të ndryshme të ish Jugosllavisë dhe me një prirje që kishte nga All-llahu , shkon diku në Kumanovë tek do familjar,atje merr titullin Dervish, hynë ne sektin e tyre.
Me të kthyer në vendlindje,Hyseni fillon të shkruaj dhe të shëroi njerëz që kishin nevojë për shërim. Ishte në atë kohe si një lloj mjeku popullor,por i suksesshëm,ku i besonin populli shumë pa asnjë ngatërresë nga askush për shërimin e tij. Edhe në këtë lami mori një autoritet me emrin Baba Sheh .
Nga të gjitha këto talente që kishte një kishte me së shumti që i flinte në shpirt patriotizmin , dhe fitoren e popullit shqiptar që ja kishin premtuar pas luftës e kurrë nuk e gëzoi.
Në fshat ku jetonte i kishte afër komshi shkiet e Dërvodelit, fshatë që dikur ishte me shqiptar e që Serbia i shpërnguli nga trojet e tyre dhe vendosi shkije. Gjithnjë thonjte kur bisedonte me djalin e axhës Rexhep Salihun,të cilin e donte dhe i besonte shumë.
“O Rexhep! shkau me pas në dorë pushtet na pret brenda natës” ,edhe ky komshiu i jonë Jefta është njeri nga ta. Jefta ishte një komshi i Dërvodelit i cili i kishte uzurpuar tokat e shqiptare e tregonte veten që është shumë i mirë për shqiptar,por në zemër ishte çetnik i përbetuar.
Për idealet e tij që kishte në zemër,një ditë vere të viti 1974 në një lokal ditë hynë i mllefosur dhe në murin e lokalit ku ishte fotoja e Josp Broz Titos i drejtohet me këto fjalë : “ Shoku Tito ti je i dyti,që të pret thika në fyt ,
Rankoviqi ka qenë i pari që ka pi gjak shqiptari”

Për këto fjalë Hysenin e fusin ne burg plot 6 muaj në Leskovcë dhe Nish.
Thoshte: “Më liruan diku në orën 2 të natës”në Medvegjë u futa prapë në të njëjtin lokal me mendim ti shtijë flakën,kishte qenë mbyllë vazhdova në fshat ku mezi pritja të filloi punët që kisha lënë gjysmë.
Në të gjitha festat zgjidhjet lokale e parlamentare dhe e tëra çka organizonte ish Jugosllavia nuk kam mare pjesë. Ishte shtet i poshtër i rrenave dhe i hajduteve. Thoshte daja Hysen. Në pleqëri i erdhi kohe shumë e hidhur. Me të shpërngulur të familjes se tij në Kosovë pikërisht ne Matiqanin e Prishtinës ,detyrohet të shpërngulet edhe ai. Me një bisedë gjithnjë e përsërite thoshte:
“ Kur ja kam hekur kulmin e shtëpisë në Tupallë, mu ka dukë që e kam hekë kapakun e kokës sime “
E kam ditë që me kurrë nuk do te kthehem.

Me të shpërngulur në Matiqan, krijon një rreth të mirë ,ku të gjithë e donin dhe respektonin,ku edhe sot e kësaj dite familja e tij e mbetur kanë respekt të veçantë ne emër te Babës Hysen.
Vdes në Matiqan me 1994 pa e shijuar “Lirinë”që sot gëzon Kosova dhe pa u kthyer në vendlindjen e Tupallës.

Shkruan: Shaban Abazi- Kazakistan
Për hir të respektit të dajës Hysen të ndjerë .Kërkoj ndjesë nga farefisi që nuk e kam ceku para emrit të- të ndjerit Daja Hysen, në shenjë respekti .E kam dashur shumë dhe respektuar sepse e kisha Dajë të mirë.

Na ndiqni në Facebook

Bëhuni fans të REDAKSISË Medvegja

K. Lindore, LAJME, Shqiperia E

Sulmohet i moshuari me Plis

27/12/2017 tupalla

Sulmohet shqiptari me Plis në Medvegjë Sot rreth ores 16h aty pran Administrates komunale në Medvegje në lokalin me emer LIDO ka ndodhur nje sulm. Azem EMINI nga Tupalla i shtyrë në moshë afër te 80_ etave po qendronte ne lokal me nje te afermin e tij Haki EMINI nje aktivist i njohur për publikun e gjere qe ngreh zerin perhere pran institucioneve nderkombetare ne Beograd ,Ambasada, Komisioni i Helsinkit dhe OJQ te tjera per te drejtat e pakicave shqiptare ne Serbi .
Aty mbrenda ne lokal ka qen nje grup me serb , me te vrejtur axhen e moshuar me Plis ne kokë, kan filluar te intensifikojn bisedat ne mes grupit te tyre dhe komunikimit me telefona per tu konsultuar me shefat e vete jash lokalit. Ne ora 16h00 kan filluar sulmin, disa kan bllokuar deren e lokalit e te tjere kan nis sulmin me shishe xhami mbi Plisin qe gjindej ne koken e axhes Azem EMINI. Duhet te cekim patjeter se grupi i serbeve ishte i shoqeruar edhe nga militanti i PVD_ës Fitim SAHITI i njohur per sulme dhe veprime te uleta ndaj intelektualve dhe aktivisteve shqiptar ne Medvegje, disa muaj me pare ka rrafur profesorin e gjuhes shqipe dhe organet e Policis nuk kan vepruar…..
.
Sot Sulmi ndaj te moshuarit me Plis të bardhë eshte kryer nga pjestar te komunitetit serb .
.
Shqiptarët këtu nuk munde te shpresojm asnjehere se kemi siguri ,sepse ne te kaluaren ka pasur sulme te tilla dhe Policia e organet e drejtesis asnjehere edhe nje raste te vetem nuk e kan nxjerr para pergjegjesie. Kjo lene per te kuptuar se gjithe qka eshte e koordinuar nga shteti ne perndjekjen e shqiptareve. Plisi eshte simbol e identitet kombetar secili ka detyre qe ta mbroj. Ku eshte shteti serb me organet gjygjesor qe pretendon te jete pjese e europes se qytetruar, ku eshte europa , ku eshte Tirana e ku eshte Prishtina e ku jemi ne shqiptaret e Medvegjes qe nuk i dalim zot vendit , njerëzve dhe simboleve tona .
Ate që munde tu sygjerojm sot Kujdes mos u futni ne lokale sepse nuk ka siguri por ka sulme….. në lokalin LIDO ka pasur disa here skenar te tillë dhe pronari serb perhere ka mbyllur veshët e syt dhe nuk ka deshmuar ne momente qe eshte kerkuar nga shqiptaret. Rasti eshte shume i ndjeshem dhe per arsyje sigurie te pales se demtuar per momentin nuk munde tu japim me teper detaje.
Ju lajmerojm ne orët ditët ne vazhdim …. .
Jemi në pritje të reagimit nga partit shqiptare ketu, PVD_ja qe eshte ne bashkeqeverisje dhe PD_ja ne opozit ,deri tani nuk kan dhene ndonje sinjal deri sa jan shume mire te informuara ,si duket jan te prekupuar qe te ndihmojnë palen serbe per te siguruar votat qe te miraton e buxhetin e vitin 2018 te Henen me dt.25.12.2017

K. Lindore, LAJME, Shqiperia E

Miratohet Buxheti në KK Medvegjë

26/12/2017 tupalla

Ashtu siq ishte paralajmëruar më date 25.12.2017 ishin të ftuar Asambleistet e Kuvendit Komunal – Medvegjë të marrin pjesë në mbledhejen me rend e dite: “ miratimi i buxhetit për vitin 2018 “ asambleistet paraprakisht kishin pranuar matrialin dhe projekt-buxhetin për miratim, kjo ishte edhe mbledhja e fundit për vitin 2017 .

Shqiptaret nga 13 shtatori i vitit 2015 përfaqësohen në kete kuvend komunal me 8 delegat.

Partia për veprim Demokratik _PVD_ja me 2 delegat dhe jan pjese e pushtetit ne bashkëqeverisje
Partia Unioni Demokratik Shqiptar_UDSH_ja me 1 delegat
Partia tjeter shqiptare ne opozitë është Partia Demokratike_ PD_ja perfaqesohet me 5 delegat.
Buxheti për vitin 2018 u aprovua sot edhe me ndihmën e 2 votave të PVD_ës !!!

Të kthehemi pak në historikun e bashkëqeverisje së shqiptareve në kete komune ,ata deri tani perhere i ka perfaqesuar po e njejta parti PVD.

PD_ja nuk ka qen asnjehere pjese e pushtetit por vitin e kaluar e votuan buxhetin për vitin 2017 ndërsa sot kan ngrit zerin për sulmin ndaj të moshuarit me Plisë dhe kan lëshuar mbledhjen .

Delegati i UDSH_es po ashtu e ngriti gjeshtjen e sulmit në kuvend dhe e leshoj mbledhjen.

Deri tani nuk eshte realizuar edhe një projekt i vetem për vendebanimet shqiptare , perkundrazi pjesa serbe kan perfituar edhe nga donacionet e destinuara nga nderkombetaret qe ishin të parapara për pakicen shqiptare.

! Eshtë një garë e vertet në mes përfaqesuesve tan !

Kjo dukuri lene per te kuptuar se shqiptaret nuk jan aspak të koordinuar në mes veti , sepse eshte gare e partive politike , e cila po ndjehet me e afert me pushtetin (pushtuesin) dhe po mban karriken e bajrakin por jo edhe pergjegjesin si deri tani .

Deri sot ka pas disa apele qe mos te shkoj vota shqiptare per at shtet e pushtet qe te diskriminon, urren,sulmon dhe perndjek ditë e natë.

Me sulmin e fundit ndaj te moshuarit qe mbante Plisë të bardhë ishte edhe nje arsyje me teper qe te ngrihet zeri dhe bojkotohet i gjithe bashkepunimi me KK dhe pushtetin ne pergjithesi deri ne zbardhjen e rastit . Vazhdojm të zhgenjehemi e të humbim shpresat !

nuk-bashkohen-trojet-pa-u-bashku-shqiptaret-4gdq-ki1ekm

Na ndiqni në Facebook

Bëhuni fans të REDAKSISË Medvegja

K. Lindore, LAJME, Shqiperia E

SULMI NDAJ NJË TË MOSHURI ME PLISË TË BARDHË

26/12/2017 tupalla

Sulmi ndaj një të moshuri me plisë të bardhë është sulm ndaj shqiptarëve në Medvegjë!?
Me këtë rast duke kërkuar që sulmi që ndodhi dje, i bër ndaj të moshuarit Azem Eminit nga fshati Tupallë vetëm pse ishte me plisë të badhë të ndriçohet deri në fundë.
Përfaqësuesit shqiptarë do të duhej të ngrin aktivitetin e tyre në KK të Medvegjë deri sa të ndriçohet rasti deri në fundë.
Përfaqësuesit shqiptarë do të duhej në KK të Medvegjë, të adresojn rastin në Parlament dhe Qeverisë të Serbisë, ambsada të akrediturnga e gjitha bota duke kërkuar një komision të pavaru nga jashtë për këtë rast dhe raste të tjera që kan ndodhur më herët.
Tirana zyrtare do të duhej t’ju dërgoj një notë proteste Beogradit për këtë dhe raste të tjera të diskriminimit në Medvegjë, Bujanoc dhe Preshevë.
Prishtina zyrtare do të duhej të kërkoj ndrçimin e këtij dhe rasteve të tjera.
Rasti i rëndë i sulmit që ndodhi sot në Medvegjë është një shkelje drastike ndaj prezencës së elementit shqiptarë në Medvegjë, Bujanoc dhe Preshevë prandaj do të duhej çështjen shtruar edhe në instanca të BE-e dhe OKB-së sepse Serbia është duke e shtuar diskriminimin ndaj kësaj krahine shqiptare.

Shkruan: MR.sc Refik HASANI
24.12.2015

Na ndiqni në Facebook

Bëhuni fans të REDAKSISË Medvegja

Histori, K. Lindore, LAJME, Shqiperia E

PUSHTIMI SERB i vitit 1867

23/12/2017 tupalla

Lugina e Preshevës, përpara se të pushtohej nga Mbretria e Serbisë, ishte territor i pushtuar si gjithë territori i Gadishullit Ilirik( Ballkanik), nga Perandoria Osmane. Me lindjen e shteteve ballkanike, në këtë rast edhe me lindjen e shtetit të Serbisë, i’u kanos rreziku Trojeve Shqiptare. Njejtë ndodhi edhe me Luginën e Preshevës.
Mbretria e Serbisë, nga pasvitet 1867, filloi të rrezikonte trojet Shqiptare të Sanxhakut të Nishit, e më gjerë.

Mbretria serbe, lidhi marrëveshje me Mbretrinë Greke, më 26 korrik 1867, i njohur si Traktati i Vëslaut, kundër Perandorisë Osmane të luftonin, derisa Trojet tona mbaheshin të okupuara nga kjo perandori. Kjo marrëveshje parashihte edhe cënimin e integritetit të Trojeve Shqiptare, ku Serbia kërkonte të merrte të ashtuquajturën “Serbi e vjetër” ( ku e përfshinin edhe tërë territorin e Luginës së Preshevës, por edhe Kosovën dhe Iliridën-Maqedoninë). Në shkurt 1868, nënshkruan edhe Konventën Ushtarake.
Mbretria Serbe, më 13 dhjetor 1877 dhe 5 shkurt 1878, të mbështetura nga Rusia, si udhëheqëse Pansllavike, e që nga 3 marsi 1878 i’u bashku edhe Mali i zi, derisa Rusia në Transkaukaz si dhe në Ballkan luftonte kundër Perandorisë Osmane, njihet si fillimi i Rrezikut për Preshevën, Bujanovcin dhe Medvegjën. Forcat serbe, morën territoret Shqipëtare të Sanxhakut të Nishit, e deri në Vranjë.
Edhe pse Austro-Hungaria me Rusinë kishte bë një marrëveshje të fshehtë, për ndarjen e zonave të influencës në Ballkan, më 8 korrik 1876, ( Marrëveshja e Reichstadt). Këtu trajtohej për herë të parë çështja Shiqptare, Rusia tërësisht mohonte qenësinë Shqiptare, derisa Austro-Hungaria plotësisht kundërshtonte këtë. Kjo marrëveshje është plotësu edhe me Marrëveshjen sekrete të Budapeshtit, e që po ashtu ishte plotësu më pas edhe me një marrëveshje tjetër
shtesë të 18 mars 1877, ku theksohej që Austro-Hungaria do duhej të qëndronte neutrale në luftën Ruso-Turke, kurse shpërblim do mund ta merrte Bosnjën dhe Hercegovinën, ndërsa Sanxhaku i Novi Pazarit do të rregullohej me një marrëveshje të veçantë. Në këtë rast Austro-Hungaria, garantonte që s’do cënonte Serbinë, Rumaninë, Bullgarinë dhe Malin e Zi, të cilat Rusia i kishte si satelitë të saj. Si kusht shihej që nëse do prishej plotësisht Perandoria Osmane, do bëheshin të pavarura Bullgaria, Rumania dhe Shqipëria. Kjo luftë mbaroi me gjunjëzimin e Perandorisë Otomane, e që u nënshkru Traktati i Shën Stefanit më 3 mars 1878, ku nga Rusia u kriju Bullgaria e Madhe.
Traktati i Shën Stefanit, i jepte Serbisë edhe territore Shqiptare si Sanxhakun e Nishit, e deri në Vushtrri- Mitrovicë, ku përfshihej edhe Medvegja, sipas nenit 3.
Derisa Bullgaria sipas këtij Traktati, do merrte Preshevën dhe Bujanovcin, siç thuhet në nenin 6 të këtij traktati.

Fuqitë e mëdha Europiane, ishin të pezmatuara nga ky zgjerim influence e Rusisë në Ballkan, nga kjo thirrën Kongresin e Berlinit që do dal edhe Traktati i Berlinit.
Konferenca Ndërkombëtare e Londrës, e marsit 1877, fare nuk e shqyrtoi çështjen Shqipëtare si komb i veçantë! Por që vetëm e rregullonte Bullgarinë, e cila përfshinte edhe territoret Shqipëtare(Kaçanikun, Tetovën, Gostivarit, Kërçovës, Dibrës deri në Drin).
Bashkimi i Shqiptarve, në qëllimin për arritjen e objektivave politike, doli në shesh vetëm pas formimit të Komitetit të Janinës, maj 1877. Ku e udhëhoqi Abdyl Frashëri, biseduan me Greqinë, që të krijonin aleancë- në krijimin e shtetit të përbashkët Shqiptaro-grek, e cila nuk u arritë shkaku i qëllimeve ekspansioniste greke. Nga ky rast lindi Objektivi Kombtar Shqiptar për Çlirim të Kombit Shqipëtar- e që jo pak u kundërshtu dhe luftu( veçmas nga turkofilët)!
Më 18 dhjetor 1877, në Stamboll, u kriju Komiteti i Stambollit( Komiteti Qendror për Mbrojtjen e të Drejtave të Kombësisë Shqiptare), ku kërkesa kryesore ishte një shtet Shqipëtarë nën vasalitetin e Sulltanit. Shtetet kombtare të Ballkanit, tashmë ishin formu, si Greqia, Serbia, Mali i Zi etj ( këto dy të fundit do u njihej ndërkombtarisht Pavarsia me Kongresin e Berlinit).
Derisa më 13 qershor 1878, në Berlin do mbahej Kongresi i Berlinit, 3 ditë përpara në Prizren u formu Lidhja e Prizrenit, në të cilin u miratu dy akte vendimtare: Kanuni- Kararnameja (Akti i Vendimeve) dhe Talimati( Urdhëresa), më 17 qershor 1878.
Neni 1 i Kaunit, theksonte se qëllimi i Lidhjes së Prizrenit ishte mbrojtja e tërësisë tokësore të Perandorisë Osmane. Në nenin 2 thuhej që Lidhja e Prizrenit do e luftonte çdokë që do përpiqej ta dobësonte autoritetin e qeverisë osmane! Mirëpo në nenin 6, theksohej që Lidhja e Prizrenit kundërshtonte vetëm lëshimin e tokave Shqiptare. Nga 13 qershor deri më 13 korrik 1878, u zhvillu Kongresi i Berlinit, ku merrnin pjesë Fuqitë e Mëdha: Britania e Madhe, Rusia, Franca, Austro-Hungaria, Italia, Gjermania dhe Perandoria Osmane, dhe 4 shtetet ballkanike Greqia, Serbia, Romania dhe Mali i zi, derisa Shqipëtarët nuk përfaqësoheshim, edhe pse dërguan me dhjetra peticione. As Bullgaria nuk përfaqësohej edhe pse Rusia kërkonte që të merrte pjesë! Kongresi i Berlinit nuk mori parasysh aspak të drejtat e popujve, por trajtoi-pajtoi vetëm interesat e Fuqive të Mëdha, ku Gjermania e mbështeste Austro-Hungarinë, Britania, Austro-Hungaria tentonin ta minimizonin influencën ruse në Ballkan, ndërsa Franca dëshironte vetëm izolimin e Gjermanisë, kurse Italia dëshironte zvogëlimin e influencës së Austro-Hungarisë në Ballkan.

Traktati i Berlinit në aspektin juridik, mbetet bazamenti i vetëm mbi të cilën Serbia okuptoi dhe deri më sot administron kolonin, pra Medvegjën dhe pjesët etnike Shqiptare të Sanxhakut të Nishit e deri në Vranjë. Sipas këtij Traktati, në nenin 1, Bullgaria mbetej nën vazalitetin e Sulltanit, por me qeveritarë të krishtere dhe milici kombëtare. Nenin 2, definonte territori i Bullgarisë, i cili u zvogëlu, krahasuar me territorin që kishte nga Shën Stefani-e që nuk e përfshinte Luginën e Preshevës dhe as territore të tjera Shqipëtare! Neni 26, i njihte Pavarësinë Malit të zi.Neni 35 rregullonte të drejtat fetare dhe politike nën Serbi, ndërsa në nenin 36 kufizohej territori i shtetit serbë, i cili ishte zgjeru disafish, që përfshinte brenda saj edhe malet e Kopaonikut, lumin Ibër dhe Sitnica deri edhe Medvegjën. Derisa Bujanovci dhe Presheva ende mbetën nën okupimin Osman, e që kufiri me Serbi ishte matan Bujanovcit tek Mali Shën Ilia! Ndërsa në nenin 39, trajtohej çështja e pronësisë së muslimanve në territoret e okupuara nga Serbia, e që në asnjë rast nuk trajtohej aspak çështja, territori, prona, kërkesat politike etj të Shqiptarve!
Sanxhaku i Nishit, Vranjës, Leskocit, etj i ishin dhënë Bullgarisë, derisa në Kongresin e Berlinit, këto i’u falën Mbretrisë së Serbisë.
Nga ky çast i Historisë, rrodhi tragjedia për komunën e Medvegjës, e cila deri më sot mbetet e robëruar nga Serbia, e që bashkëvuajtëse me të ishin edhe Sanxhaku i Nishit, Piroti, Leskoci, Kurshumlia, Prokulpa, Jabllanica, Vranja, Vllasina, etj, prej të cilave u zhdukën Shqiptarët!
Me këto akte gjenocidi, krime lufte, spastrimi etnik, masakrat, njihen si institucione juridike, që do lindin më pas, e që e tërë bota do i përdorë në komunikime dhe çështje juridike.

nga Leon Tupalla

Na ndiqni në Facebook

Bëhuni fans të REDAKSISË Medvegja

BALLINA Start, K. Lindore, LAJME, Shqiperia E

Ftesë për Shqiptarët në Medvegjë

19/12/2017 tupalla

Ftesë për Shqiptarët në Medvegjë

Shqiptarët në Medvegjë meritojnë më tepër tani është
koha, është momenti i fundit .

Këto ditë duhet të aprovohet buxheti i komunës për vitin 2018 e pikerisht me buxhetin eshte bere perhere mashtrimi ,perqarja dhe diskriminimi me i madh per ne shqiptaret.
Pala serbe e kan shtetin dhe forcen te veprojn si ne kohen e Millosheviqit sepse po te njejtit perfaqesues te tyre bejn politiken akoma ne Medvegje por ajo qe ndryshon me te kaluaren, atyre sot ju nevoitet patjeter vota e ndonje shqiptari servil apo te korruptuar .Ata duan te duken mire para bashkesis nderkombetare si dhe per avancim te shpejtuar ne integrimet europiane .
Serbët nuk kan preference per ndonje parti te caktuar shqiptare por per voten e tyre duke i vurë ne gare partit shqiptare mes veti, se cila po i sherben me mire dhe me lirë.

I Ftojm të gjithë Asambleistet
‘’mos votoni buxhetin per vitin 2018 ‘’
thuani njehere jo pales Serbe.

Vite me redhe e votuat buxhetin por mos harroni se edhe asnje projekt i vetem nuk u realizua nga ajo qe u premtua per shqiptaret , investimet shkuan atje ku kan shkuar perhere tek kopshtet, dritat, fasadat e infrastruktura e pales tjeter,deri sa familje shqiptare jetojn me varferi ekstreme pa rryme, pa rruge pa te drejte qe te gezojn te drejtat e veta dhe pa shpresë ?

Pyetje ?
Buxhetit të kujt po i sheben vota e juaj !

Në te vetmin raste ndoshta ish dashte te votohet ai buxhet eshte atehere kur shqiptaret jan te unifikuar dhe japin voten e bashkuar ,atehere jemi te sigurt se mbrojn interesat e te gjithe bashkevendasve të vete e jo ato personale apo te atyre qe na diskriminojn dhe nuk duan prezencen tone ne Medvegje ne token tone.
Shqiptaret ne Medvegjë kane nevoje per nje unifikim e ndoshta edhe per nje klase te re politike.
Eshte koha qe te gjithe ata qe i kane perçare shqiptaret te largohen apo te heshtin.
Eshtë Koha që politikanët tradhtarë të largohen!

Shqiptaret nuk kane nevoje per premtime boshe, as per fjale ne ere, as per diskutime par dyqaneve, por per punesim, te drejta, investime, mundesi e mbit ë gjitha per te vazhduar jeten ne vendlindjen e vet.
Eshte e pafalshme qe shqiptaret ne Medvegje apo vend tjeter te ndihen minoritet ne tokat e tyre, eshte e pafalshme qe ata te kene zgjidhje vetem mergimin, eshte e pafalshme qe shqiptaret te detyrohen te pranojne kushtet nga te ardhurit e te vuhen ne sherbim te vetediskriminimit. Ndersa banoret e aktivistet e paket qe kan ngelur kalojn ne pasivitet dhe defetizëm duke u izoluar.
Shtetet shqiptare kan bere shume pak per shqiptaret ne Medvegje ,Bujanoc apo Preshevë, kan bere shume pak per mbeshtetjen e tyre, ka bere shume pak e per tu treguar se nuk jane vetem.

Fryma europiane nis nga mbrojtja e bashkekombasve te vete kudo ata ndodhen si nje detyrim kushtetues e mbi te gjitha njerezor. E kete ne nuk e kan bere Tirana e Prishtina.

Nuk mundet më që shqiptaret autoktone ne Medvegje, Bujanoc e Presheve te jetojne sikur te jene te ardhur, e po keshtu edhe ne vendet tjera .

Mjafton te shikosh qytetet shqiptare dhe ato ku shumice jane tashme Serbet sesi ndryshojne. E shembulli me konkret eshte Leskovci, Lebana tani edhe Medvegja. Investime kolosale ne njerin krah, e erresire totale pa mbeshtetje ne vendebanimet shqiptare.

Mungesa e projekteve, e deshires per tu dhene ate qe meritojne , interesat partiake e politike kane bere qe shqiptaret te ndihen te vetem.
Eshte e vertete që Tirana e Prishtina i kan lene te vetem.

Eshte e pafalshme qe edhe sot ne shekullin e XXI te jete me e veshtire te jesh shqiptar ne Medvegjë se gjithcka tjeter. Eshte e pafalshme.

E pra shqiptaret meritojne te ndihen zoter te fatit te tyre , e jo te pashprese e te perhumbur. Eshte momenti qe ne keto negociata per krijimin e nje shumice te re autoktone, te kerkohet me ngulm nje perqasje e re, nje mendesi e re, nje force e re, nje mundesi e vertete qe vendimet ti marr shumica shqiptare ne interes te bashkekombasve te vet e jo te interesave partiake .

Shumica e re duhet ndertuar ne kushtet e barazise, ku shqiptaret te kene vendin e tyre sic u takon, jo si qytetare te dores se dyte, por si popullesi qe ka te drejtat e saj , te drejta qe s’mundet me tjua shesin e blejne politikanet me interesat e tyre per pushtet.

Shqiptaret kane nevoje per me shume, per nje politike per ta e jo per xhepat e disave.

Largohuni e hapini rruge te rinjeve sepse mes shqiptareve ne Medvegje ka njerez te ndershem, te shkolluar , me mendesi europiane e zemer te madhe qe e duan vendin e tyre ! Hapini rruge frymes se re te ketyre njerezve te rinj. Eshte koha e tyre .

E shteti shqiptar duhet te mbeshtese kete fryme , duhet me cdo kusht sepse shqiptaret ne Medvegje kane nevoje per oksigjenin e munguar .
Qeverit tona se pari duhet te dakordohen se kush do te perkujdeset per Shqipatret e Medvegjes dhe perfaqesuesit e saj, duhet te marrin nen kontroll delegatet (asamblesitet ) e Medvegjes ata kan nevoj mbeshtetje ne keshilla me specialist te lamive te ndryshme dhe tu japin direktiva te qarta se kur guxojn ta ngrehin gishtin per te votuar perndryshe duhet ti ndeshkoj, ndersa ne zgjedhjet e ardheshme patjeter te formohet nje Liste Shqiptare qe punon per interesa kombetare dhe te jap llogari kryeminishtrit shqiptar (ashtu siq po e bejne lista serbe ne kosove qe nje kohe te mire kalon ne Beograd duke u konsultuar atje)

shkruan: Leon Tupalla

Memet PETROVCI - Isuf RASHITI - Deshmoreve të Lugines

Na ndiqni në Facebook

Bëhuni fans të REDAKSISË Medvegja

www.tupalla.com

Kush do të zëvendësoj

Jonuz MUSLIU

Medvegje_Ndihmon familjet në vendlindje

Poezia e vitit 2017

FIGURË QË NUK HARROHET nga Tupalla

Sulmohet i moshuari me Plis

Miratohet Buxheti në KK Medvegjë

SULMI NDAJ NJË TË MOSHURI ME PLISË TË BARDHË

PUSHTIMI SERB i vitit 1867

Ftesë për Shqiptarët në Medvegjë

Presheva,Bujanoci,Medvegja