MEDITA Development me hapa konkret per ekonomin e lugines
Aleanca Kosovare e Bizneseve dhe Dhoma Kombëtare e Tregtisë, në kuadër të “Javëve të Biznesit Kombëtar”, po promovojnë trojet shqiptare si potenciale atraktiv për investime të huaja .
Në këtë drejtim është organizuar për herë të parë Forumi Zhvillimor Ekonomik Lokal për Medvegjë, Bujanoc dhe Preshevë, me qëllim të zhvillimit të kësaj ane, ku në bashkëpunim me kompaninë General nga Zvicra janë sjellë investitorë italianë që do të investojnë rreth 10 milionë euro në këtë anë e cila nga qytetarët thuhet se ka mbetur pa mbështetjet të Kosovës dhe Shqipërisë, njofton kumtesa nga AKB, organizimi i ketij forumi u zhvillua nen patronatin e MEDITA Development (eshte kompani e themeluar nga afarist të Lugines dhe te shtetetve europiane , kryesisht nga Italia)
Agim Shahini, kryetar i Aleancës Kosovare të Bizneseve dhe Dhomës Kombëtare të Tregtisë, tha se trojet shqiptare janë potencial tepër atraktiv dhe interesant për investitorët e huaj. Por sipas tij këto potenciale duhet të promovohen edhe më shumë, sepse aty ku jetojnë shqiptarët ka edhe stabilitet ekonomik e politik.
Ai kërkoi nga institucionet që duhet ngritur edhe nivelin e përgjegjësisë, sepse këtë e kanë obligim ligjor sipas kushtetutës. Është edhe obligim shtesë ndaj votuesve që qeveritarët e Kosovës dhe Shqipërisë ua kanë premtuar votuesve të vet.
Xhelal Mehmeti, ish-kryetar i Fondit Humanitar për Kosovën Lindore, tha se ky forum është bërë më qëllim të nxitjes dhe zhvillimit më të fuqishëm ekonomik të kësaj ane. Të gjithë duhet të punojnë për nxitjen e zhvillimit ekonomik lokal të shpejt dhe të qëndrueshëm të Medvegjës, Bujanocit e Preshevës.
“Me një zhvillim ekonomik të mirëfilltë, do të mundësohet që edhe qytetarët e shpërngrulur të kësaj ane të kthehen e punojnë e jetojnë në vendlindjet e e tyre”, tha Mehmeti.
Luigji Nardone, investitor Italian, tha se kanë ardhur këtu për të shikuar potencialet që ofrojnë këto anë në mënyrë që të investojnë në lëmi të caktuara dhe të punësojnë qytetarët e kësaj ane. Si mundësi të mirë investimi përmendi riciklimin e mbeturinave, prodhimin e peletit, ujit, qumështit, çokollatave, mbjelljen e kultivimin e rrushit dhe prodhimin e verërave, energjisë së ripërtëritshme e tjera.
Ai premtoi se një pjesë të investimeve do t’ia dedikojnë edhe Fondit Humanitar për Kosovën Lindore, për ndërtimin e shtëpive.
Brushi Raul, investor italian, tha, janë pesë projekte që do të sjellin përfitime të mëdha edhe për popullatën e kësaj ane dhe të cilat pritet të implementohen në vazhdim, në fushën e bujqësisë, gastronomisë, energjisë e tjera.
Riza Halimi, deputet ngë Kuvendine Serbisë, vlerësoi lartë interesimin e investitorëve të huaj në këto treva, nga të cilat pritet të ketë zhvillim të qëndrueshëm eknomik dhe punësim të qytetarëve. Sipas tij Qeveria e Kosovës dhe ajo e Shqipërisë, duhet që ta mbështesin Luginën në zhvillimin e saj.
Shaip Kamberi, deputet në Kuvendin e Serbisë, tha se secili qytetar duhet të mbështes fuqishëm iniciativat e tilla për zhvillimin e Medvegjës, Bujanocit e Preshevës, e cila anë është e diskriminuar nga shteti serb. Jo vetëm Shqipëria, por edhe Kosova duhet që të japin mbështetje edhe më të madhe, sea kanë dhënë deri tash.
Forumi i radhes do te organizohet ne Banjë të Siarines ( Medvegjë ) në parnverë të këtij viti dhe do të marr përmasa regjionale .
Na Ndiqni në FACEBOOK
Bëhuni fans të Faqes Medvegja REDAKSIA