Faza e përkohshme, e dhimbshme por e domosdoshme, e shpalljës së pavarësisë së kushtëzuar të Kosovës bazuar në paketën e Ahtisarit, si fazë e përkohshme në shërbim të synimit përfundimtar, jetësimit të Shqipërisë së Bashkuar ka përfunduar, këtë nuk e thash une si ideator i Lëvizjës për Shqipëri të Bashkuar, por e tha dje populli shqiptar në Prishtinë. Tash, më nuk ka rëndësi data e mbajtjës së zgjedhjeve në Kosovë, por rëndësi ka data e mbajtjës së referendumit për t’iu bashkuar trungut Shqipërisë. Politika shqiptare në Tiranë dhe Prishtinë duhet ta kuptoj këtë, përndryshe sovrani; populli do të detyrohet që për të realizuar idenë e Shqipërisë së Bashkuar, në pushtet të sjell misionarët e jetësimit të Shqipërisë së Bashkuar që mendojnë dhe veprojnë kombëtarisht, dhe në fund vetëm politikanët aktual do të jenë humbës, sepse procesin e pashmangshëm të bashkimit të shqiptarëve nuk ka politikan apo forcë që e ndal.
Kufijtë që ndajnë sot shqiptarët ngelin kufij kolonialë. Tashme, këta kufijë kolonialë populli shqiptar nuk i pranon, ashtu sikurse kurrë nuk e pranoj ndarjën e dhunshme të trojeve shqiptare. Shqiptarët evropianë të vitit 2016 nuk kërkojnë asgjë më shumë, veqse atë që u takon, bashkimin e trojeve shqiptare në një shtet të vetëm kombëtar, bazuar në aktin juridik të 28 Nëntorit 1912 të Kuvendit Gjithëkombëtar të Vlorës.
Bashkimi i Kosovës me Shqipërinë, do të mbyllte përgjithmonë aspiratat dhe pretendimet e Serbisë, të ripushtonte Kosovën. Këtë rrëzik e dëshmon edhe Kushtetuta e Serbisë ende në fuqi, ku thuhet se “Kosova është pjesë e pandashme e Serbisë”. Pra, përderisa në Kushtetutën e Serbisë, është sanksionuar një nenë i tillë, Republika e Kosovës vazhdimisht rrezikohet nga Serbia kolonialiste dhe hegjemoniste. Pra, për të mos i lënë asgjë rastit, krerët drejtues të Republikës së Shqipërisë dhe të Republikës së Kosovës në bashkërendim me aleatin tonë strategjik Shtetet e Bashkuara të Amerikës, të mundësojnë ndryshimet e nevojshme kushtetuese të Kosovës, që ti qel rrugë realizimit të referendumit demokratik për bashkimin e Kosovës me Shqipërinë.
nga Tahir VELIU
* Autori është ideator i Lëvizjës për Shqipëri të Bashkuar
në vazhdim Poezi nga Makfire Maqedonqi-CANOLLI
NA BASHKON NJË SHQIPËRI
Sikur ne në diasporë
ashtu ju atje n’Kosovë,
të dy palëve na takon
për Atdheun të punojmë.
Sikur ju në Shqipëri
ashtu ne n’gurbet të zi,
borxhi njësoj na takon
Atdheun ta lartësojmë.
Ngado jemi e kudo vemi
borxhin pas do ta kemi,
jo më kotë thuhet një fjalë
nënës hakut s’mundemi me i dalë.
Sado nëna të jetë e lodhur
qoftë e verbër apo sakate,
ajo duhet se është nënë
haku i saj mundet me t’zënë!
Të punojmë për Kombin tonë
Shqipërinë ta lartësojmë,
se askund në këtë botë
si ajo jo nuk ka dotë!
Me krenari i themi botës
jemi bijt e shqiponjës,
qe nga jugu gjerë në veri
na bashkon një Shqipëri!
©Maki M Canolli
Na Ndiqni në FACEBOOK
Bëhuni fans të Faqes Medvegja REDAKSIA
