PËRSE DUHET INSISTUAR QË AUTOSTRADA KOSOVË SERBI TË KALOI NGA KOSOVA LINDORE E JO DREJT PROKUPIT E NISHIT

Ndërtimi i autostradës e cila do të kaloi në Merdar favorizon zhvillimin ekonomik të Kurshumlisë dhe Prokupit derisa komunës së Besianës (Podujevës) më shumë i sjell dem se sa dobi. Ata që e njohin konfiguracionin topografik dhe demografik të kësaj ane e kuptojnë që po të kaloi kjo rrugë nga drejtimi Merdare do të humben mijëra hektar të tokës së plleshme të Llapit, do të shqetësoi shumë shtëpi e madje edhe fshatra të tëra duke ditur dendësinë e objekteve të banimit në këtë regjion.

Për banorët llapjanë qarkullimi nga Vranidolli aty ku sot është ndalur autostrada nuk paraqet asnjë problem ngase distanca deri te fshatrat më të skajshme të kësaj ane nuk kalon 30km. Rruga e sotme po të bëhet me dy vija qarkullimi (korsi) do ta përballojë lehtësisht kapacitetin e ngarkesës kur dihet se nga dita kur autostrada do të kalonte në drejtim të Medvegjës, frekuenca tranzitore e mjeteve që sot qarkullojnë në drejtim të Serbisë do të ndalej.
Të gjithë parametrat ekonomik janë në favor të variantit Medvegjë – luginë e Preshevës:
Çmimi kushtues i ndërtimit do të jetë më i ulët edhe pse në dukje të parë varianti i kalimit nëpër malësinë e Gallakut (kongiguracioni kodrinoro-malor) duket me më shumë investime, toka e cila do të merret nga pronarët është më pak e kushtueshme.
Shtrirja hapsirore e vendbanimeve në Llap ëdhtë tani më mjaft e dendur dhe kalimi i autostradës andej-pari përveq që do të gllabërojë mijëra hektarë toke bujqësore do të nxisë edhe çvendosjen e banorëve nga fshatrat kodrinore drejt pjesës tani më dendësisht të banuar në rrafshinën e lumit Llap dhe për pasojë do të ketë çpopullzimin e brezit kufitar me Serbinë nga ajo anë.
Nga aspekti politiko-strategjik edhe njëher të gjitha argumentet qëndrojnë nga varianti lindor (Medvegjë) i kësaj autostrade:
Do të ri-banohej gjithë ajo pjesë e braktisur e fshatrave të Gollakut rreth kufirit me Serbinë, do të kthehej pjesa dërmuese e banorëve shqipëtarë nga komuna e Medvegjës dhe malësia e Bujanocës e Preshevës të cilët sot nuk kanë kurrfar infrastrukture rrugore e kjo ishte edhe njëra nga arsyet e
braktisjes së vendlindjes së tyre. Nga aspekti psikologjik banorët e Kosovës Lindore do të ndiheshin më të sigurt të qëndrojnë në këtë pjesë të administruar nga shteti serb sepse gravitimi – lëvizja e një pjese të mirë të udhëtarëve dhe mallërave nga rrafshi i Kosovës do të bëhej nëpër këtë rrugë. Kontaktet ekonomike e administrative do të bëhen më të shpeshta e më të lehta.
Dhe argumenti më i rëndësishëm qe kjo autostradë të ndërtohet në drejtimin Medvegjë-Bujanocë është se popullata shqipëtare e Kosovës Lindore do të lidhej drejtëpërsëdrejti me shtetin e tanishëm të Kosovës duke shkurtuar distancën kohore dhe barrierat politiko-gjeografike që sot e kanë bërë gati të pamundur lëvizjan e shqipëtarëve drejt Kosovës dhe anasjelltas.
Faktori shqipëtar i Kosovës Lindore duhet vërë në lëvizje të gjithë potencialin e vet intelektual e institucional që të shtojë presionin tek organet kompetente në Kosovë e përmes tyre edhe tek faktori ndërkombëtarë që të insistohet me çdo kusht që kjo rrugë të ndërtohet andej kah kostoja ekonomike është më e vogël, andej kah mundëson ringjalljen e një treve të vdekur ekonomikisht e të persekutuar politikisht, andej kah thërret ndërgjegjja kombëtare e patriotike në mënyrë që Kosova Lindore të mos e përjetojë fatin e Toplicës, Nishit, Vrajës, Leskocit…

shkruan Ali Hajdini

Na Ndiqni në FACEBOOK

Bëhuni fans të Faqes Medvegja REDAKSIA