Festo shqip
Bukë, Kripë e Zemër
STOP produkteve serbe në Sofrën Shqiptare
Largoni vrasësit tanë nga tryezat tona. Të festojmë pa Serbinë këtë herë. Të festojmë për Familjen & Shtetin tonë. Kaq pak mund të bëjmë për të nisur një vit mbarë
Para se te bleni pordukte per konsum ! ndalu dhe mendo !
• Nga vin ato ?
• Kush i prodhon ?
• Si transportohen dhe sa qëndrojn të deponuara në magazina deri sa arrin tek ne ?
• A jan te garantuara se prodhohen me standarde apo jan enkas per ne shqiptaret ?
• Kush përfiton nga ato ?
• Jeni te lirë të vendosni ku bleni por nuk keni te drejt te fajsoni të tjerët !
Secili nga ne që blen dhe konsumon podukte Serbe !
• Merr pergjegjesin për shendetin e familjarve të vet !
• Rrezikon trashigemin e familjes dhe kombit tonë !
• Harron të kaluaren
• Dëshmorët ,Viktimat e luftes , përdhunimet, të zhdukurit, vrasjet, torturat..
• Trojet e pushtuara me zbrazjen e 720 fshatrave nga Sanxhaku i Nishit & Toplica
• Preshevën, Bujanocin e Medvegjen që ushtrohet dhunë Fizike e psiqike për 24 orë rresht nga pushteti i Beogradit.
• Veriun e Kosovës që po i kanoset Republikës
• Rreziokon të ardhemen tonë
Largoni vrasësit tanë nga tryezat tona. Të festojmë pa Serbinë këtë herë. Të festojmë për Familjen & Shtetin tonë. Kaq pak mund të bëjmë për të nisur një vit mbarë
Festo shqip
Bukë, Kripë e Zemër
STOP produkteve serbe në Sofrën Shqiptare
Pas dorehesjes se kryetarit një etnik në komunën multietnike ne Medvegjë, do të kemi prap zgjedhje lokale,të parakoheshme!
Kjo po arsyetohet me faktin se në pranverë ka zgjedhje parlamentare dhe kështu Komuna do te evitonte shpenzimet e një viti me vonë, duke i organizuar ato tani së bashku me ato parlamentare.
Ndër tjera në shtypin e centralizuar në Serbi po lexojm se si këtu e tutje duhen përfshire edhe shqiptaret në pushtetin lokal, për faktin se si pasoje e mos perfshirjes së shqiptareve ne Medvegjë, nuk u perfshin as serbet në Bujanoc dhe Preshevë!.
Disi po promovohet një relaksim i heshtur…
Inkurajim i ketyre qendrimeve edhe pse asimmetrike,verehen edhe nga kryetari i PVD-s në PMB, i cili po apelon për një unitet të faktorit Shqiptare në Medvegjë!
Paraardhesi i kryetarit aktual te PVD-s, arriti deri në pension duke bërë koncesione në kurriz të Medvegjasëve, sot pasardhesi i tij po synon pensionim në Parlamentin e Serbisë, duke legalizuar konçesionet e akorduara nga paraardhesi i tij!
Uniteti i shqiptareve në Medvegjë simbas kreut të PVD-s do të ishte,të gjithe pas PVD-s dhe keshtu do ta e kthehet erresira e plotë mbi Medvegjë, ashtu siq ishte deri me 2019.
3096 votues u fshinë nga listat zgjedhore në mes 2015-2019 ndersa gjithashtu Jan mbi 6000 të pasivizuar vetem ne Medvegje.
Pa llogaritur dy dekada ndalimin e regjistrimit të posalindurve jashta Medvegjës të cilët nuk i lejojn të regjistrohen aty.
Imagjinoni numrin real të shqiptarëve në Medvegjë !
Jo, kjo nuk është temë, perkundrazi kreu i ketij subjekti shprehet se në Medvegjë jan pasivizuar Vetëm 2700 ( dhe kjo i duket pak), por asnjëhere nuk tregon se numri 2700 është, vetem në mes 2017-2019, dhe ate në kater fshatra shqiptare. Ndersa nuk përmend asnjëhere se egzistojnë gjithesejt 12 vendbanime me Shqiptar në Medvegjë dhe se pasivizimi ka filluar që nga 2011.
Sot pasivizimi, si krim i përkryer, është shtruar edhe në tryezat më relevante nderkombtare, prandaj një politike amortizuese është e domosdosheme për Beogradin dhe këtë mund ta bëjë , vetem me skuadren fituese PVD-ës.
Po, me PVD-ën shqiptarët nuk u regjistruar asnjëhere si refugjat kur u deportuan dhunshëm kryesi sht nga Medvegja;
Me PVD- n , u mbyll kufiri në Mitivodë me 13 shtator 2015 dhe shqiptaret u privuan nga vota e tyre;
Me PVD u hesht pasivizimi;
Kur PVD-ja humbi Medvegjën, shqiptaret u përjashtuan nga pushteti lokal;
Sot PVD-ja kërkon të kaloi mbi pasivizimin dhe të kthehet në pushtet lokal në Medvegjë, sigurisht jo për shqiptarët e Medvegjës por për varrosjen e tyre përfundimtare !
Sot gjithëçka duhet të kushtëzohet nga çdo lider politik dhe kudo me kthimin e adresave të shqiptarëve në Medvegjë p.sh duke filluar me bojkotim :
Parlamentin serb nga deputetet shqiptar
Trupin koordinues dhe të gjitha institucionet tjera serbe …..
Sot, ishte në vizitë objektit të Ambulancës së Zarbicës Refik Pajaziti nga Ramabuça me banim në Bujanoc e Bujar Maliqi, nga Zarbica me banim në Bujanoc dy donatorët, ku vizituan punimet në meremetim të Ambulancës,në Zarbicë. Ështa fjala për ambulancën që ka punuar e banuar humanisti e veprimtari Ilaz SELIMI.
Shumë shpejtë ky objektë do të përfundohet dhe do të lëshohet në përdorim, ku do të mbulohet nga stafi mjekësor i Ambulancës së Muhocit dhe nga Bujanoci. Dy donatorët, sot nga afër vizituan punishten në këtë projekt që me vetëkontribut vullnetar kan filluar dhe do të rrumbullaksohet. Në vizitën e bërë ishte edhe veprimtari e opinionisti nga Zarbica që jeton në Gjilan Refik Hasani.
Pas fillimit të organizmit të takimeve të vendlindjes, vendosjes së Pllakës Përkujtimore, asfaltimit të rrugës Muhoc-Zarbicë, tani po meremetohet edhe Ambulanca që ka funksionuar që nga vitet e 1960-ta deri në dëbimin, shpërnguljen dhe zhvendosjen që filloi masovisht në qershor të vitit 1999. Kjo ambulancë nuk ka funksionuar që nga viti 1999 dhe ishte filluar edhe të shkatrrohet-rrënohet. Zarbica e Bujanocit po Rindet. Me këtë organizim mbesim me shpres edhe Shkolla-Mejtepi do të riparohet dhe një sërë projekte, e që nëse edhe Kuvendi Komunal i Bujanocit do të ndihmoj vërtet do të rrriten e shtohe numri i qytetarëve që do jetojn në këto fshatra.
Veçmas pas asfaltimit të rrugës jan krijuar perspektiva të reja edhe për investime tjera, tani jan rregulli rrugët për fshatrat Suharrën, Novosellë, Ramabuq. Mbesim me shpresë se edhe më tej qytetarët e Malësisë së Bujanocit kudo që jan me banin është interesim i jashtëzakonshëm për investime. Vendlindja është e shenjët kudo që shkojm, konsiderat për angazhimin e gjithë kontribuesve që po mbajn gjallë Malësin. Zarbicë, 20 qershor 2021
Opinionisti nga Zarbica e Bujanocit që jeton në Gjilan, ka dëshmuar që i duhet legjislaturës në zgjedhjet që jan caktuar të mbahen më 14 shkurt 2021.
Magjistri i Shkencave Ekonomike,është angazhuar dhe ka kontribuar përmes shoqatës që ishin në mbrojtje të drejtave të qytetarëve për Preshevë, Bujanoc dhe Medvegjë.
Profesori, ka disa punime në publicistik, ka trajtuar shkrime për Reciprocitetin, inicimin për miratimin e një rezolute,etj.
Parlamenti i Kosovës, ka nevoj për zërin e artikuluar e të dinjitetshëm për të ngritur e shtruar çështjen e pazgjidhur të Krahinës së Preshevës që ka munguar për 20 vjetë. Profesori,identifikohet me Lëvizjen VETËVENDOSJE , dhe do të ishte nder të jetë në listën e këtij subjekti për Deputet.
Përgjegje lidhur me takimin e sotëm të Kryeministrit në detyrë, z.Avdullah Hoti,me përfaqësuesit nga Presheva e Bujanoci por mungonte përfaqësuesi nga Medvegja.
Ditë më parë edhe kandidatit i PDK-ës për kryeministër z.Enver Hoxhaj, publikoi 7 zotime të ashtuquajtuar për Luginën e Preshevës.
I kujtoj opinionit të gjërë se vetëm në fushatë zgjedhore kujtohet kjo krahinë shqiptare e mbetur padrejtësisht nënë administrimin e Serbisë, dhe këto jan premtime nuk do të ketë asgjë, pasi nuk jan zbatuar e realizur,si:
1.Rezoluta nga Kuvendi i Kosovës për Medvegjë, Bujanoc dhe Preshevë i miratuar, datë 06.06.2013,
2.Në Gjilan është hapur zyrja, datë 30.12.2014, për Medvegjë,Bujanoc dhe Preshevë,
3.Në Kuvendin Komunal-Gjilan,është miratuar vendimi mbi formimin e Komiteti përbashkëpunim ndërkufitarë,datë 27.06. 2013,
4. Qeveria në detyrë, më datën 28.09.2020, pas një takimi sikur i ditës së sotit, u zotua se do themelon Zyrën për ofrimin e asistencës për qytetarët e Luginës së Preshevës,
Të gjithë më parë ishin premtime në fushata zgjedhore e zotime, por
5.Nuk jan ndarë ndihma e premtuar lidhur me Abetaret,Materniteti në Preshevë, etj.
Qeveria e Kosovës edhe në takimet të përbashkëta me qeverin Shqiptare nuk kan dhënë asnjë efekt përveqë jan premtuar të ndahen nga 50 mijë euro e të cilat nuk dihet nëse jan ndarë.
Po ashtu,
Pa harruar që Parlamenti i Kosovë dhe Qeveria e Kosovës asnjëherë nuk jan përcaktuar sakt për Referendumin e datës 1 e 2 Mars 1992, për luftën dhe sakrificën e UÇPMB-ës, për Marrëveshjen e Konçulit, për heqjen e Lapidarit të UÇPMB-ës, për pasivizimin e adresave, diskriminimin e vazhdueshëm etj.
Dhe
Republika e Kosovës nuk kan asnjë platform e asnjë strategji për ta shtruar e ngritur në nivele e instanca të BE-ës dhe mekanizma të OKB-së.
Për dy dekada të gjitha qeverit e udhëhequra nga subjketet politike PDK-LDK-AAK, asgjë skan ndihmuar Luginën e Preshevës, përkundrazi kan krijuar konfizion në mesin e qyetarëve të kësaj krahine edhe në instanvca e nivele të jashtme.
Kryeministri në detyrë, z.Avdullah Hoti, dhe kandidati për kryeministri nga PDK-ja z.Enver Hoxhaj, ppr edhe ish-Kryeministri z.Ramush Haradinaj,me asgjë nuk e kan ndihmuar Preshevën, Bujanocin e Medvegjën.
Vetëm ish-Kryeministri i Kosovës z.Albin Kurti, ka ndarë 500 mijë euro ndihmë dedikuar për Medvegjë,Bujanoc e Preshevë jan, ku për dy dekada Shqipëria dhe Kosova bashkë nuk i kan ndarë këto mjete.E vetmja shpresë është jo vetëm për Kosvën por edhe Luginën e Preshevës.
Shkruan: Refik HASANI
*Autori, për Medvegjë, Bujanoc dhe Preshevë, por edhe punime të publikuara, për diskriminim, pasivizimin e adresave,formimi i komitetit për bashkëpunim ndërkufitarë,ka trajtuar e propozur,si: Reciprocitetin, rikonfirmimit të Referendumit datë 1 e 2 mars 1992, shqyrtimi i realizimit të Marrëveshjes së Konçulit,rexhistrimin e popullatës,inicimin që të miratohet një rezolut,ngritja e një fondi të përbashkët nga dy qeverit, formim i një Komisioni mikst nga Parlamenti Shqipëri-Kosovë, etj.
Përmes këtij shkrimi do të marrë anë, duke arsyetuar pse Lëvizjen Vetëvendosje, votuesit do të duhet të votojn, për një shumë arsye.
Do të duhej të votohet LVV-ja,sepse për 50 ditë,qeverisje të Kosovës solli një ndryshim të modelit të ri, që ishte i ndjeshëm për të mirën e Kosovës.Sepse deri më tani ka dështuar shtetit ligjor, nuka ka pavarësi të gjyqësorit,Shefi i AKI-ë e Policisë së Kosovës ndërrohen aqë shpesh. Ka ndodhur vjedhja e provave inkriminuese në Policin e Kosovës, sistemi i drejtësisë në Kosovë nuk po shënon as një përmisim,jan avulluar nga thesari 2.1 milionë vetëm vitin e kaluar. Pra, drejtësia kosovare gjatë mandatit qeverisës PDK-LDK-AAK-ës është dëshmuar e ndikuar politikisht, dhe është tepër selektive.
Vazhdimisht pa u ndalur në shifra, kishte nga skandali në skandale, e nuk ka patur rritje ekonomike të Kosovës, jan premtuar rritje e numrit të punësurave nga 100 mijë e deri në 200 mijë veta gjatë një mandati.
Të gjitha raportet flasin e tregojn për fryrje, pasi kishte ngecje si në rritje e ekonomike dhe në punësime.
Rregullisht është folur për ulje të korrupcionit e nepotizmit, që ka gërrye legjitimitetin e shtetit, përkundër që jan disa Komisione e borde, por pasqyrat dhe raporte nacianale flasin si të BE-ës dhe instanca të OKB-ës jan në rritje korrupcioni e nepotizmi.Respektimi i ligjëshmërisë dhe pavarësisë së institucioneve ka lën ende Kosovën pa liberalizim të vizave.
Qytetarët e Kosovës mjaftë jan mashtruar lidhur me caktimin e disa herë të datave për liberalizim të vizave.Pandemia është menaxhuar në mënyrëm më të dobët të mundëshme ne shtete fqinje. Ngarkesa e buxhetit me administrat e që asnjëherë nuk është reformuar përkundër rekomandimeve të Fondit Monetar Ndërkombëtar.Që nga shpallja e Pavarësisë, Kosova nuk ka shenuar në marrjen në kontroll plotësisht të veriut të Kosovës. Qeverisja PDK-LDK-AAK-ës, vazhdon të dëshmoj se shteti është i kapur, na udhëheqin njerëz që janë mbi ligjin, për këto vite ka patur afera e klanit ,,Pronto” , për shumë vite është ndrydhur vullneti i qytetarëve. Nuk është përmisuar shkelje të të drejtave dhe lirive të njeriut.
Lëvizja Vetëvendosje,me potencialin e saj strukturor,ka një kauz të drejtë e real e që tani, po vrehet edhe nga gjitha shtresat e Kosovës që ju përmbahet zotimeve që jepë në fushatë. Do të duhej të votohet LVV-ja, sepse vërtet është një lëvizje e ndërtuar nga fryma e madhe për barazi,drejtësi e zhvillim për gjithë qytetarët si frymëzim për ta mbrojtur lirinë e fituar me aq shumë, sakrifica, të shumë brezave, flijime e fatkeqësi.
Do të duhej të votohet LVV-ja, sepse do të ndikonte që shteti t’u kthehet qytetarëve dhe të jetë në shërbim të mbrojtjes së lirisë së tyre.
Duke qen Lëvizja Vetëvendosje, si qasje e re në qeverisje sikur që është bërë zvoglimin e ministrive e një sërë ndryshimeve që u pritën mirë,subjektet tjera do të ken kohë të mjaftueshme të reformohen. Do të duhej të votohet LVV-ja, se vëtëm kështu do të rriteshin edhe gjasat që subjektet që ishin në pushtet për një kohë të gjatë do të reformohet dhe kështu është më mirë për demokracin në Kosovë.
Do të duhej të votohet LVV-ja, sepse për Medvegjë,Bujanoc e Preshevë jan dhën 500 mijë euro ndihmë nga ish-Kryeministri i Kosovës Albin Kurti.Për dy dekada Shqipëria dhe Kosova bashkë nuk i kan ndarë këto mjete.Në zgjedhjet e 6 tetorit 2019 Lëvizja Vetëvendosje doli subjekti i parë, Kryeministër u zgjodh Albin Kurti, por kjo nuk zgjati më shumë se 50 ditë, dhe ndodh votimi i mos besimit në Parlament e si pasoj ishte që në këtë votim votoi edhe Deputeti Etem Arifi, që nuk kishte të drejtë dhe Gjykata Koshtetuese nxori një vendim e tani do të mbahen zgjedhjet e jashtëzakonshme të caktuar për më datën 14 shkurt .
Do të duhej të votohet LVV-ja,sepse nuk ishte asnjëherë në qeverisje të Kosovës për një mandat, nuk është treguar e korruptuar, nuk ka votuar Asociacionin e Komunave me shumicë Serbe,nuk ka votuar Gjykatën Speciale të Kosovë, nuk ka votuar demarkacioni me Malin e Zi që Gjykata Kushtetuese ka vendosur që jan 23 pika në kundërshtim të saj, ishte kundërshtuar decentralizimi i Komunave me shumicë Serbe, etj.
Do të duhej të votohet LVV-ja,sepses jan duke u stërzgjatë bisedimet Prishtinë-Beograd, nuk ka patur asnjë progres.Do të duhej të votohet LVV-ja, sepse vetëm kështu do të ndihmohen shqiptarët e Mali të Zi, është ndihmes edhe për Maqedonin e Veriut.Do të duhej të votohet LVV-ja, sespse është ndihmes për ndërtimin e raporteve të shëndosha në mesë të Kosovës dhe Shqipërisë.
Lëvizja Vetëvendosje, dhe Albin Kurti, jan nevoj, është domodoshmëri e kohës të votohen dhe mbështetën vetëm kështu ndërtohet shteti ligjor i së drejtës, dhe të mos vazhdoj dështimi në shumë segmente të jetës.
Zgjedhësit do të duhej të votojn Lëvizjen Vetëvendosje, pasi është shpresa e vetme jo vetëm për Kosovë por në gjithë hapsira tona shqiptare dhe diaspor.
Shkruan Refik HASANI *Autori është i diplomuar në Master Shkencor në Universitetin e Prishtinës, profesor i Ekonomis, ish-Këshilltar Komunal të Gjilanit, ka disa punime në publicistik.
Dr.Ramadan XHEMA 1936-2020
Në vazhdim keni disa kujtime dhe mesazhe ngushëllimi për Shqiptarin e Pamposhtur
——————————————–
Dr. Ramadan Xhema ndërroi Jetë, Kryetari i Vatrës ngushëllon të vëllanë Jim Xhema
Ka ndërruar jetë në moshën 84 vjecare Dr. Ramadan Xhema, veprimtar i Komunitetit Shqiptar në Shtetet e Bashkuara ët Amerikës.
Kryetari i Vatrës z. Elmi Berisha i përcjell ngushëllimet më të thella vëllait të të ndjerit, mikut të tij, z. Jim Xhema!
Ramadan Xhema u lind me 17 dhjetor 1936 në fshatin Tupallë të komunës së Medvegjës. Shkollën fillore e kreu në Medvegjë, më pas studio në Normalen e Gjakovës, për të kaluar më vonë në gjimnaz me qëllim që të studionte mjekësinë. Pasi punoi disa kohë mësues në Prishtinë u regjistrua në Mjekësi në Rijekë të Kroacisë.Aktivitetin kombëtar e filloi në moshë rinore. Kur ishte student në vitin e dytë të Mjeksisë u burgos nga organet policore. Arrinë që t’u ikë policëve në Leskoc, por sërish policia e arrestoi dhe gjykohet si “aktivist i Shqipërisë së Madhe”.
Në vitin 1980, së bashku me të motrën emigrojnë në SHBA, ku kishin vëllanë Jim Xhemën. Që nga ajo kohë ai ka qenë një ndër veprimtarët e cështjes shqiptare. Ishte i anëtarësuar në Federatën Panshqiptare të Amerikës”VATRA”.
Jeta e dr. Ramadan Xhemës është e përshkruar në librin e tij jetësor që ai vetë e shkroi!
Pushoftë në Paqe shiprti i Ramdan Xhemës! Kryetari i Vatrës Elmi BERISHA
——————————————–
Lamtumirë baca Ramadan
Ramadan XHEMA, nga Topalla e Medvegjës, veprimtari I shquarë që një jetë ia kushtoi çështjes son shqiptare, sot iku nga kjo botë.
Të nderuar miqë,shokë,familjar e bashkëveprimtar gjithëandej jashtë e mbrenda hapsirës son.
Pranoni ngushllimet më të sinqerta, me theks të veçant Vëllaut z.Xhim XHEMA,e mbarë Kombit Shqiptarë me rastin e vdekjes veprimtarit për çështje shqiptare Ramadan XHEMA.
Ngushëllime edhe njëherë gjithë familjes së madhe XHEMA, të gjithë ndiejm dhembje për vdekjen e bacit Ramadan e njëkohësisht do të mburremi me punën,vullnetin e guximin prej intelektuali me veprat që kontriboi dhe u angazhua një jetë të tërë për Kombin ton.
Gjithmon do të të kujtohet e do të nderohet vepra dhe përkushtimi, jam krenar që jetova në epokën eTij e që njëkohësisht u njofta nga afër në disa takime shumë vllazërore.
Lavdi jetës dhe veprës së Ramadan XHEMËS
Me konsiderat Nga Publicisti _Vendasi Refik HASANI
——————————————–
Tërë jetën në shërbim të popullit,gjuhës,kombit e atdheut.
I përjetshëm kujtimi për Ramadan Xhemën-Vranocin! Baca Ramadan ishte e mbetet një nga personalitetet më eminente të popullit shqiptar përgjatë shekullit XX.
Ai ishte:
veprimtar,atdhetar ,humanist e vizonar, por edhe pragmatik.Kontributi I tij që nga rinija e deri në pleqëri duke ju perkushtuar çështjës sonë kombëtare me vendosmëri e sinqeritet do të vlersohet me pietet.Angazhimi i tij që në vitet e tetëdhjeta në Amerikë (ShBA) me të vëllaun e vet Xhemë Xhema i njohur si « xhimi”. Ka qenë aktiv e stoik në qëndrimet e veta.Kudo ,ne çdo rast e mundësi i ka mbrojtë vlerat tona hapur e transparent duke mos u gjunjëzuar në asnjë rast .Vlen të cekët se Bacën Ramë e kanë xhelozuar dhe shpeshë herë është keqkuptuar dhe është cilësuar si i dyshimt ngase ishte i hapur,ishte dinjtoz dhe kategorik me politikën antikombëtare të shovinistve dhe titisve. Frikacakët e kameleonet e politikës titiste shpeshë herë bënin politiken e djallit duke e vënë në dyshim sinqeritetin , qiltërsinë e guximin e taravolit Ramadan Xhema .Andaj për çdo respekt deri në perkulje ndaj guximit e qendresës biblike të madhit Ramadan Xhema. Nga atëdhetari prof.Ajet DULI
——————————————–
Dr. Ramadan Xhema ishte i veçantë si njeri dhe veprimtar tepër i guximshëm. Kam pas nderin dhe privilegjin ta njohë kur punoja si mësimdhënës i historisë në Qendrën Shkollore në Obliq se punonte apo vinte ndonjëherë në atë qytezë. Kur fliste ndonjëherë pak si të madhe kundër atyre që na bënin zullum, do « trima » largoheshin prej tij dhe thonin « lere se ky nuk është në vete ». Por ai ishte mjek dhe humanist e mbi të gjitha atdhetar i pashoq. Këto që i shkruan i nderuari Sabri Maxhuni mi ka treguar kur ishim bashkë në Suedi dhe e kompletojnë tablonë e figurës së tij.
Ngushëllime familjarëve dhe të gjithë atyre që e kanë pas mik e bashkëveprimtar!
Nga Dr.Muhamet SHATRI
——————————————–
SHQIPTARI I PAMPOSHTUR
Bir i një familje shqiptare, të dëbuar nga Toplica në Tupallë të Medvegjës dhe nga Tupalla në Prishtinë e Amerikë. Student dhe mësues që kundërshtoi dëbimin e shqiptarëve në Turqi. Doktor që luftoi për shërimin e mjekësisë nga zaptimi shovinist rankoviçist. I burgosur politik – një jetë të tërë, në lëvizje të pandalur dhe gjithmonë me rininë dhe më Lëvizjen kombëtare, çlirimtare dhe progresiste. Shqiptaro – amerikani që mbi gjithçka kishte çështjen shqiptare, dinjitetin dhe interesin e popullit dhe kombit të vet. Lobist midis lobistëve, tok më vëllain, Xhemën dhe me shumë miq e shokë me mision ndërkombëtarizimin dhe afirmimin e çështjes shqiptare dhe luftës së imponuar shumëshekullore çlirimtare shqiptare. Bir kombi shqiptar dhe mik mirënjohës i Amerikës mirëpritëse, demokratike e Wilsionane, të cilit i shkonte aq bukur ajo thirrja largpamëse e Fan Nolit: “mbahu Nëno mos kij frikë se ke djemtë në Amerikë…” Mik i Amerikës mike, gjithmonë më Shqipërinë Nënë dhe me moton: “I dashur Atdhe, të dua ashtu si je…” Shqiptar i pamposhtur, që shkriu gjithçka që kishte për Kosovën e martirizuar, i kthyer nga Amerika e begatë dhe deri në frymën e fundit në përpjekje për paravajtje dhe mbarëvajtje të Kosovës dhe çështjes shqiptare, me përkushtimin rilindës në gojë:
“Mëmëdhe quhet Toka,
Ku më ka rënë koka…
Ku rroj me gas e me shpresë,
Ku kam dëshirë të vdes”
I tillë do të mbahet mend do të kujtohet dhe respektohet brez pas brezi, emri dhe vepra e pavdekshme e Doktor Ramadan Xhemës. I bëftë dritë Kosovës, kombit dhe veçmas pjesës verilindore të hapësirës shqiptare, Medvegjës, Preshevës e Bujanocit, plagës së tij të pashëruar.
Nga ish i burgosuri Politikë Hydajet HYSENI
——————————————–
Dr Ramadan Xhema u nda nga jeta ashtu si erdhi: i çiltër, i qashtër, një shqiptar i njërës nga krahinat shqiptare nga më specifikat, që u përballë me invazionin sllav për pothuajse dy shekuj me radhë.
Të parët e tij ishin nga Vranoci, në afërsi të Lebanës. Pak vite pas njohjes së Serbisë si shtet i pavarur (1878), ata u zhvendosën në katundin Topallë, Medokë (Medvegjë si do ta riemrojnë administata serbe).
Së fundmi, derisa punoa në Zyrën e Kryeministrit në cilsinë e Zyrtarit të lartë për çështje politike (2004-2006), pata rastin ta njoh nga afër. I gëzohej shumë prosperimit tim në rrafshin akademik; mbi të gjitha publikimeve të mia jashtë në revista shkencore. Ndërkaq, kur biseda rridhte për krahinën tonë, të parëve tanë (Ramabaja është afër Topallës), ai merrte jetë, gjallërohej edhe më shumë, i qeshte jo vetëm buza, po edhe zemra e shpirti.
Në një moment, tek kisha hasur në emrin shqip të qytetit të vjetër, tok me Kështjellën, që autori francez Ami BOUE, ne librin e tij te shumëcituar « Turqia evropiane », kur flet për kufijte e Shqiperisë, respektivisht për shtrirjen e shqiptarëve në krahun e skajshëm verilindor, shenon emrin e krahinës së MEDOKAS (natyrisht ne latinisht), që d.t.th të MEDOKËS, që ka kohë i është mbivendosur trajta sllave MEDVEGJË, ia bëra të ditur, reagimi i Tij ishte shumë mbresëlënës. U ngrit në këmbë, e më përqafoi shumë gjatë e ngrohtësisht. E mora si mirënjohjen e atit tim, të brezave të tërë të të paërve tanë.
Dr Ramadan Xhema gjatë gjithë jetës së tij jetoi vertikalisht, ngjante si LIS MEDOKE – i papërkulur; nuk kishte si të ishte ndryshe, derisa përballoi aq shumë furtuna.
Ai, një jetë të tërë e shkriu për idealin e madhë – bërjen e Shqipërisë…
Të tillë, atdhetar të përjetshëm e të përhershëm, do ta ruaj në kujtesë!
Të qoftë i lehtë dheu i Shqipërisë Nënë, që e deshe aq shumë!
Lavdi e përjetshme! Nga prof. Sadri Ramabaja
——————————————–
KRYESIA E KLUBIT TË VENDLINDJES “TROJET”
Bislim Musliu
TELEGRAM NGUSHËLLIMI FAMILJES XHEMA
Me dhembje dhe pikëllim të thellë morëm lajmin e hidhur për vdekjen e
veprimtarit të shquar të çështjes kombëtare shqiptare, Dr. Ramadan Xhema.
Dr. Ramadan Xhema ishte veprimtar i angazhuar dhe tribun i palodhshëm për
mbrojtjen e interesave të përgjithshme të nëpërkëmbura shqiptare nga regjimet
antishqiptare serbosllave. Së bashku me të vëllanë e tij, Xhim Xhemën, por edhe
me z. Joseph DioGuardin, senatorin Robert Dole dhe shumë senatorë e
kongresistë të tjerë nuk kursyen mundin, pasurinë, as jetën për të ndihmuar
Kosovën dhe për të sensibilizuar opinionin botëror, veçmas atë amerikan, për
çështjen e pazgjidhur shqiptare nën okupimin e egër serb.
Kryesia e Klubit “Trojet” i shpreh ngushëllimet më të thella familjes Xhema, duke
uruar që shëmbëlltyra e tij të na shërbejë si udhërrëfyes në punën dhe
përkushtimin tonë për ruajtjen e Kosovës së lirë, për të cilën Dr. Ramadani luftoi
një jetë të tërë dhe e deshi aq shumë.
Prehu i qetë në tokën e lirë të Kosovës sonë të shtrenjtë, Dr. Ramadan Xhema! I
përjetshëm qoftë kujtimi për Ty dhe për sakrificat jetësore për lirinë e saj!
Prishtinë, më 8 Dhjetor 2020 KRYETARI I KRYESISË ,
Nga Bislim Musliu
——————————————–
Ramadan Xhemen e kam patur mik dhe bashkeveprimtar te ngushte qysh ne vitin 1981. Perkrahes i madh i klubit « Jusuf Gervalla » dhe radioprogramit « Zeri i Malesise ». Te dyja keto i dhane perkrahje te pakontestueshme Xhim Xhemes ne lobimin i tij ne Washinton per ceshtjes e Kosoves. Paste drite shpirti i atdhetarit Ramadan Xhema i cili tere jeten e vet ia kushtoj ceshtes kombetare. I paharruar qofte emri i tij. Me kete rast i shpreh ngushllimet e mija me te sinqerta vllaut te Ramadanit Jim Xhema dhe mikut tim Mehdi Hajdarit. Paste paqen e amshur. Gjeto Sinishtaj
——————————————–
i nderuar patriot Xhim Xhema, ngushellimet e mia me te sinqerta per humbjen e vellait tuaj Ramadan, i cili ishte nje patriot i madh. Kam bashkepunuar me te ndjerin per nje kohe te gjate per ceshtjen kombetare. Diaspora humbi nje shqiptar dhe atdhetar te madh. Veprimtari I dëshmuar nga Amerika Ekrem Bardha
——————————————–
Ngushëllime familjes edhe kombit, zoti e shpërbleft me xhenet,rahmet i past shpirti, i ndjeri ishte patriot me plotkuptimin e fjales. Lavdi jetes edhe veprave te tije. Shkaku i njerzive si i ndjeri Ramadan Xhema, Shqipëria do rroje pa u shuar kurrë. Amaneti Dr. Ramadanit ishtë Bashkimi i atëdheut edhe neve do vazhdojm me punë drejt ati synimi te natyrshem. I përjetshem qoft kujtimi. Mersel Ismaili
——————————————–
Doktorit i bëftë shpirti dritë.
E njoha në N.Y., shumë herë biseduam e kontribuam bashkarisht, këmbyem literaturë sepse na kushte edhe profesioni, por pika kulminante e veprimit ishte kontributi ndaj atdheut.
Paqja qoftë mbi të gjithë. Dashamir Marku
——————————————–
Te nderuar miq,
Sot mbylli sytë pergjithemone Dr.Ramadan Xhema, atdhetar e aktivisti i palodhshem i çeshtjes kombetare dhe lobues i madh i çeshtjes shqiptare ne shba , vllau i Lobuesit ma te madh te çeshtjes Shqiptare ne washington D.C . Xhim Jim Xhema .
Ne emer te Rrjetit Global te Bizneseve te Diaspores Shqiptare, i shprehim ngushellime ma te thella familjes Xhema dhe Vllaut te tij Xhim Xhema .
Dr. Ramadan Xhema, lindi më 17 dhjetor të vitit 1936 në Tupallë, komuna e Medvegjës.
Familja e tij gjegjësisht babai Abaz Jusuf Vranoci ishte shpërngulur nga fshati Vranoc i Lebanës në Tupallë. Shkollën fillore në gjuhën serbe e kreu në Medvegjë Ndërsa regjistroi gjimnazin në Prishtinë në vitin 1951. Pas pak kohe u transferua në Normalen e Gjakovës. Nga Normalja kaloi në gjimnaz me qëllim të regjistrimit në fakultetin e mjekësisë.Pasi punoi si mësues në Prishtinë regjistroi mjekësinë në Rijekë të Kroacisë. Aktivitetin kombetar e filloi qysh i ri. Si student i vitit të dytë burgoset nga organet e policisë. I lidhur në pranga të policisë gjate rrugës për në Leskoc kërcen nga treni dhe kështu u ik policisë. Pas fshehjes së gjatë prap bjen në duart e policisë dhe burgoset në Sllavonski Brod. Mirepo fatmiresisht pas gjykimit në Leskoc lirohet si i pafajshëm. Akuza kunder tij ishte « Aktivist i Shqipërise se Madhe ».
Në vitin 1980 së bashku me motren e tij arrijnë në SHBA , e atje e kishte vëllanë Xhim Jim xhema dhe axhën Hajdar dr. kirurg. Pas arritjes në SHBA vazhdon aktivitetin kombëtar se bashku me te vellane Xhim Xhema, i cili eshte nje biznismen i suksesshem ne Amerike. Se bashku i kane kontribuar ceshtjes shqiptare dhe vazhdojne te kontribojne. Kane pasur ndikim te madh ne formimin e historise se Kosoves. Profesionin e tij si mjek nuk e ushtroi asnjehere, meqenese pasioni i tij ishte kontribimi per popullin e tij. Jo shume kohe me pare Ramadan Xhema ka botuar edhe nje liber ku shkruan per gjithe aktivitetin e tij atdhedashes te ushtruar gjate gjithe jetes se tij, te shoqeruara me disa fotografi ku paraqiten takimet e tij me presidentet e shume shteteve dhe njerez te tjere te rendesishem, duke biseduar per zgjidhjen e ceshtjes se Kosoves.
Ai nuk ka qene i martuar ndonjehere por e gjithe jeta e tij ka qene Kosova dhe te gjithe shqiptaret jane familja e tij.
U prehshë ne paqe miku im i dashtun ! Naim DEDUSHAJ
——————————————–
Lidhja Shqiptare në Botë i shpreh ngushëllime të sinçerta Familjes Xhema, miqëve, dashamirëve, të gjithë shqiptarëve anëekënd botës dhe veçanërisht shqiptarëve të Amerikës që humbën njërin nga veprimtarët më aktiv të çështjes kombëtare që patën, Dr. Ramadan Xhema! U prehtë në paqe! Lidhja Shqiptare në Botë
——————————————–
U nda nga ne njeriu i madh i botës shqiptare, Dr. Ramadan Xhema.
Ai, një jetë të tërë e shkriu me idealet e bërjes së Shqipërisë… Edhe në moshën e shtyer, nuk pushoi së punuari për ato ideale!
Në dhembjen e madhe që po ndjejmë sot, në lamtumirën e fundit që po ia bëjmë, po e kthej memorien të rikujtoj pasionin që ndjente baca Dan në vizitat e shpeshta ne ushtrinë e tij, që aq shumë e deshi. Kur ishte në radhët tona, në mesin e ushtarëve ndihej shumë krenar! Sa shumë e mbulonin emocionet, e sa shumë e pushtonte zemra. Shpesh, nga mallëngjimi, dinin edhe ta tradhëtonin lotët e gëzimit…Përherë më tingëllojnë fjalët e tij:
« Eu, trima! Ju e sollët lirinë, por mos harroni se sa shumë punë kemi për ta bërë Shqipërinë! »
E këtë po e dëshmon koha!
Edhe pse ishte e vështirë, ti nuk pushove së punuari deri në frymën e fundit!
Të lumtë baca Dan për gjithë atë çfarë bëre për Atdhe!
Të qoftë i lehtë dheu i Shqipërisë Nënë, që e deshe aq shumë!
Lavdi e përjetshme!
Ushtar i dëshmuar Shemsi SYLA
——————————————–
Një jetë e tërë në shërbim të së drejtës, lirisë dhe të kombit.
Mundi dhe djersa e Bacit Ramadan u bëftë realitet dhe dritë për brezat e sotëm dhe atyre qe do te vijne pas nesh.
Ngushllime familjes dhe gjithë popullit Shqiptarë.
Lavdi ! Ahmet Osmani
——————————————–
Ngushllime te sinqerta per Dr.Ramadanin, atdhetar i pasionuar dhe perkushtuar te gjithe familjareve, Jim Xhemes, poashtu nder atedhetaret e dhe sponsoret e perkrahesit me te medhenje te Lobit Qytetar Shqiptaro-Amerikan ie Albanian-American Civic League AACL, nen udheheqjen politiko-kongresiste te kongresmenit Joe Diogardi-t…! Si dhe miqeve dhe dashamireve te tyre…! Me burreri dhe krenari, u prehte ne paqe…! Gazmend Pula
——————————————–
Sot ka ndërruar jetë Dr.Ramadan Xhema nga Tupalla e Medvegjës, i cili jetoi e veproi në Shtetet e Bashkuara të Amerikës, ai ishte dhe mbetet një ndër atdhetarët, aktivistët e patriotët më të mëdhenj të çështjes dhe kauzës kombëtare në përgjithësi, dhe për çështjen e Kosovës në veçanti.
Veprat e tij do të kujtohen ndër vite nga gjeneratat e ardhshme.
Ngushëllime familjarëve, të afërmëve dhe miqëve, dritë pastë shpirti i tij.
« Nuk mposhtet Shqiptari » Nga Halit Hajrullahu
——————————————–
Ne kohet e veshtira ishte Burr Burrash kam pas fatin ta njoh kur isha femij dhe qe nga ajo mosh e kam dashur nji mjek Atdhetar me parime te shendosh Kambtare na pask lan nji Burr i madh ne shoket e tij dota ndijm mungesen e Dr Ramadan Xhemes
Ngushllime zoti e shperbleft me xhenet e ju familjes shokve kolegve e miqve zotu ua dhasht durimin Nga Ahmet Grajqevci
——————————————–
Në emër timin personal dhe tër kryesis së Ballit Kombëtar Demokrat për Ferizaj shprehim ngushllimet më të sinqerta Familijes Xhema per më të dashurin e tyrë.
Ngushllime i shprehim edhe bashkëveprimtarëve dhe të gjithë atyre që patën rastin ta njofin te ndjerin dhe vet familjen Xhema.
Keto figura kombëtare me vuejtjet e sakrificat e tyne, ndertuen kështjellën pamposhtun. Kështjella me emrin e pavdekshëm liri Pushoftë në parajsë, Zoti u lehtësoft dhembjen! Nga Bekim Baftiu
——————————————–
Shoqatës Medvegja në Zvicër
Ka ndërruar jetë Dr.Ramadan Xhema nga Tupalla e Medvegjës Dardane !
Në emër të Shoqatës Medvegja në Zvicër dhe në emërin tonë personal e të Familjes, Ju shprehim Ngushllimet e sinçerta Familjes së ngusht në krye me Vëllaun z.Xhim Xhema (heroin e heshtur, lobuesin, kontribuesin dhe aktivistin kryesorë të proçeseve të Shqiptarëve në Gadishullin Ilirikë) Farefisit, Miqësis të gjërë dhe mbarë Kombit Shqiptarë, për ndërtimin e jetës të Atdhetarit e Patriotit të pa shoq Dr.Ramadan Xhema nga Tupalla e Dardanis .
Sot Dardania Veri-Lindore u nda fizikisht edhe nga një përkrahës e shtyllë kryesore e proçeseve të Shqiptarëve në Botë, por kujtimi dhe vepra e ti hyjnore do të kujtohen e nderohen sa të ken jetë edhe vetë kjo Botë.
Kam pas nderin ta takoi disa herë dhe të bashkbisedojmë për gjithëqka, tema kryesore ishte përherë Vendlindja e Atdheu të cilin e dashti aq shumë, sa tërë jeten ia kushtoi ati. Të freskëta i kam mbresat nga një takimm në mars 2014 në Prishtinë, me çrast në emër të Kryesis ia dhurova Monografin « 30 vite në Shërbim të Kombit » të Shoqatës Medvegjës në Zvicër, të cilën e pranoi me knaqësi dhe shprehi konsiderata të larta për kontributin dhe aktivitetin e Shoqatës për të mirën e Kombit Shqiptarë, me fjalët: Bacit Gjaku nuk është ujë, jemi familje dhe dihet se edhe Ju e ndiqni rrugën tanë !
Kontributi i dy vëllezërve Xhema në Amerikë është e do të mbetet Hyjnore për gjdo Shqiptarë në Botë, pa të cilët dihet që Kosova sot nuk do të ishte Shtet i Pavarur, por as Shqiëria në Nato dhe Shqiptarë nuk do e kishim kët pozitë në Gadishullin tonë Ilirikë, andaj Vepra e tyre do të mbetet e gravuar në Pjedestalë e do të valon përherë në Atllarin e Lirisë në Iliri !
Shpirti i yt i bardhë bëft dritë në Parajsë 🙏
Të pikëlluar por Krenarë me jetën e veprën e Dr.Ramadan Xhema, në emër të SHHMZ, Nga Kryetari i shoqatës Zenullah Namani
——————————————–
NJERIU QË MA SHPËTOJ JETËN.
Me 20 dhjetorë 1979 Dr. Ramadan Xhema, në spitalin e Prishtinës, i kishte ndëgjuar dy udbash duke i thënë njëri tjetrit: Po shkojmë me ra ma heret se, nestër në ora 5 kemi me burgos Sabri Novosellën.
Posa e kryen punën në spital vjen në dyqanin tim dhe më njofton.
Ika, me ndihmën e shokut të idealit Mark Mërturi, kalove në Shqipëri dhe shpëtova pa u burgos.
Për çka i kam qenë mirënjohës tërë jetën Dr. RAMADAN XHEMËS që ma shpëtoj jetën.
Lajmi për vdekjen e Tijë tmerrësisht më tronditi dhe këtë mërzi vështirë e kam me përballuar!
Edhe një gjë duhet ta dijmë:
Për angazhimin e Dioguardit në qështjen kombtare shqiptare, meritë ka edhe Dr. Ramadan Xhema. Nga Veprimtari Sabri MAXHUNI NOVOSELLA
——————————————–
Ngushëllime familjes dhe farefisit, Shqiptarve të Medvegjës kudo që janë, në vendlindje dhe në diasporë, si dhe mbarë Shqiptarisë, për ikjen nga kjo botë të veprimtarit dhe patriotit të madh, Dr. Ramadan Xhemës.
Zoti e shpërbleftë shpirtin fisnik e bujar të të ndjerit Dr. Ramadan Xhemës me dritë të përjetëshme .!
I lehtë i qoftë dheu i Republikës së Kosovës, si pjesë dinjitoze e gjeografisë kombëtare të Shqiptarisë, për të cilën patrioti i madh Dr. Ramadan Xhema nuk kurseu asgjë në jetë!
I ndjer Doktor me Plis te bardhe patriotizmi ju shkëlqente ne balle!
Doktor keni qenë dhe do mbeteni udhërrëfyesi edhe i gjeneratave që vin duke dëshmuar me përkushtimin tuaj se për liri e atdhe një jetë e tëra është pak .
Të kujton Tupalla e Medvegja që e braktisët në ditët më të vështira ku po përballohet me genocidin e kohës moderne të vetmuar e të pushtuar si asnjehere më parë po nga të njejtit armiq ata që ju larguan nga vendlindaja e juaj që në moshë të re , sot për ne dhimbja është e dyfisht dhe e përhershme , Doktor të ju premtojm se do ta ringjallim Dardanin nuk është e lehtë pa përkrahjen e kososves dhe trojeve tjera që ju dhuraut një jetë për Kosovën shtet e të pamvarur ashtu si Akademik Idriz AJETI , Heroi i popullit Zenel HAJDINi e shume heroj të tjerë nga Medvegja.
Ju kujton Dardania e tanë Shqiptaria
Me mall STAFI i Redaksisë Tupalla & Medvegja
Në redaksi kan arritur edhe shume mesazhe të tjera që do të publikohen pas një kohe
Dr.Teuta NUNAJ
Znj. NUNAJ ju përgjigjet shumë pyetjeve që kan të bëjnë kryesisht me Kosovën Lindore – Medvegjën ku dihet që në këtë komunë jan pasiviziuar deri më tani mbi 7000 shqiptar nga shteti serb.
Intervista është realizuar më 19 Qerrshor 2020 nga ora 22:30
Mirlinda FERATI Arsimtare – Medvegjë
Femi BEHA Delegat në Kuvendin komunal dhe Arsimtar – Medvegjë
, Mirlinda dhe Femia ju përgjigjen shumë pyetjeve të moderatorit që kan të bëjnë kryesisht me Kosovën Lindore – Medvegjën ku dihet që në këtë komunë jan pasiviziuar deri tani mbi 7000 shqiptar nga shteti serb.
Intervista është realizuar më 12 Qerrshor 2020 nga ora 22:30
Zenullah NAMANI Kryetar nga Shoqata Humanitare Medvegja , me seli në Fully – Zvicërr
, Zena ju përgjigjet shumë pyetjeve që kan të bëjnë kryesisht me Kosovën Lindore – Medvegjën ku dihet që në këtë komunë jan pasiviziuar deri tani mbi 7000 shqiptar nga shteti serb.
Intervista është realizuar më 05 Qerrshor 2020 nga ora 22:30
