Intervistë e realizuar më 17. maj 2020 në Radio Projekti 21 me Gazetarin Luigj SHKODRANI
Bislim MUSLIU është Kryetar i klubit trojet me seli në Fushë Kososvë, Bislimi ju përgjigjet shumë pyetjeve që kan të bëjnë kryesisht me Kosovën Lindore – Medvegjën ku dihet që në këtë komunë jan pasiviziuar deri tani mbi 7000 shqiptar nga shteti serb.
Intervista është realizuar më 17 maj 2020 nga ora 21:00
Na ndiqni në Facebook
Bëhuni fans të REDAKSISË Medvegja
TRESHJA ARIFI,BOÇKA,CAKAJ NUK KANE TE DREJTE TA FSHINE NGA PERFAQSIMI MEDVEGJEN SHQIPTARE…!
Nje lloj si ne takimin e Tiranes,me ministrin CAKAJ edhe ketu,ne Presheve u organizua nje takim gjysmak i perfaqsuesve te shqiptarve te Kosoves Lindore.
Menjehere te bien ne sy disa gjera formale por me rendesi te veçante:
Se pari:
“Ne takim behet fjale per perfaqsues te Lugines se Presheves dhe jo per perfaqsues te Kosoves Lindore.”
Ne kete takim te organizuar nga Kryetari i Presheves,Shqiprim Arifi behet fjale se marrin pjese perfaqsues te Lugines se Presheves dhe jo perfaqsues te Kosoves Lindore.
Ky emertim qe u shkon serbeve me se miri per shtat, e ule pazarin e shqiptarve nga nje krahine e rendesishme e cila i eshte shkeputur Kosoves se sotme dhe qe quhet Kosova Lindore,ne nje lugine qe lidhet me nje qytet te vetem,me Luginen e Presheves.
Kjo eshte ne perputhje te plote me marveshjen e fshehte te pregaditur nga serbet dhe te pranuar nga Thaçi me kompani, ku vetem Presheva i kalon Kosoves ndersa Medvegja plotsisht i mbetet Serbise dhe Bujanoci kalon per 99 vjet, ne administrim nderkombetar.
Mendoni se cilit shqiptar ne bote do ti bije ndermend pas 99 vjetesh per fatin e Bujanocit i cili do te mbese i rrethuar nga jo shqiptare por nga serbe e nderkombetare.
Se dyti:
“Medvegja fshihet nga perfaqsimi pra vete shqiptaret e pranojne fshirjen.”
Duke mos ftuar ne takimin e Presheves asnje perfaqsues te Medvegjes, vete shqiptaret e pranojne fshirjen e Medvegjes nga lista e qyteteve shqiptare duke rene dakort me fshirjen kriminale te mbi 7000 banorve shqiptare, me metoden e pasivizimit qe me sukses po e perdorin serbet e presidentit VUÇIQ.
Se treti:
“Kosova Lindore ka nevoje per unifikim te faktorit shqiptar e ne fakt diplomacia shqiptare i sherben perçarjes”.
Mungesa ne tavolinen e Presheves e perfaqsuesve shqiptare te Medvegjes (te cilet Medvegja sot i ka), boterisht e njofton opinionin publik, vendor e nderkombetar se vete shqiptaret e kane braktisur Medvegjen dhe e kane pranuar ne heshtje pastrimin etnik te saj.
Se katerti:
“Takimi do te quhej serioz dhe i plotsuar nese ne tryeze do te ishte se paku, “dezhurni apo portieri i Ministrise se Jashtme te Republikes se Kosoves…!”
Mungesa ne takimin e Presheves e perfaqsuesve te Republikes se Kosoves çon uje tek mulliri i Serbise e cila vazhdon te mos e njohe Republiken e Pavarur te Kosoves.
Serbet mund te mos e njohin Kosoven por ne shqiptaret e kemi njohur dhe do ta njohim gjithmone.
Edhe nese perfaqsuesit e Kosoves per arsye te ndryshme te ndryshme mund te mos vinin,ARIFI E BOÇKA me shoke duhej ti benin te gjitha perpjekjet qe ata te ishin ne ate takim e zeri i Republikes se Kosoves te ishte percaktues.
Se pesti:
“Tryezave politike te shqiptarve ne Kosoven Lindore i mungon platforma per bashkimin e Kosoves lindore me Republiken e Kosoves…!”
Ashtu si serbet sillen me pergjegjesi te jashtezakonshme per fatet e trojeve te tyre e luftojne jo per nje qytet por per çdo fshat ku jetojne serbet ne Kosoven Lindore edhe Shqiprim Arifi me shoke te mos bejne takime vetem per KARRIGET POLITIKE por per te ardhmen e Kosoves Lindore.
Prej shume kohesh qarkullon ne opinionin nderkombetar nje mareveshje-projekt per korrigjimin e kufinjve midis Serbise e Kosoves, ne fakt nje marveshje e re per grabitjen e metejshme te vendbanimeve shqiptare ne rajon,
Sa merren me takime gjysmake politike vetem per karrige, “lideret pseudo” te Kosoves Lindore te hedhin ne treg, projektin shqiptar te demarkacionit te vendbanimeve shqiptare ne Kosoven Lindore.
Te paraqesin me detaje edhe dhjete apo dymbedhjete fshatrat shqiptare te Medvegjes dhe jo vetem Tupallen,Banjen e Siarines etj.
Te marrin shembull nga serbet qe merren me çdo minjere,me çdo katund e me çdo maje mali…!
Se gjashti:
Shqiptaret i gezohen miqesise SHQIPRIM ARIFI-GENTI CAKAJ por kjo miqesi ne rradhe te pare duhet ti sherbeje interesava te shqiptarve ne rrajon.
MOS E BRAKTISNI MEDVEGJEN,NUK KENI TE DREJTE TA BENI KETE DHE NE FUND TE FUNDIT SILLUNI SI SHQIPTARE DHE JO SI TRADHETARE…?!
DASHAMIR URUÇI-USHC-TIRANE.
20 Maj 2020.
Na ndiqni në Facebook
Bëhuni fans të REDAKSISË Medvegja
NJË SHQIPËRI
(Ukshin Hoti)
Ku je, o Ukshin Hoti?
Të kërkon Kosova moti,
të kërkon ty shqiptaria,
se pa ty s’bëhet një Shqipëria!
Ca thonë se ke vdekur,
ca të tjerë se ke tretur.
Por ti Ukë, djalë i Hotit,
ke pavdekësinë e Kastriotit.
Motër Myrvetja të thërret,
me lot në sy ajo të pret,
të thërret Prishtina e Tetova.
të kërkon e gjithë Kosova.
Vijnë zëra poshtë e lart:
Mos e kërkoni, ai s’është i gjallë,
por ne nuk duam të besojmë.
se ti je shpresa, Shqipëria jonë.
Ne nuk duam të jesh i humbur,
as nuk duam varrin tënd.
Jetë, jetë, jetë të kesh!
Ja Shqipëria po të buzëqesh.
Eja, vëlla, ti sa më parë!
Se për ty malli na ka marrë,
se pa ty dielli nuk po bën dritë,
as hëna natën nuk po shndrit.
Pjesë nga libri im:
Gjurmë nëpër flakë
Shkruar nga ©Maki M Canolli
Na ndiqni në Facebook
Bëhuni fans të REDAKSISË Medvegja
NDIHMONI SHQIPTARET E KOSOVES LINDORE…!
MEDVEGJA,BUJANOCI E PRESHEVA PO BOSHATISEN NE SYTE E KOMBETARVE DHE NDERKOMBETARVE…!
(Nje shqetsim i madh ne vemendje te qeverise shqiptare e te opinionit publik shqiptar)
Diten per diell, pa pike skrupulli e pike meshire vazhdon çrregjistrimi i shqiptarve ne Medvegje,vazhdon pa ndalur dhe po zgjerohet edhe ne Bujanoc e neser mbase preke edhe Presheven.
Gjate gjithe kesaj periudhe kur lideret shqiptare e kishin mendjen vetem tek pandemia, lideret nacionaliste serbe forcuan ne maksimum, masat e çregjistrimit e spastrimit etnik te shqiptarve ne Kosoven Lindore e nga ana tjeter shtuan kujdesin dhe ndihmat materiale e financiare per serbet, ne Kosoven Veriore.Edhe pse ne kushte jo normale,ne kushtet e nje krize botrore,humane e financiare, ata bene politiken e vendit te tyre dhe u çfaqen patriote e te sakrifices per bashkekombasit e vet.
Ne rastin e pare, shqiptaret e Kosoves Lindore largohen dita dites nga trojet e te pareve sepse ndjehen te braktisur e pa te ardhme per jeten e tyre ndersa ne rastin e dyte,serbet paguhen e mbeshteten rregullisht per te mos ikur e per te mos i braktisur shtepite e pronat e tyre…!
Nje ndryshim shume i madh midis liderve tane historike te ketyre 30 viteve dhe liderve aktuale te Serbise.
Edhe ne planin ushtarak, politika shqiptare e la vendin pa ushtri e pa armatime ndersa serbet e humben nje lufte por vazhdojne te armatosen deri ne dhembe me armatime qe aleati i saj tradicional Rusia i a ka afruar me shumice.
Kerkova te mesoj perpara shume muajsh se cila eshte skema e pasivizimit te famshem te adresave, ALIAS SKEMA E ÇREGJISTRIMIT OSE SKEMA E SPASTRIMIT ETNIK TE SHQIPTARVE,NE MEDVEGJE.
Skeme me te thjeshte, me te pacipe e me antiligjore ne bote nuk e gjen.
Mjafton qe tek dera e shtepise te vijne dy police,te trokasin ne dere dhe ne rast se aty nuk pergjigjet njeri, ata dy shefat me viç prapa mbajne nje proçesverbal, ku shenohet se familjari, ne fjale “nuk gjendet”.
Keto dy fjale mjaftojne qe sejcili shqiptar nga banor tradicional i Medvegjes ne qindra vjet te kthehet ne ASKUSHI.
Dhe qysh diten qe te kane çregjistruar,ti nuk ke me te drejta per asgje se per te votuar as qe behet fjale.
Ndryshe nga shtetet e tjera si Kroacia,Maqedonia etj shtete te Ballkanit,Republika e Shqiperise dhe Serbia thone gojet e liga, nuk kane as marveshje dy paleshe per garantimin reciprok te lirive dhe te drejtave themelore te minoriteteve rrespektive.Po qe edhe kjo e vertete vaj medet halli per qeveritaret tane e politiken tone te jashtme.
E kjo situate,natyrisht qe i intereson serbeve te cilet ne Shqiperi kane shume pak serbe ndryshe nga shqiptaret te cilet jetojne me mijra ne Kosoven Lindore e ne Sanxhakun e ndare ne dy pjese.
Pavaresisht kushteve te veshtira qe kalon Shqiperia, sot me shume probleme qe lidhen me frenimin e ekonomise dhe luften per mbrojtjen e jeteve njerzore, qeveria shqiptare duhet ta kthejne koken edhe nga bashkombasit tane qe jetojne jashte Shqiperise se mbetur e sidomos shqiptaret e Kosoves Lindore qe po i zhdukin me temel.
Kujdesi per keto njerez duhet rritur shume sepse Medvegja por edhe fshatrat e qytetet e tjera me shqiptare po jetojne gjendjen e agonise e cila se shpejti mund te preke fundin e vet.
Ata duhet te perkrahen me force, moralisht por edhe me ndihma ekonomike e financiare,direkte familje per familje, duke bere me kujdes e me mend ne koke shperndarjen e tyre.
Rasti i ndihmes financiare te qeverise Kurti, te Kosoves per tre komunat me shqiptare, ne Kosoven Lindore ishte nje shembull frymezimi e nga ana tjeter duke pare se ne duart e kujt rane keto para,rreth gjysem milioni euro, me te drejte populli thote se “u katandis kokoshi ne nje thele”.
Eshte koha qe qeveria RAMA 2,ti kushtoje nje mbledhje te veçante situates ne Kosoven Lindore,te organizoje sa me pare dergimin e ndihmave ekonomike por edhe financiare ashtu siç ben VUÇIQI per serbet ne Kosoven Veriore.
Ne te njejten kohe ti drejtoje nje thirrje zyrtare edhe bisnesit shqiptar qe te ndjeke shembullin e bisnesmenve te Kosoves te cilet shperndane ndihma per familjet shqiptare atje.
Gjithashtu Ministria e Jashtme e Republikes se Shqiperise duhet te informohet me shpejtesi per zhvillimet atje e te marri ne mbrojtje familjet ne nevoje e familjet shqiptare te rrezikuara nga spastrimi etnik duke njoftuar zyrtarisht edhe institucionet nderkombetare per keto zhvillime.
Jemi ne hapat e fundit e duhet te veprojme sepse neser turpi do te na mbuloje te gjitheve kur femijeve tane do ti themi:” NA ISHTE NJE HERE KOSOVA LINDORE…!”
shkruan
DASHAMIR URUÇI-USHC-TIRANE.
Maj 2020.
Na ndiqni në Facebook
Bëhuni fans të REDAKSISË Medvegja
Lugina e Preshevës vetëm si tërësi territoriale me kompaktësin e saj do ti bashkëngjitet Kosovës, përgjysmimi i saj nënkupton destabilizim
Në rrethanat e një gjeopolitike të re dhe gjeostrategjike për Ballkanin gjithsesi që çështja e Luginës së Preshevës duhet trajtuar si pjesë e saj gjegjësisht e etnikumit shqiptar. Në këto rrethana politike çështja e Luginës së Preshevës duhet trajtuar si tërësi territoriale me gjithë kompaktësinë e saj dhe as që duhet menduar apo lejuar që në mënyrë parciale të vendoset në tavolinën e bisedimeve. Jo rastësisht një numër i madh ish diplomatëve ndërkombëtar dhe akterëve aktiv të politikës shqiptare kanë shprehur shqetësimin se Lugina e Preshevës do të jetë pjesë e marrëveshjes përfundimtare Kosovë-Serbi, por jo si tërësi me Komunat Preshevë, Bujanoc dhe Medvegjë por atë duke e përshkuar përmes “Hekurudhës” që e përshkon një pjesë të Preshevës dhe Bujanocit.
Kjo qasje ndoshta që mund të duket edhe hipotetike por tashmë nga shumë burime të besueshme vetëm se në agjendën ndërkombëtare është diskutuar mes palëve në negociata, gjithsesi do të sillte destabilizim politik të rajonit dhe për më tepër jo që nuk do të zgjidhte problemin politik të Luginës së Preshevës por atë do të e fuste në një krizë edhe më të rrezikshme atë të një konflikti të ngrirë dhe që do të ishte vazhdimisht rivalitet mes Kosovës dhe Serbisë. Në këtë aspekt vetë pozita gjeografike e Preshevës dhe Bujanocit dhe nga përbërja e strukturës etnike e popullatës shqiptare do të pamundësonte një tërheqje të një vije të re kufitare përmes asaj që po pretendohet “Hekurudhë”. Është një fakt se Lugina e Preshevës pasurin më të madhe të saj ka pikërisht në pjesën nën hekurudhën e saj e që në fakt po pretendohet ti mbetet Serbisë gjegjësisht mbetet Autostrada E-75 që është nyja ballkanike. Po ashtu po mbeten pikërisht me dhjetëra fshatra shqiptare të pastra etnike nën pjesën e hekurudhës dhe gjithsesi e tërë komuna e Medvegjës përjashtohet nga kjo skenë. Nga ky korridor Serbisë nuk po i humbet dalja në Egje por se vetëm po e zgjeron atë edhe nga Veriu i Kosovë. Serbia së paku historikisht që nga Kongresi i Berlinit e deri më sot është munduar ti mbaj nën sferën e influencës së saj daljet në Adriatik dhe Egje.
Popullata e Luginës së Preshevës dëshminë më të mirë për bashkëngjitjen me Kosovës si tërësi kompakte e ka Referendumin e saj të mbajtur 1992.
Ata lider politik sidomos nga Kosova që e kanë mbushur vetëm tani së fundmi gojën plotë Preshevë gjithsesi duhet këshilluar se Lugina e Preshevës duhet vetëm si tërësi territorial që e ka, ti bashkohet Kosovës dhe assesi në lojëra për ndarjen e saj. Pasi që po pikërisht këta lider mbi njëzet vite gjenden në skenën politike të Kosovës dhe mund të themi asgjë nuk kanë bërë për çështje e Luginës së Preshevës bile për më tepër kanë penguar me mekanizmat e institucioneve të Kosovës çdo iniciativë apo celulë nacionaliste shqiptare që ka vepruar në Kosovë për çështje e Preshevës edhe atë vetëm për një çmim shumë të ultë atë për tu treguar para bashkësisë ndërkombëtare si të “dëgjueshmit e besnikët” e saj.
Në çështje e Luginës së Preshevës duhet gjithsesi të inkuadrohen elita intelektuale e politike e kësaj ane pasi që është në numër të konsiderueshëm e madhe dhe gjithsesi këtu duhet marr mendimin këshillues të Akademive Shkencore nga Kosova dhe Shqipëria por duke mos lënë anash sidomos Tiranën zyrtare pasi që më shumë se Kosova do të ishte kompetente të ishte pjesë e këtyre negociatave. Vetëm nga kjo përbërje mund të besohej një zgjidhje e drejt dhe e qëndrueshme për rajonin dhe çështjen e Luginës së Preshevës e cila është e pazgjidhur.
Valon Jashari: * Ma.sc. Historisë, dhe ish-Kryetar i “Lëvizjes së Lirisë”, Lëvizje që vepron në Preshevë, Bujanoc dhe Medvegjë, si dhe aktivist për të drejtat e shoqërisë shqiptare në Ballkan
Na ndiqni në Facebook
Bëhuni fans të REDAKSISË Medvegja
Shpopullimi i shqiptarëve në Serbi dhe nevoja e një force përbashkuese politike
Fati dhe e ardhmja e shqiptarëve në Serbi janë të lidhura drejtpërdrejtë me fatin dhe të ardhmen e shqiptarëve në Kosovë
Një Kosovë me institucione të forta, të pavarura, e të qëndrueshme, që respektojnë të drejtat e qytetarëve dhe që punojnë në të mirë të tyre, përbën një garanci, me qëllim që këto institucione të punojnë dhe të angazhohen për të mbrojtur të drejtat e shqiptarëve në Serbi. Paqëndrueshmëria aktuale politike në Kosovë ka larguar tërësisht vëmendjen nga shqiptarët të Serbi, pozita e të cilëve po përkeqësohet çdo ditë e më shumë. Shpopullimi i shqiptarëve në Medvegjë, Bujanoc e Preshevë po vazhdon të kryhet me ritme të shpejta, si asnjëherë më parë, duke të krijuar idenë se para marrëveshjes Kosovë – Serbi këto troje duhet të boshatisen sa më shpejt dhe sa më shumë nga shqiptarët. Nëse trevat shqiptare në Serbi do të boshatisen nga shqiptarët autoktonë atëherë këto troje ka pak gjasë që të bëhen pjesë e negociatave për ardhmërinë e mëtejshme të tyre. Dhe në këtë rast, Serbia “paqësisht” mban përfundimisht në territor të saj trevat autoktone shqiptare, të cilat i mban padrejtësisht prej më shumë se 140 vitesh.
Heshtja vrasëse e Tiranës dhe e Prishtinës, por edhe e drejtuesve politikë dhe të pushtetit lokal në komunat shqiptare në Serbi, ka bërë që shteti i Serbisë të vijojë shpopullimin e trojeve tona, në gjendje komode dhe pa u cënuar në asnjë moment.
A lidhet kjo heshtje me presionin që po ushtrohet për realizimin sa më shpejt të një marrëveshje përfundimtare mes Kosovës dhe Serbisë? A janë të përfshira tre komunat shqiptare në Serbi në negociatat mes Kosovës dhe Serbisë? A është shpopullimi nga shqiptarët i trojeve tona autoktone në Serbi, lënie e heshtur dhe e qëllimishme për të favorizuar Serbinë? A synohet shpërbërja e popullatës shqiptare në Medvegjë, Bujanoc dhe Preshevë, që të ndihmohet Serbia për të mbajtur troje shqipatare në territorin e tyre?
Të gjitha këto pyetje kanë nevojë për përgjigje. Por politikanët nga të dy anët e kufirit heshtin dhe kjo heshtje është e qëllimshme dhe njëkohësisht e dëmshme për ne shqiptarët. Nga ana tjetër, është popullata shqiptare në Serbi, e cila beson në mënyrë të vazhdueshme te politikanët, të cilët në dy dekadat e fundit nuk u kanë sjellë asnjë ndryshim pozitiv në jetët e tyre. Ka ardhur koha që popullata shqiptare të shikojë përtej dhe të kërkojë ndryshimin përmes ndërrimit të formës së përfaqësimit. Pasi kjo formë bindjeje dhe dëgjueshmërie absolute në zbatimin e planeve dhe strategjive që imponon qeveria e shtetit ku jetojmë po na dëmton. Ndaj lind e nevojshme të rikthehet vetbesimi te popullata e dëshpëruar.
Në këtë kontekst, edhe subjektet politike shqiptare kanë humbur kuptimin e ekzistencës së tyre. Ato nuk e kanë bërë pjesë të punës së tyre shtrirjen horizontale por kanë dalë para kauzës dhe individët drejtues kanë dalë para subjekteve. Kjo bën që e gjithë politika ndërshqiptare të bëhet për interest të një grushti njerëzish, ndërsa popullata mbetet gjithnjë e papërfaqësuar. Fakt që ka cënuar drejtpërdrejtë shpresën te shqiptarët, se gjendja e tyre do të përmirësohet.
Ndaj gjykoj se një unifikim i shqiptarëve të Serbisë në një forcë të vetme politike, që do t’i përfaqësojë në të tre komunat në mënyrë përpjestimore dhe me një politikë të unifikuar në mbrojtjen e shqiptarëve jo vetëm në tre komunat por e të gjithë shqiptarëve në Serbi: pasi vetëm të bashkuar mund të bëhemi faktor të suksesshëm. Edhe pse jemi në periudhë pandemie botërore, qeveria në Shqipëri nuk duhet të “harrojë” zbatimin e një detyrimi kushtetues që është mbështetja dhe ndihma për shqiptarët në troje shqiptare për të cilat kemi shumë nevojë. Të dyja qeveritë shqiptare kanë munguar gjatë dhe duhet të bëhen të gjalla për të ndikuar në zgjidhjen e problemeve tona, sa s`është vonë.
* Muharrem Salihu është themelues i AFEDS dhe Asambleist në KK Medvegjë
Na ndiqni në Facebook
Bëhuni fans të REDAKSISË Medvegja
NJOFTIM
Situata e rëndë pandemike e shkaktuar nga Covid – 19, ka rrezikuar edhe më shumë familjet me kushte të rënda sociale.
Tani kur do të duhej të fillonte sezona pranverore e punës, popullata është duke u ballafaquar me kufizimet e lëvizjes së qytetarëve për shkak të vendosjes së orës policore si masë parandaluese për përhapjen e kësaj pandemie.
Shumë familje me kushte të rënda sociale janë të rrezikuara seriozisht për gjërat elementare ushqimore. Duhet të theksohet se edhe në situatën e rregullt para pandemisë shumë familje nuk kanë pasur përkujdesje institucionale qofshin ato qendrore apo edhe lokale në Preshevë, Bujanoc dhe Medvegjë.
OVL e UÇPMB – së në bashkëpunim me Shoqatën Humanitare të Luginës së Preshevës në Zvicerr kanë organizuar aksion humanitarë simbolik për të ndihmuar gjashtëdhjet (60) familje të veteranëve tē luftë së UÇPMB – së. Këto familje do të ndihmohen me nji ndihmë simbolikke nga 50 franga zvicërrzne.
OVL e UÇPMB së publikisht falënderon bashkëatëdhetarët tanë në zvicerr për gadishmërinë për ta ndihmuar popullatën vendore në veçanti këto katrgori të luftës.së UÇPMB,së Gjithmonë jemi mirënjohës për ndihmat tuaja.
30. 03. 2020
Preshevë. Kryetar: OVL UÇPMB – së Nazmi Hajredini.
Na ndiqni në Facebook
Bëhuni fans të REDAKSISË Medvegja
Kush po mundohet te na vrase shpresen?!
Kush po don të na nxij jetën (ardhemerine)?!
Ne kete fillim te shekullit XXl, e ne kohen e zhvillimit te shkences e ngritjes se vetedijes se popujve, e ne veçanti ngritja e vetedijes se gjenerates se re, eshte e kote dhe e pamundur te manipulohet me qeveri, edhe ne gjendje te emergjences. Me maska e pa maska, jane te deshtuar ata qe nuk e kane perkrahjen e popullit. Orkestrimi i atyre qe tridhjete e njezet vite po e rrejne, po e vjedhin, e po manipulojne me ndjenjat e shpresat tona.
Epoka e gjeneratave te reja erdhi, dhe s’ka fuqi e force qe mund t’i mposhte. Albini, Vjosa dhe Mimoza ishin ata qe shkelqyen ne ate nate te renies se maskave, ishin ata qe çveshen dhe demaskuan qyqaret e se kalueres. Keta ishin stoik e te qarte ne idete e programeve te fushateve zgjedhore, dhe per asnje milimeter nuk devjuan, por i mbrojten synimet e qendrimet e atyre qe u kane dhene voten.
Eshte nje perplasje ne mes gjeneratash, asaj te Ises dhe Vjoses. Por erdhi dita kur kjo qeveri e LVV-se dhe LDK -se solli ne qeveri lojtare te rinj te dy partive, qe ishin dominant, duke filluar nga Lumiri, Besiani, Besniku, Glauku, Rozeta ,Arbeni Hykmetja e keshtu me radhe…Per pesedhjete e ca dite qeverisje i qiten ne fushe e ne shesh te palarat dhe krimet e bera me dekada. Efekti i kesaj qeverisje ishte trondites per ata te krahut te luftes dhe krahut te paqes. Kur kesaj i shtohen edhe shume manipulante, seksere te mediave e portaleve, qe kane brejtur qe tri dekada buxhetin e shtetit, kjo veç u be alarmante. Por e kane te kote manipulantet. Ne u zgjuam nga keta te rinj dhe u kthjellem. Ky popull din t’ua tregoje vendin ku e kan keta qe u bashkuan kundur qeverise se shpreses.
Gjeneratat e reja do te bashkohen tok me gjeneraten e shekullit te ri… Eshte mire qe deputetet e rinj te partive politike te jene vetvetja e tu qendrojne besnik programeve e idealeve te veta
Shkruan Prof. Ajet DULI
Na ndiqni në Facebook
Bëhuni fans të REDAKSISË Medvegja
Urime Kosvë Lindore Referendumi gjithëpopullorë 1992
Kosova dhe vet ish- kryeministri Thaçi, kanë ndikuar në demilitarizimin e UÇPMB-së, dhe u pajtuan që problemet dhe statusi i Kosovës Lindore të zgjidhet me mjete politike, ndërsa, shteti i Shqipërisë dhe Kosovës i dhanë përkrahje pushtetarëve të Preshevës,Medvegjes dhe Bujanocit që të integrohen në Beograd, për interesin e tyre që serbët e Kosovës të integrohen në institucionet e Kosovës, duke besuar ata se serbët e Kosovës nuk guxojnë të vendosin pa Beogradin.
Për derisa kjo përbuzje e pamëshirshme, neglizhencë, pa përkujdesje e skajshme, nga shteti amë dhe nga Kosova , nuk mund ta bëj fajtor aq shumë Serbinë, për shkak se na mbanë të robëruar duke e bërë tokën e Kosovës Lindore si poligon ushtarako -policor për ushtrime dhe demonstrimin e forcës, shqiptarët e këtij rajoni vazhdojnë të punojnë dhe të gjallërojnë si një lis shekullor me rrënjë të thella në tokën stërgjyshore.
Popullata e Kosovës Lindore u flijua dhe u sakrifikua për të mirën e Kosovës dhe për te mirat e Kombit, e gjithnjë duke menduar se do të bëhemi bashkë dhe do e nxjerrim edhe Kosovën Lindore nga uzurpimi shekullor. Kosova Lindore edhe pse kaloi nëpër këto katrahura, shtetet shqiptare asnjëherë nga drejtësia ndërkombëtare nuk kërkuan që të gjitha rastet e vrasjeve, plaçkitjeve, burgimeve të dalin para një gjyqi ndërkombëtar.
Këto persekutime nuk vijnë vetëm nga lufta e fundit e Kosovës, por janë edhe më të hershme dhe më të tmerrshme si ajo 1944 e 33 viktimave të vëllezërve nga Sfirca e Gerbaci nga sllavo-komunistë, të cilët u ekzekutuan në mënyrë më barbare, duke u varrosur diku tek Leskovci që sot nuk dimë për fatin e tyre. Ata u arrestuan ne natën e Kurban Bajramit u ekzekutuan pa gjyq, me pretekst se kishin luftuar komunizmin dhe vepronin për të mirë të tokave etnike shqiptare. Nga vitet 1878 e deri sot, nuk dihet qe ne shqiptaret zgjeruam shtet! po ndodhi e kundërta, na u morën brenda natës me dhunë e politikë ndërkombëtare trojet tona stërgjyshore dhe Serbia i bëri për vete duke shkruar një histori të rrejshme ,që sot shumë historian Serb pranojnë të vërtetën mbi falsifikimin e historisë, e mjerisht të pranuar ndërkombëtarisht.
A thua këto 130 vite të mundimshme,të vuajtjeve e dyndjeve nuk na çelen sytë të vetëdijesohemi dhe të marrim rrugën e Kombit. Si duket koha po ndryshuaka si edhe vet njeriu,apo ne shqiptaret nuk dimë ta shfrytëzojmë kohen që duhet t`ja ndajmë Kombit. Koha për çdo Komb është e njëjtë,kurse për ne shqiptaret si duket po ecë mbrapshtë,apo ne vet shqiptaret jemi të mbrapsht. Kështu nuk mendon populli ! Të mbrapsht po tregohet ata që qeverisin me kombin. (Qeveritaret Shqipëri-Kosovë).
Prandaj, e drejta e jonë dhe kërkesat e popullit janë , që dy shtetet amë, Shqipëria dhe Kosova, të na përkrahin institucionalisht dhe të na ndihmojnë politikisht ,nuk e them edhe finansishtë,sepse edhe këtu e kane përmbysë Kosovën duke vjedhur e shitë krejt çka pat. Këto ndihma do të përmbushnin amanetin e bijve të saj, të cilët dhanë më të shtrenjtën për Lirinë dhe Pavarësinë e Kosovës dhe Shqipërisë. Këtë përkrahje na e kanë borxh Kosova.
Kur partive politike kosovare (PDK-LDK-AAK ) mbajnë zgjedhjet komunale apo parlamentare,të gjithë i mbushin mendjen medvegjaseve me premtime se do ti përkrahin në zgjidhjen e problemit të Kosovës Lindore,dhe atë deri ne Bashkim Kombëtar. Të gjitha këto premtime mbesin vetëm fjalë premtimi. Këtë e dimë ne medvegjasit që shumë vite e përjetuam të njëjtën gjë,bile nganjëherë marrim ofendime duke na thënë: Çka po lypni ju “sërbijanët” ,kthehuni në Medvegje ! Kjo është më e rënda që mund ti thuhet një vëllai shqiptar që nuk qenka nga Kosova.
Do të ishte më mirë që mos të kishim lëshuar vendlindjen,por si të jetohet me një regjim serb ku çdo here nxjerr ligje kundër shqiptarëve të mbetur në ato troje.! Zë vendet e punës që dikur i kishim,zë objektet banimin duke i vendosur serbët në to,hekë nga shkollat Abetaren shqipe,rrah e maltreton njerëz në punktet fame keqe buzë kufirit,Sfirce,Gerbace,Stara Banje etj. Shti spiunazh në mes pakë shqiptarëve të mbetur në Medvegjë, duke i përkrah disa parti të krijuara pas lufte në Komunë. Sot kur në Medvegjë veprojnë disa parti gjysme të vdekura, të shterura e të orientuara jo në rrugën e Kombit,nuk gjejmë përkrahje nga qeveritarët kosovar,bile morale ,apo t`na këshillojnë si të veprojmë në të ardhmen ,të ndihemi edhe ne shqiptarë ,dhe të jemi pjesë e Kombit. Mjerisht po ndodhe e kundërta .! shqiptareve te Medvegjës këtyre ditëve u kercnohet ekzistenca e fundit e tyre,duke ju pasivizuar vendçëndrimi,duke i shlyer nga regjistrat te gjithe ata qe kan te drejten e votes dhe banimit ne shtepite e tyre.Këto masa ishin të pregatitura nga qeveritarët serb medvegjas me përkrahjen e Qeverisë të Serbise. Kurse delegatet shqiptarë që përfaqësojnë interesat e popullit , e sidomos të atyre partive që ceka më lartë (gjysme të vdekura) nuk kane fuqinë ta luftojne këtë gjendje që tani është Medvegja. Për këtë gjendje që sot është në Medvegjë, dhe që nesër do të ndodhë , ne shqiptarët medvegjas të diasporës ku do që jemi, jemi të organizuar shpirtërisht dhe materialisht të ndihmojmë që Medvegja mos të përmbyset. Mos ta lemë në meshirën e atyre që mbyten e shperngulen vite me radhë.
Të gjitha këto vite me radhë i përjetuam ne shqiptaret e Medvegjes dhe Kosovës Lindore në përgjithësi. Për fat të keq pritem plot 28 vjet të vendoset për fatin tonë.
Referendumi gjithepopullor i Kosoves Lindore me 1992 ishte vula e fundit e kërkesave të popullit shqiptar. Nga Shqiperia dhe Kosova nuk kemi përkrahje konkrete , e si duket as qe do të kemi,kurse ne Kosova Lindore mbetëm në pritje të çudirave se a do të ndodhin a po jo.Nuk e kuptoj pse nuk ngritet zeri një herë e pergjithemonë të bashkohen trojet shqiptare .
Kështu kanë vepruar edhe shtetet e tjera fqinjë dhe nuk është turp të merret si model. Mësohuni nga fqinjët tanë se si kujdesen institucionet e shtetit të Hungarisë për pakicat hungareze në Vojvodinë, miliona euro derdhen në vit për fusha të ndryshme të jetës dhe disa qindra mijëra për projektet që realizohen për destinomë të caktuara nëpërmjet OJQ-ve. Gjithashtu shteti i Hungarisë përveç përkujdesjes shtetërore në nivelin dy palesh që i ndihmon edhe i financiarisht pjesëtarët e vet, ajo ka angazhuar edhe shumë organizata joqeveritare për ta ndihmuar pakicën hungareze në Vojvodinë. Po ashtu bëjnë edhe kroatët dhe boshnjakët etj.
Ngjashëm bënë edhe Serbia për serbët e saj në Kosovë, e cila nuk kursen mundin, djersën e paratë për t’i mbajtur gjallë pjesëtarët e vetë në tokat kosovare. Me miliona euro destinohen nga Beogradi për serbët e rebeluar në Kosovë, të cilët nuk e njohin shtetin ku jetojnë, madje as ndërkombëtarët të cilët kanë ardhur t’ua zgjasin dhe përmirësojnë jetën në Kosovë.
Shembull tjetër kemi Greqinë e cila përkujdeset për grekët në Shqipëri, prandaj është momenti i fundit që edhe Shqipëria dhe Kosova, ta ndihmojnë me rrugën institucionale dhe financiare popullatën e Kosovës Lindore, me qëllim të forcimit të saj e cila aktualisht, është në mjerim, për shkak proceseve kombëtare dhe ndërkombëtare/
Shembull me konkret dhe me i freskët ndodhi para pak kohe me rastin e Ukrainës. Rusia i mori Kremen me një Referendum të përgutshëm që u organizua nga rusët e Kremesë nënë ndihmën e Rusisë. Kryetari rus Putin para super fuqive te mëdha botërore mbron me dinjitet këtë copëtim që mori një pjese të Ukrainës. Duke e cituar gjithnjë Kosovën. Shtrohet pyetja.
Ku mbeti Referendumi gjithë popullorë i vitit 1992 i trevave të Kosovës Lindore.?
Pse Kosova dhe Shqipëria, mu sot nuk kërkon që ky Referendum të realizohet ?
Pse nuk ndodhë tek ne kjo përkrahje.? Ku janë pushtetarët kosovar ?
A dinë ku është Medvegja ?
A dinë që 60% e popullatës së Kosovës i kane rrënjët nga Kazaja e Nishit,po dhe nga Medvegja që qëndroi heroikisht deri më tani e gjithnjë duke menduar e luftuar për Bashkim Kombëtar.
Është koha e fundit ta shpëtojmë së gjalli Kosovën Lindore. Këtë gjendje të mjeruar në Medvegje po e bartin në supet e tyre një pakicë njerëzish të mbetur,dhe diaspora shqiptare që po mban gjallë me finanësa këtë popull të lenë nën mëshirën e qiellit. E në kohen e fundit një shpresë e madhe që disa vendas filluan ndërtimin meremetimin e shtëpive dikur të boshatisura që të kthehen në vendlindje. Kjo e fundit është realitet, sepse vetëm të organizuar mund ta shpëtojmë Medvegjen të ringjallet edhe një here.
Shaban Abazi ish- komandant i UÇPMB-së z.o për Medvegjë
02,03,2020.
Na ndiqni në Facebook
Bëhuni fans të REDAKSISË Medvegja
Ku po mbetet MEDVEGJA ?
Në këto ditë të pazarllëqeve të politikes evropiane dhe kosovare,ende nuk dihet fati i trojeve shqiptare të mbetura jashtë shtetit të Shqipërisë si shtet i shqiptarëve etnik,dhe Kosovës si shteti i dytë i formuar nga shqiptarët. Përveç këtyre dy shteteve në trojet e Dardanisë së vjetër, një pjesë e madhe e trojeve mbesin jashtë shtetit amë,por gjithnjë nën shënjestrën e politikes së Botës dhe Evropës.
Kjo politikë që tani udhëhiqet nga superfuqitë e mëdha sjell versione të ndryshme për fatin e trojeve tjera të mbetura të banuara me shqiptar. E kundërta e kësaj, me dy shtetet e formuara : Shqipëri-Kosovë , i rrezikohet integriteti Kosovës të formoi “shtet” brenda shtetit të Kosovës.(Mitrovicën) Duke u nisur nga historia e më hershme tregon se :! Shqiptarët luftuan për një shtet etnik të-të gjithë shqiptarëve në Ballkan,i cili edhe ishte dikur.
Ne atë kohe, na e morën shtetin e madh ( Shqipëri e madhe). Ishin vite të okupimit,uzurpimit dhe tradhtive të super fuqive të asaj kohe. A thua sot,në një “demokraci” të kohës më përparimtare , populli shqiptar prapë do të mbetet i ndarë , nën mëshirën e atyre që dikur na morën tokat tona. Si duket fati i njëjtë po na ndodh edhe tani,por jo e imponuar aq nga ato superfuqi,po nga pëlqimi i disa qeveritarëve të Kosovës , që ngusin të nënshkruan të tërën çka u hidhet në tavolinë nga Bashkësia Evropiane, duke mos pyetur aspak vullneti i popullit. Kjo nguti merë kaheje krejt tjetër,jo në të mirë të popullit kosovar ,po edhe ata të mbetur jashtë shtetit të Kosovës. Pavarësimi i Kosovës si duket paska qenë kusht i formimit të “zajednices serbe” në Kosovë, dhe gur i zi në mes të shqiptarëve të mbetur jashtë Kosovës. Ky gurë fat keçë , na qenka shumë i rëndë të ç`vendoset nga trojet tona, dhe të vihet aty kur dikur e kishte vendin!…
Po qenka aq i lehtë aty ku asnjëherë s`kishte qëndruar, e vendoset mu brenda Kosovës shtet dhe të formohet “zajednica serbe”. Këtë mund të bëjnë vetëm disa shqiptar qeveritar që nuk mendojnë të zgjerojnë shtetin e tyre,po e kundërta, humbin tokat etnike që dikur i kishim dhe humbin besimin tek populli që ua dha votën. Kjo humbje do t`na kushtoi shumë. Serbet e Kosovës me kërkesat e tyre dhe mbështetjen e Serbisë, do të jetë një fitil ndezës për Kosovën dhe Ballkanin,kurse për shqiptarët e mbetur jashtë kufijve,do të jetë ëndërr për bashkim, apo do të mbetet një alternativë e mëtutjeshme për këmbimin e trojeve. Për ne , shqiptarët e Kosovës Lindore, as e para as e dyta nuk flenë në shpirtin tonë. Të humbim territorin e Kosovës,e të fitojmë Kosovën Lindore ,është tregti që nuk fiton asgjë. Thotë një fjalë popullore “Nga një gjep ,në gjepin tjetër”.
Tregti e tillë është për ta rehabilituar Evropën dhe për t`ja realizuar Serbisë planet e veta,që ndoshta kurrë nuk kishte mundur ti realizoi. Këtë mund ta bëjnë vetëm ata që bisedojnë ndërkombëtarisht,pa menduar dhe konsultuar popullin e mbetur jashtë Kosovës. Kjo po ndodh sot , do te ndodh edhe me keq nesër pas bisedime të fshehta që bëhen tani, e të cilat shumë shpejt do të dalin në shesh.
Ky skenar “Ndërrimi i trojeve” për mua ka qene i njohur 19 vite më parë,gjatë bisedave Kosovë Lindore -Serbi të vitit 2001, nën mbikëqyrjen ndërkombëtare,e të cilin kategorik e refuzuam i gjithë stafi udhëheqës i asaj lufte të UÇPMB-së. Ky refuzim i atëhershëm ,tani na bënë të mendojmë ! A bëme mire ,apo keq !?. Si duket paska qenë fatal për ne, e shumë përfitues për Serbin. Ata , tani fitojnë territor ne shtetin e Kosovës,kurse ne mbetem aty ku ishim,nën kallashët e Serbisë,nën politiken e tyre , dhe nën mëshirën e Evropës se çka do të ndodh me tej për ne, K.Lindore , dhe fatin e shqiptareve të mbetur jashtë shtetit amë. Por, çka është me e keqja një politik e këtillë ka futur thikën në mes tri komunave të Kosovës Lindore,kur bisedohet për këmbimin e trojeve.
.
Si duket Medvegja është nën shënjestrën e politikes serbe,që tregon vet fakti kur disa herë kryetari i Serbisë Vuçiç e viziton këtë komunë, dhe jep lajme të rreme se në Medvegjë jetojnë 7% popullatë shqiptare,kurse merr vendime antinjerëzore,antikushtetuese,që 5000 shqiptarëve t`ju merren adresat e banimit dhe mos pajisen me dokumente udhëtimi.
.
Çka është më e keqja , dy komunat tjera , Bujanovc e Preshevë kanë ra në gjumë, kanë mbetur të hutuara,nuk e ngrehin zërin si dikur kur ishim bashkë në kërkesat tona. Si duket nga frika se si do të zgjidhet fati i tyre në këto politika të pakuptimta e tinëzare që sot po ndodhin nga super fuqitë : Amerikë dhe Evropë. Ndërsa ne medvegjasit me disa p Parti të mykura e shërbëtore të partive të Bujanocit e Preshevës, kemi mbetur duke u ankuar e fërkuar në mes veti deri tek një përçarje të pakuptimtë në mes një pakice njerëzish të mbetur në Medvegjë.
Në këto ditë pazarllëku të politikes shqiptaro-serbe,në Medvegjë prapë del një njeri patriot,biznesmen,vizionar e Atdhedashës ,i cili mendon ndryshe, dhe kërkesat e popullit medvegjas i qon deri tek ata që mund, dhe duhet ta zgjedhin fatin e K.Lindore e pikërisht edhe të Medvegjës. z Muharrem Salihu me punën e tij të palodhshme depërtoi deri në Amerikë,Evropë dhe në të gjitha instancat ndërkombëtare, ku realisht dhe bindshëm i parashtroi problemet mbi gjendjen e popullit Medvegjas. Sikur edhe me herët, gjendja e Medvegjës të ishte në tavolinën e atyre që vendosin për fatin tonë,ndoshta Medvegja nuk do të ishte e zbrazur siç është sot.
Thotë populli “ Kurrë nuk është vonë” .
Unë shumë kisha dashur të besoi që nuk është vonë,bile Medvegja mos të mbesin nën okupimin serb, ashtu siç është sot e zbrazur ,pa njerëz, pa shkolla e nxënës shqiptar. Ne populli shqiptar jemi sikur feniksi ,shpejt do të zhvillohemi e ti mbushim me popullatë ato shtëpi të rrënuara, dhe do të fillojmë një jetë të lirë në oxhaqet e shtëpive stërgjyshore. Politika çdo ditë thuret e ç`thuret, kurse populli i pak mbetur në shtëpitë e tyre me mendim se do të bëhet mirë, jetojnë në një ëndërr për bashkim me trojet tjera shqiptare Kosove e Shqipëri , apo u shtohet rreziku të shpërngulen siç është shpërngul deri më tani në katër anët e Botës. Nga të gjitha këto, edhe shumë kërkesa tjera që populli i kërkoi vite me radhë,nuk kisha dashur të dëgjoi fjalët nga Vuçiç duke na thënë :
Pse keni ikur askush nuk ju ndoqi !.Kurse qeveritarët kosovar. Pse i lëshuat trojet e juaja,kthehuni atje ku ishit.!
Shaban Abazi ish komandant i UÇPMB-se z. e Medvegjës. 26.02.2020
Na ndiqni në Facebook
Bëhuni fans të REDAKSISË Medvegja