Studentët serb në Kosovë kan një Universitet publik , pse Shqiptarëve në Luginë nuk ju takon në gjuhën e tyre të studijojnë

Do të duhej të fillohet për vitin akademik të sivjetmë të startojë me fakultetet e edukimit për mësues në Luginë të Preshevës. Qeveria e Serbisë jo që nuk do të merret me çështjet e popullatës së Luginës, por për shkak të Kosovës edhe po shkel shumë parime e rregulla ndërkombëtare. Deri më tani disa herë nëpër tërë shtypin e hapësirave tona shqiptare kemi shkruar duke ngritur çështjen dhe argumentuar për nevojën e themelimit të një Universiteti publik në gjuhën shqipe në Luginën e Preshevës. Nganjëherë populli duhet të ju prijë proceseve para pushtetit, nëse institucionet nuk i ndiejnë nevojat jetike për pjesëtarët e çdo nacionaliteti .

Fakulteti i mësuesisë ka më shumë se një dekadë që kërkohet të fillojë punën në Luginën e Preshevës, deri më tash asgjë nuk është ndërmarr , sepse nuk ka kurrfarë përgatitje, caktim lokacioni apo stafit punues, derisa minoriteti Serb në Kosovë posedon Universitet në gjuhën serbe në veri të Kosovës, të mbështetur edhe nga Qeveria e Kosovës, Serbisë dhe Ndërkombëtarët Prandaj , është e drejtë e ligjshme, që edhe në Luginë të Preshevës të themelohet universiteti publik në gjuhën shqipe i mbështetur dhe financuar nga buxheti i qeverisë serbe . Sa i përket vonesës së hapjes së një universiteti publik në gjuhën shqipe, nuk duhet kritikuar vetëm pushtetin e qeverisë serbe, ato vërtet nuk kanë kurrfarë projekti për hapjen e një institucioni të tillë, por kësaj here edhe vetë shqiptarët lokalë të komunave të Medvegjës, Bujanocit dhe Preshevës janë fajtorë, sepse nuk kanë insistuar me kërkesa, duke këmbëngulur edhe me argumente dhe projekte bindëse .

Kjo do të jetë edhe një ndihmesë, pasi edhe faktori ndërkombëtar vazhdimisht kërkon që popullata shqiptare sa më parë dhe më shpejt duhet të integrohet në rrjedhat e përgjithshme. Subjektet politike ndoshta ende nuk janë të vetëdijshme dhe nuk po shtrojnë këto kërkesa shumë të domosdoshme të kohës.

I .Autori i këtyre rreshtave njëkohësisht shkroi dhe argumentoi disa herë nëpër tërë shtypin e hapësirave tona shqiptare për themelimi i një Universiteti publik gjuhën shqipe në Luginën e Preshevës. Tri komunat e banuara me popullatë shqiptare: Bujanoci , Medvegja dhe Presheva si për nga shtrirja gjeografike ashtu edhe nga numri i banorëve i plotësojnë të gjitha parakushtet e duhura që ta kenë një Universitet publik në gjuhën shqipe të financuar nga buxheti i Serbisë, pasi vetë lidershipi i tyre me plot gojën kërkon dhe thekson që janë për respektimin e të drejtave të minoriteteve, kjo do të përkrahet si nga spektri politik dhe organet komunale të tri komunave, por edhe nga përfaqësitë e huaja që janë me ndikim në Beograd dhe opinioni i gjerë ndërkombëtar. Deri më sot në këtë pikë nuk kemi asgjë serioze, që së paku do të bëhet fillesa me disa fakultete, si të mësuesisë, mjekësisë dhe atij juridik, e pastaj edhe si Universitet i kompletuar, ku do të ndihmohet dhe plotësohet me kuadro, me kalimin e kohës si nga universiteti i Prishtinës por edhe nga ai i Tiranës dhe Shkupit. Shqiptarët e tri komunave kanë hequr të zitë e ullirit për shkollim edhe ato pak të shkolluar në Kosovë e në Shqipëri, paraqitet problem nostrifikimi i diplomave, vetëm e vetëm sa më pak të shkolluar të dalin, deri më sot e kanë pasur shumë vështir të shkollohen në gjuhën e tyre amtare, së pari kanë munguar nismat, projektet e përbashkëta të rëndësisë së veçantë nga pala e banorëve, duke menduar edhe kërkesat me shkrim drejtuar që nga organet lokale dhe qendrore të Serbisë, por edhe të instancave Evropiane për realizimin e drejtave të pakicave që Serbia është nënshkruese e të gjithave atyre normave dhe akteve, pasi edhe kërkon me ngulm të zbatohen për serbet e Kosovës; atëherë pse nuk ndërmerr asgjë prej asgjëje për pakicat e veta që janë në Serbi, si që janë Shqiptarët, Hungarezët, Boshnjakët, Bullgarët e shumë të tjerë .

II .Të përkujtojmë se po të mos këmbëngulnin dhe themelonin shqiptarët e Maqedonisë një Universitet publik njëherë si ilegal për pushtetin Maqedon dhe sot e kësaj dite nuk do të posedonin dhe nuk do të ishte i pranuar dhe legjitimuar Serbët në Kosovë kanë Universitetin e tyre, gati me ato drejtime sa ka edhe Universiteti i Prishtinës, minoriteti Serb në Kosovë ka të drejta si minoritet edhe më tepër se që ju takojnë me konventa ndërkombëtare, kanë administratën në gjuhën e tyre, gjyqësinë, sistemin bankar, kujdesin shëndetësor edhe atë spitalor, kurse Shqiptarët në Luginë të Preshevës nuk i posedojnë asnjërën prej tyre .

Hapja e këtij institucioni të lartë arsimor, mund të këtë një qendër p.sh në Preshevë apo Bujanoc, fakultete duhet të hapen edhe në qytetin e Medvegjës, sa i përket se a ka nevojë të jetë edhe në ndonjë gjuhë përveç në atë shqipe, mund të jetë edhe në gjuhën serbe e angleze, ku vetëm kështu do të jetë në hap me kohën dhe me vlera të jashtëzakonshme, jo vetëm për popullatën e këtushme me shumicë Shqiptare .

Nëse tanimë Kosova pavarësohet edhe më tej, do të vështirohet shkollimi i kuadrove të larta prej Luginës, kurse studentët t’ia mësyjnë Universitetit të Beogradit dhe të Nishit e kanë shumë larg, kurse në anën tjetër për të studiuar në universitetin e Shkupit, poashtu duhet të kalohet kufiri dhe është shtet tjetër por edhe kostoja e studimeve do të ishte tepër e lartë dhe e papërballueshme për buxhetin e një familje mesatare të Luginës së Preshevës, pra këto janë vetëm disa arsye nga shumë të tjera, pse duhet të themelohet dhe të fillojë së punuari një universitet në gjuhën shqipe me vendim të organeve gjegjëse të qeverisë së Serbisë, por jo të zvarritet në pafundësi sikur disa nisma të tjera, kjo do të ishte shumë e qartë që vërtet Serbia jo vetëm që kërkon por edhe merr përgjegjësi për trajtimin e drejtë të minoriteteve, kurse Shqiptarët e Luginës së Preshevës do të pajtohen me këtë, nëse faktori ndërkombëtar kërkon vazhdimisht nga Luginasit që shqiptarët e këtushëm të integrohen dhe marrin pjesë në jetën institucionale, atëherë edhe ne pajtohemi, pasi edhe i kryejnë edhe kontributet e këtij shteti, atëherë pse mos të hapët edhe ky universitet publik në gjuhën shqipe, së fundi i fundi edhe këto janë të drejta elementare, themelore për një komunitet të veçantë, si që janë shqiptarët në Luginë të Preshevës.

 

për REDAKSIN Medvegja      shkruan Mr. Sc. Refik  HASANI  , 30 Shtator 2015 

Na Ndiqni në FACEBOOK

Bëhuni pjesë e Faqes   https://www.facebook.com/medvegja.redaksia

Autori  është njohës & iniciator i shumë çështjeve për Kosoven Lindore, veprimtar i dalluar për trojet tona .

 Për të lexuar Biografin e autorit

                       klikoni këtu:⇓

tupalla.com/wp/?p=3819

 

 

 

 

 

 

 

Humbja ne kushte te barabarta eshte e ndershme por, te diskriminuar dhe te fyer, shtrohet pyetja se cilet « shqipëtare » apo lider munde t’a pranojne ?!!

Krytaret e partive PVD- UDSH-PD- e te tjeret te dalin dhe te deklarojn se nuk i pranojm zgjedhjet

 

Lëvizja Vetëvendosje ka reaguar në lidhje me bllokadën që e ka shkaktuar shteti serb në kufi me Kosovën në pikëkalimin kufitar të Mutivodës.

Vetëvendosje thotë se forca të shumta të policisë serbe janë pozicionuar në kufi me Kosovën, duke mos lejuar asnjë nga shqiptarët e Medvegjës që të kalojnë matanë kufirit për ta shfrytëzuar të drejtën e tyre për votim.

Reagimi i plotë i Lëvezjes Vetëvendosje: 
 

Forca të shumta të policisë serbe janë pozicionuar në kufi me Kosovën, duke mos lejuar asnjë nga shqiptarët e Medvagjës që të kalojnë matanë kufirit për ta shfrytëzuar të drejtën e tyre për votim. 

Për vite me radhë, shteti i Serbisë terrorizon shqiptarët e Preshevës, Bujanocit dhe Medvegjës, duke pamundësuar edhe ekzistencën e tyre në atë territor, ku për pasojë mijëra e mijëra shqiptarë tashmë janë shpërngulur. E Medvegja është një nga rajonet ku më së shumti është punuar në këtë drejtim, dhe për pasojë sot aty jetojnë shumë pak shqiptarë. Dhunës sistematike të shtetit të Serbisë në ndaj shqiptarëve në atë pjesë, spastrimit etnik të vazhdueshëm, sot po i shtohet edhe një metodë e re – pamundësimi që shqiptarët e Medvegjës të shfrytëzojnë të drejtën e tyre të votës. 

Përderisa Qeveria e Kosovës lejonte ardhjen e mbi 13.000 serbëve nga Serbia për të votuar në zgjedhje në Kosovë, pa asnjë dokument të Republikës së Kosovës, vetëm e vetëm që Lista Serbe t’i merr votat e mjaftueshme, Qeveria e Serbisë nuk i lejon as të futen në në territorin e Medvegjës shqiptarët e asaj anë që janë shpërngulur në Kosovë. 

Kjo është fytyra e vërtetë e Serbisë, e jo ajo të cilën na e paraqet Kryeministri i Kosovës, Isa Mustafa. Sa më shumë kompromise që bën Qeveria e Kosovës ndaj Qeverisë së Serbisë, aq më shumë rritet dhuna dhe shtypja e shtetit serb ndaj shqiptarëve atje. 

Qeveria e Kosovës, para se të merren me të drejtat e popullit të vetë brenda dhe jashtë kufijve, kanë vendosur që t’i përmbushin të gjitha kërkesat e Serbisë, kërkesa këto që bien në kundërshtim me interesin shqiptar në Ballkan. Para se t’i sigurojnë të drejtat elementare të shqiptarët e Preshevës, Bujanocit dhe Medvegjës, Qeveria e Kosovës ishte e gatshme t’ia falë Serbisë një pjesë të madhe të territorit të Kosovës, përmes krijimit të “Zajednicën”. Shqiptarët e e asaj pjese, edhe sot janë vetëm. Republika e Shqipërisë dhe Republika e Kosovës duhet t’iu dalë në ndihmë atyre. 

 

 

Bëhuni pjesë e Faqes Medvegja REDAKSIA   https://www.facebook.com/medvegja.redaksia

 

 

 

 

Aleksandër Vuçiqi deklaron se shqiptarët përbëkan vetëm 6-7 % të popullsisë së përgjithshme. Dalja e sa më shumë shqiptarëve në zgjedhje, duke përfshirë edhe ata që ndërkohë janë zhvendosur në Kosovë, por që gëzojnë të drejtën e votës, po edhe pjesëmarrja masive në këto zgjedhje, do t’ia dëshmonte më së miri jo vetëm Vuçiqit, përqindjen reale të shqiptarëve në Medvegjë.
Në një takim pune që është mbajtur në Preshevë të hënën, me iniciativën e Jonuz Musliut, në cilësinë e kryetarit të Këshillit Kombëtar Shqiptar, ku morën pjesë trupi politik i shqiptarëve të këtij rajoni, janë dakorduar që më 12 shtator të organizojnë një mbledhje me përfaqësues të tri komunave: Preshevë, Medvegjë dhe Bujanovc. Sipas deklaratës së Musliut dhënë “RTK”-së po sot, çdo gjë është gati që nesër të aprovohet deklarata politike që do t’i vinte themelin Asociacionit të Komunave Shqiptare në Jugun e Serbisë.
I menjëhershëm ishte reagimi i kryeministrit Aleksandër Vuçiq.
Ai ka reaguar ashpër, plot mllef, lidhur me paralajmërimin e liderëve shqiptar të Kosovës Lindore për krijimin e Asociacionit të Komunave Shqiptare. “Serbia do të dijë se si të reagojë – me urtësi dhe inteligjencë. Ndërkaq nëse do ta kërkojë nevoja do ta tregojë fuqinë, u shpreh ai në një intervistë dhënë TV serb.
Vuçiqi në prag të zgjedhjeve në Medvegjë ishte me një eskortë të veçantë, duke i dhënë rëndësinë që nuk e kanë dot këtyre zgjedhjeve. Sipas tij, në Medvegjë shqiptarët përbëjnë vetëm 6 – 7 % të numrit të përgjithshëm të popullsisë. Tutje, pas kësaj deklarate që bie ndesh me të dhënat zyrtare të Beogradit mbi përqindjen e popullsisë shqiptare në Meditë, ai vazhdoi se, tek pastaj, “do të shohim kush do të fitojë Partia Progresive Serbe apo Partia Demokratike Shqiptare, duke ironizuar me kryeministrin shqiptar Edi Rama.
Le të përkujtojmë me këtë rast të dhënat zyrtare serbe sipas regjistrimit të popullatës nga viti 2002. Në Komunën e Medvegjës, sipas këtyre të dhënave zyrtare, ka gjithsej 10. 760 banorë, prej tyre 28.60 % janë shqiptarë. Këto të dhëna, duket se ose nuk i njeh Aleksandër Vuçiqi, ky pinjoll i Vojisllav Sheshelit, ose pretendon që prezencën shqiptare atje ta sjell tek shifra e potencuar. Mundet që Vuçiqi, duke pas në ndërdije pikërisht faktin se serbët në numrin e përgjithshëm të popullsisë në Kosovë sillen tek 6 – 7 %, artikulon në formë të lingaul lapsus-it, këtë të pavërtetë publike.
Shih për këtë, dalja e sa më shumë shqiptarëve në zgjedhje, duke përfshirë edhe ata që ndërkohë janë zhvendosur në Kosovë, por që gëzojnë të drejtën e votës në Medvegjë, dhe pjesëmarrja masive në këto zgjedhje, do t’ ia dëshmonte më së miri, jo vetëm Vuçiqit, përqindjen reale të shqiptarëve në Medvegjë.
Natyrisht kjo prezencë do të dëshmohej edhe më bindshëm, kur pjesëmarrja të jetë jo vetëm masive, por edhe vota të hidhet në kutitë e votimit duke gjykuar shqip.
Në garën për të përcjell mesazhe sa më të dhunshme u angazhua ndërkohë edhe ministri i jashtëm serb, Ivica Daçiq, pinjolli i Milosheviqit, por duke i ngatërruar pozicionet që kishte dhe ka në këtë epokë të “tranzicionit” kuazidemokratik serb, meqë sa herë ai iu drejtohet shqiptarëve,  artikulohet si kryexhandar, pavarësisht se aktualisht mban postin e ministrit të jashtëm.
Në këtë linjë të reagimeve me frymë tërësisht antishqiptare vije edhe ai i Milovan Dreçunit, përndryshe kryetar i komisionit parlamentar të Serbisë për Kosovën. Madje për të rrumbullaksuar këtë koherencë dhe konsistencë konceptuale alogjike dhe rrjedhimisht edhe antishqiptare, ai tërheqë vërejtjen se formimi “Bashkësisë së Komunave Shqiptare në Serbi nuk mund të bëhet e as trajtohet në korelacion paralel me Asociacionin e Komunave Serbe”!
Sipas Dreçunit, paralajmërimet për themelimin e Asociacionit të Komunave Shqiptare kanë të bëjë me zgjedhjet në Medvegjë që janë planifikuar të mbahen të dielën dhe kanë për qëllim internacionalizimin e çështjes së Luginës së Preshevës.

Brukseli thyen heshtjen

Lidhur me themelimin e Bashkësisë së Komunave Shqiptare (BKSH) në Serbinë Jugore, më në fund Brukseli ka thyer heshtjen. Sipas zëdhënëses së Përfaqësueses së Lartë të BE-së për Politikën e Jashtme, Maja Kocijançiq, “Bashkësia e Komunave Serbe është rezultat i negociatave të veçanta të dialogut Beograd – Prishtinë”.
Brukseli edhe në këtë kuadër, madje edhe kur është fjala për të njëjtën materie, Kosovën dhe shqiptarët e Luginës i trajton në shpërputhje me dokumentet bazë që rregullojnë çështjen e minoriteteve. Për Brukselin pakica serbe në Kosovë rrjedhimisht nuk është dhe nuk mund të trajtohet si pakicat tjera kudo në Evropë! Kocjançiq shprehet decidivisht: “Kur është fjala për pakicën shqiptare në Serbi, Serbia është angazhuar të zbatojë politikat ndaj pakicave kombëtare, që janë në përputhje me detyrimet e parashikuara në Konventën Kornizë së Këshillit të Evropës për Mbrojtjen pakicave dhe Kartën Evropiane për të mbrojtur pakicat, gjuhën, simbolet dhe mes tjerash kulturën”! Ndërkaq fare në fund të deklaratës së saj, ajo shqiptarëve megjithatë ua thotë një të vërtetë domethënëse: “Ne në Bruksel i kuptojmë shqetësimet e shqiptarëve nga Lugina e Preshevës, por kjo e tëra varet nda dy kryeministrat. Prandaj, për Luginën e Preshevës mund të flitet në Bruksel, nëse pala serbe dhe kosovare janë dakord dhe se kjo pyetje para Brukselit, duhet shtruar së pari autoriteteve në Beograd dhe atyre në Prishtinë”.

Kakofonia e reagimeve shqiptare

Por, nëse nga pala serbe pati reagime të koordinuara dhe me mesazhe të qarta, kjo nuk mund të thuhet për palën shqiptare. Për fat të keq, disi në heshtje, si në Prishtinë edhe në Tiranë, u tumirën reagimet e Vuçiqit! Ndërkaq nga një pjesë e analistëve dhe opozitës, sidomos në Preshevë edhe Prishitnë, meqë në Tiranë për këtë u hesht fare (!), pati shkarje të plotë, duke e cilësuar paralajmërimin për miratimin e deklaratës politike për Asociacionin e Komunave Shqiptare në jugun e Serbisë, si përpjekje për të relativizuar Zajednicën serbe në Kosovë!
Kjo heshtje e Tiranës dhe e Prishtinës, por edhe e disa qarqeve në Preshevë e Prishtinë, flet qartë se palës shqiptare i mungon një platformë politike e mirëqenë për Kosovën Lindore.
Krijimi Bashkësisë së Komunave Shqiptare në jugun e Serbisë ka ardhur çasti historik të kuptohet si gurthemel i kësaj platforme politike të munguar.
Paralajmërimin për krijimin e Bashkësisë Shqiptare në Kosovën Lindore, shih për këtë, nuk duhet shikuar si akt politik për relativizimin e Zajednicës në Kosovë, por si veprim strategjik dhe presion ndaj Serbisë që ajo të shtrëngohet të ndalet.
Objektivi i Serbisë për bosnjizim të Kosovës ndalet vetëm duke vepruar gjithandej shqip: me protesta masive në Kosovë (që do ta detyrojnë qeverinë të dorëhiqet), por edhe me veprime të këtij lloji në Preshevë.

 

Shkruan Sadri Ramabaja,

Autori është anëtar i Lëvizjes Vetëvendosje  me titull magjistër ,ka studiura ne Universitetin e Prishtines, Tiranes dhe Basel-it (Zvicërr).

 

Bëhuni pjes e Faqes Medvegja REDAKSIA   https://www.facebook.com/medvegja.redaksia

 

 

 

 

 

 

Me rastin e 14 vjetorit të rënies së dëshmorëve të UÇPMB-së , OVL , veteranë , bashkëluftëtar familjarë dhe qytetarë sot kanë bërë homazhe tek vend rëniet dhe varrezat e dëshmorëve të kombit.

Me rastin e 14 vjetorit të rënies së dëshmorëve të UÇPMB-së zona operative e Preshevës OVL e UÇPMB-së sot ka bërë homazhe tek vend rënies dhe varrezat e dëshmorëve. Homzhet kanë nisur nga vendrënia e dëshmorit Hysen Salihu në Maxhere dhe më pas kanë vazhduar tek vendi i rënies së dëshmorit Mitat Musliu,tek mulliri në Rahovicë. Ndërkohë homazhet kanë vazhduar tek penda e Rahovicës në vendin e rënies së katër dëshmorëve Bardhyl Osmani, Shaban Ukshini, Sami Ukshini dhe Kastriot Arifi.

Vizita tjetër ka vazhduar tek varrezat e fshatit Rahovicë në të cilën pushojnë eshtrat e dëshmorëve Shaban Shahini e Agim Halimi si dhe të martirit Riza Ibrahimi .Po ashtu u bënë homazhe edhe tek vendi i rënies së dëshmorit Shaban Shahini.

Për nder të dëshmorëve të UÇPMB-së, vizitat vazhduan në varrezat e Preshevës, me homazhe tek Barrdhyl Osmani – Delta, dhe Ibrahim Fejzullahu. OVL e UÇPMB-së homazhet i kanë përfunduar tek varri i dëshmorit Mitat Musliu në Strezoc.

Por vëllai i dëshmorit të Mitat Musliut ndjehet i zhgënjyer nga mos prezenca e qytetarëve por dhe ndasitë që vazhdojnë.
Edhe kryetari i OVL së UÇPMB-së është i dëshpëruar nga kjo që po ndodh tek ne.Homazhet në nderim të dëshmorëve të kombit sot janë zhvilluar ndaras ashtu si do të jetë edhe nesër me manifestimet.

Ky ishte viti i 14 me radhë që bëhen homazhe tek vendi i rënies dhe varrezat e dëshmorëve të UÇPMB-së të zonës operative të Preshevës. Është e dhimbshme që në homazhe marrin pjesë një numër i vogël i qytetarëve duke harruar se liria të cilën po e gëzojmë ka ardh falë kontrubitn të çlirimtarëve dhe flijimit të tyre.
OVL e UÇPMB- nesër nga ora 18:00 në shtëpinë e kulturës do të mbajë akdamin përkujtimore të dëshmorëve të UÇPMB-ës

Deshmoret u kujtuan edhe ne shume e qendra te tjera memoriale

Sot më ; 14.05.2015. Gjat tubimit perkujtimor te Deshmoreve te Z.O.Presheves ne Fshatin Rahovicë-Preshevë
Lavdi gjithe Deshmoreve te Kombit i pa harruar qoft ideali i djemve me te mire te kombit ku dhan me te shtrejten pa e kursyer edhe jeten. Lavdi

 

Në vazhdim këngë kushtuar Uçpmb-së https://www.youtube.com/watch?v=T_OcUUHE8lo

 

Medvegja REDAKSIA   14.05.2015

Bëhuni pjes e Faqes   https://www.facebook.com/medvegja.redaksia

 

 

 

 Si duket ne medvegjasit jemi bërë imun kush do të qeveris me ne, ! Medvegja apo Beogradi. Sot kur nga delegatët të Kuvendit Komunal të Medvegjës, e sidomos të zëvendësit të Kuvendit , Fehmi Beha,delegatit më të vjetër nga partia e PVD-së Hajdar Hajndari dhe delegatja me e re Mirlinda Ferati,  ju tha JO koalicionit me individ të partive të ndryshme te cilet jan zhytur në krime të ndryshme (edhe të denuar), tani të njohura për të gjithë në këtë Komunë.

 Vite me radhë nga qeveria e deri tashme, ne shqiptarëve na u premtua shumë,po si duket politika Serbe mbetet ashtu si ajo e viteve të mëhershme,pa ndryshim fare kur është në pyetje e drejta për shqiptar. Mbi shtypjen e një populli siç beri Serbia në Medvegjë kuptoi tërë Evropa,e për fat të keq shqiptarët e pak mbetur  përjetuam në lëkuren e tyre një padrejtësi të pa qendueshme. Historikisht e tërë Kazaja e Nishit u kolonizua me Serb e Malazeze. Tokat shqiptare u uzurpuan e u toponuan me emërime sllave. Pas ikjes të Perandorisë Osmane nga këto troje,Sahit Pasha disi i shpëtoi  9 katunde pa u shpërngulë tërësisht nga Medvegja.

Qëndruam heroikisht në tërë luftërat e Ballkanit që morën atë rajon. U munduam ti përballojmë e të tregojmë Jugosllavisë Titisto-komuniste se edhe ne jemi pjese e këtij shteti,dhe dimë të udhëheqim  në të gjitha sferat e jetës të ati socializmi. Ishin kohëra të vështira, të burgjeve e vuajtjeve, të skamjes e mjerimit. Nga të gjitha ato kohëra nuk mundëm ti tregojmë Serbisë se ne shqiptarët medvegjas jemi për paq,për një jetë të përbashkët,dhe e fundit se jemi autokton në trojet tona. E kundërta çdo shkollim i shqiptarëve në këto troje ishte HALË në sy për Serbët dhe sistemin e Serbisë .Me këto padrejtësi ishin të gjithë shqiptarët e Kosovës dhe Kosovës Lindore. Lëvizjet e fundit në Evrope me një luftë të tmerrshme dhe te gjenocidit, u nxor edhe një shtet i ri i shqiptar ne Ballkan. Kosova Lindore pas formimit të shtetit të Kosovës mbeti me sy hapur çka do të bëhet me fatin tonë. Ti bashkohemi Nënës Shqipëri,apo ti bashkohemi motrës se madhe Kosovë. Mjerisht asgjë ,mbetem aty ku ishim para 100 viteve, në tokat tonë e nën thundrën e Serbisë. Për fatin tonë Nëna e madhe po heshtë ,kurse motra e madhe nuk guxon as të na pranoj që jemi pjesë e sajë .I vetmi është populli shqiptarë kudo që janë që me lot në sy përcjellë gjendjen e mjerueshme sot që është në Medvegjë. Me një jetë të mjerueshme që sot mbijetojnë shqiptarët e Medvegjës ku duhet të ikin pa kapuç në kokë siç thotë populli. Për çdo lëvdate, duhet ti mbështesim ata pak njerëz që kanë mbetur në trojet e tyre.

   Sikur ne shqiptaret kudo që jemi ,e sidomos ne me prejardhje nga Medvegja, të qanim natë e ditë me lotët e krokodilit ,nuk mund të ndihmojmë asgjë në këto momente që sot e ka kapluar Medegjen.

Vite me radhë prapë disa shqiptare u munduan të bëjnë një lloje koalicioni me Qeverinë komunale te Medvegjës. Po mjerisht prapë u ndanë të zhgënjyer. Këtë e hetuam ne popull si kah moti, por e hetoi edhe një pjesë e delegatëve shqiptarë që ishin pjesë e qeverisjes lokale medvegjase.  Kurse pjesa tjetër i shtini veshët në shurdh dhe disi u pajtuan me padrejtësitë që u bënë në popullin shqiptare. Si     p.sh:

• Para syve të tyre hiqen nga librat e amzës popullata e Medvegjes. Në vend të tyre shkruheshin njerëz që kurrë s`kanë qenë medvegjas ( kundrejt shumave të mëdha €uro).
• Pritet mali dhe dëmtohen tokat shqiptare pa kurrfarë të drejte (edhe nga vet udhëheqsit komunal-Zëvendëskryetari i Komunes).
• Largohen nga puna shumë të ri e të reja në baza politike (pse nuk jan pjesë e të korruptuarve).
• Shkatërrohen rrugë e infrastrukturë në fshatrat shqiptare (duke vjedhur malet e shqiptarve).
• Mbyllet lëvizja e lirë në rrugët që qon në drejtim të kufijve me Kosovën, e sidomos të  fshatit Sfircë (shumat e dedikuara i shëndrrojn në pasuri personale).
• Shkatërrohet arsimi duke i punesuar njerëzit e vet ! (s’ka rendesi a ka kualifikimin e duhur vetem a aplikojn rregulloren e tyre)
• U merren dokumentet e udhëtimit nëse nuk janë duke jetuar permanent në vendin e qëndrimit.

Të gjitha këto dhe shumë tjera padrejtësi u bënë mjerisht para syve të disa delegatëve shqiptar që ishin pjesë e qeverisë lokale deri me 14.04.2015,kur prishet Qeveria, dhe hynë qeverisje e përkohshme.

Kjo duke ju falënderua 3 delegatëve shqiptarë z Fehmi Behës,Hajdar Hajndarit dhe Mirlinda Feratit, të cilët ishin kategorik në kërkesat e tyre. Ose të drejta të barabarta ,ose jashtë asaj qeverie diskriminuese. Mu këtu duhet të përqendrohemi, i madh e i vogël,politikan e humanist,atdhetar e tradhtar kombi. Të bëhemi një,të koordinohemi dhe në zgjedhjet e radhës të jemi një parti,të kemi një ide dhe mos të kemi frikën e askujt deri në fitore. Kjo mund të ndodhë, edhe pse për dike ndoshta është e parealizuar,kurse për Fehmiun,Hajdarin dhe Majlinde me një përkrahje te të gjithë medvegjasve dhe vëllezërve shqiptarë kudo që janë fitorja nuk do të mungoi.

    Vetëm kështu bashkohet Kombi,hapen kufijtë dhe flitet shqip aty ku me shekuj jetuan dhe jetojmë ne shqiptaret. E kurrë nuk do ta qojmë Kombin përpara nëse përkrahen njerëz që deri sot na prunë deri në ketë gjendje të mjeruar, e cila kërkon kohe dhe Unitet për ta përmbysë. 

shkruan për Medvegja REDAKSIA juaj

  Shaban Abazi 15.04.2015.

BEHUNI PJES E Faqes Medvegja REDAKSIA   https://www.facebook.com/medvegja.redaksia